Tímarit lögfræðinga - 01.08.1986, Síða 64
reglum er vonast til þess að menn fái upplýsingar sem skipta verulegu máli
við ákvörðun þess hvort í verkefni skuli ráðist eða ekki.
c) Með samþykktunum og reglunum er séð fyrir því að hæfustu menn séu
valdir til þess að sinna verkefnunum. Það er ekki skilyrði að viðkomandi sé
kennari við lagadeild, hvað þá heldur fastur kennari við deildina. Hins vegar
ber þess að gæta að verkefnin eru unnin í nafni Lagastofnunar. Lagastofnun
kýs sérstaka verkefnanefnd til tveggja ára í senn. Verkefnanefndin úthlutar
verkefnum, fylgist með því að þau séu unnin á réttum tíma og hefur að öðru
leyti umsjón með því að réttum reglum sé fylgt í hvívetna við framkvæmd
verkefnis. Verkefnanefnd hefur þegar verið kosin. Hana skipa þrír menn.
Formaður nefndarinnar er Stefán M. Stefánsson, en aðrir nefndarmenn eru:
Björn Þ. Guðmundsson og Gaukur Jörundsson. Varamaður er Jónatan Þór-
mundsson. Nefndarmenn veita allar nánari upplýsingar. Þær eru auk þess
veittar á skrifstofu lagadeildar í Lögbergi, í síma 25088 (222).
Stefán M. Stefánsson
SAMÞYKKTIR FYRIR GERÐARDÓM OG ÞJÓNUSTUMIÐSTÖÐ
LAGASTOFNUNAR HÁSKÓLA ÍSLANDS.
1. gr. Með samþykktum þessum er leitast við að fullnægja 2. gr. og 5. tl. 3. gr.
rgl. um Lagastofnun Háskóla íslands, nr. 190/1974, með því að bjóða fram þá
þekkingu sem stofnunin hefur yfir að ráða til að leysa ágreiningsmál, greiða úr
réttaróvissu og veita fræðilega þjónustu við löggjafarstörf og lagaframkvæmd.
Starfsemi samkvæmt samþykktum þessum fer fram í nafni Lagastofnunar.
2. gr. Á vegum Lagastofnunar skal starfa nefnd, sem ber heitið Verkefnanefnd,
til að vinna að þjónustuverkefnum þeim sem nánar er getið um í samþykktum
þessum og sérstökum reglum. Þær reglur teljast hluti af samþykktum þessum.
3. gr. [ Verkefnanefnd skal kjósa 3 menn úr hópi fastra kennara lagadeildar.
Formaður skal kjörinn sérstaklega. Þá skal kjósa einn varamann.
Allir nefndarmenn skulu kjörnir til tveggja ára í senn. Heimilt er að end-
urkjósa nefndarmenn, þó ekki lengur en eitt kjörtlmabil til viðbótar hverju sinni.
Verkefnanefnd skal kosin á ársfundi Lagastofnunar. Verkefnanefnd starfar
skv. heimild í 5. mgr. 5. gr. rgl. nr. 190/1974.
4. gr. Hlutverk Verkefnanefndar er að veita viðtöku beiðnum um gerðardóm
og sjá um afgreiðslu þeirra.
Verkefnanefnd getur einnig ákveðið að taka önnur þjónustuverkefni til
meðferðar og afgreiðslu, t.d. að semja eða veita umsögn um réttarreglur á
tilteknu sviði og önnur þau verkefni sem Verkefnanefnd telur að fái best sam-
rýmst hlutverki Lagastofnunar.
Verkefnanefnd getur hafnað beiðni um gerðardómsmeðferð eða um með-
ferð annarra þjónustuverkefna án sérstaks rökstuðnings.
142