Tímarit lögfræðinga - 01.11.1977, Síða 40

má nefna, að í fyrst nefnda embættinu voru fullnustugerðir 1976 alls 270 tals-
ins, þinglýst skjöl 24.483 og að jafnaði eru gefin út daglega 4—5 veðbókar-
vottorð. Þóttu þetta lágar tölur miðað við fólksfjölda í umdæminu.
Álag á sakadómi virðist vera minna I Noregi en hjá okkur. Stafar það senni-
lega af því, að þeir frændur okkar hafa flutt stóra og viðamikla málaflokka
með ,,dekriminaliseringu“ úr sakadómi yfir í fógeta- og uppboðsrétt, án þess
að flytja nema tiltölulega lítinn hluta vinnunnar með.
Sáttanefndir í Noregi eru mikilvægar stofnanir gagnstætt því sem er hjá
okkur. í sáttanefnd eru þrír menn, yfirleitt ólöglærðir, kosnir af sveitarstjórnum.
Er dómsvald nefndanna til muna meira en hér á landi. Öllum einkamálum að
heita má verður að stefna fyrir sáttanefnd, áður en dómstólaleiðin kemur til
greina. Af tæplega 80 þúsund málum sem stefnt var fyrir sáttanefnd 1973
voru liðlega 44 þúsund afgreidd þar að fullu.
Það sem einkum skilur á milli dómsmálakerfisins í Noregi og hér heima,
fannst mér vera, að þar er miklu frekar skilið á milli dómsvalds og fram-
kvæmdavalds en hjá okkur. Mesti munurinn er þó sá, að þar er millidómstig
en ekki hér. Er ekki laust við, að manni finnist 2 dómstig full fátækleg skipan
mála svo að ekki sé sagt ófullnægjandi, eftir kynni af öðru, þótt lítil séu og
stutt. Læt ég í Ijós þá persónulegu skoðun, að stuðningur minn við tillögur
réttarfarsnefndar, sem fram kom í lögréttufrumvarpinu, hefur eindregið eflst
við þessa ferð.
Að endingu vil ég fyrir hönd stjórnar Dómarafélags íslands þakka þeim
Haraldi, Hrafni og Þór mikið og gott starf við undirbúning og skipulag ferð-
arinnar og þakka jafnframt persónulega samstarfið við þá í Noregi, en undir-
ritaður, sem var sá eini úr félagsstjórn í förinni, taldist vera fararstjóri. Var
það ekki mjög íþyngjandi sökum aðstoðar þeirra nefndarmanna og góðrar
skipulagningar í upphafi.
Þess er vert að láta getið, að hver þátttakenda fékk kr. 65.000 í fararstyrk;
kr. 15.000 úr sjóðnum Þjóðhátíðargjöf Norðmanna, kr. 25.000 frá dómsmála-
ráðuneytinu og kr. 25.000 úr utanfararsjóði dómarafélagsins. Vil ég fyrir hönd
félagsins og þátttakenda færa fram bestu þakkir fyrir styrkina.
Ólafur St. Sigurðsson.
Þátttakendur í Noregsferðinni voru þessir: Ármann Kristinsson, Auður
Þorbergsdóttir og Hannes Kr. Davíðsson, Ásberg Sigurðsson og Solveig Jóns-
dóttir, Bjarni K. Bjarnason, Björn Þ. Guðmundsson, Emil Ágústsson, Garðar
Gíslason, Gunnlaugur Briem, Halldór Þorbjörnsson, Haraldur Henrýsson, Hrafn
Bragason, Jón ísberg og sonur hans Guðbrandur, Jón A Ólafsson, Kristján
Torfason, Már Pétursson og Sigríður Jósefsdóttir, Magnús Þ. Torfason, Ólafur
St. Sigurðsson og María Steingrímsdóttir, Ólafur W. Stefánsson skrifstofu-
stjóri í dóms- og kirkjumálaráðuneytinu, Pétur Þorsteinsson og Björg Ríkarðs-
dóttir, Rúnar Guðjónsson og Auður Svala Guðjónsdóttir, Sigurður Hallur Stef-
ánsson, Stefán Már Stefánsson, Steingrímur Gautur Kristjánsson og Guðrún
Einarsdóttir, Valgarður Kristjánsson, Þorvarður K. Þorsteinsson og Magdalena
Ólafsdóttir, Þór Vilhjálmsson og Ragnhildur Helgadóttir.
150