Alþýðumaðurinn - 10.03.1931, Blaðsíða 2

2
alÞýðumaðúrinn
Virðist full ástæða til þess fyrir
ríkisstjórnina að gæta betur ráðlags
þeirra manna, sem settir eru yfir
vegamál og síma en gert hefir ver-
ið á síðasta ári, ef á að láta þá
fara með þau mál áfram.
Frá Alþingi.
Frumvarp um jöfnunarsjóð ríkis-
ins, sem flutt var af fulltrúum Al-
þýðuflokksins á þingi í fyrravetur,
(1930), er flutt aftur af sömu mönn-
um á yfirstandandi þingi.
Frumvarpið gerir ráð fyrir, að
nokkuð af tekjum góðu áranna sé
lagt í jöfnunarsjóð, sem svo aftur
verði varið til atvinnubóta þau ár,
sem atvinnurekstur einstaklinga er
venju fremur lítill og atvinnuskort-
ur verður fyrir verkalýðinn.
Samkvæmt frumvarpinu skal fé
jöfnunarsjóðs varið þannig:
1. Að fengnum tillögum Alþýðu-
sambands íslands og Búnaðarfél.
íslands skal ríkisstjórnin verja fé
til verklegra framkvæmda fyrir ríkis-
sjóð, þegar atvinnubrestur er hjá
verkalýð landsins.
2. Eftir tillögum sömu aðila skal
og heimilt að veita kaupstöðum.
og kauptúnum sem eru sérstakt
hreppsfélag, fé úr jöfnunarsjóði tíl
verklegra framkvæmda, þegar at-
vinnubrestur er. En lögð skal fram
að minnsta kosti tvöföld fjárupp-
hæð úr hlutaðeigandi bæjar- eða
sveitarsjóði, móti framlagi jöfnun-
arsjóðs.
Er augljóst að frumvarpið felur
í sér í senn, hagkvæman rekstur
þjóðarbúsins — það sem það nær
— og Aim leið veitir það trygg-
ingu fyrir stöðugri atvinnu en ella,
og þar með er betur séð fyrir af-
komu verklýðsstéttarinnar.
Jafnvel þó þingið gengi inn á
frumvarpið, þá ber þó að muna að
það eru fulltrúar Alþýðuflokksins
sem eiga frumkvæði að þessu, sem
flestu öðru, sem fram hefir verið
borið á Alþingi í seinni tíð, alþýðu
manna til hagsbóta. Pó aðrir hafi
síðar tekið sumt af því upp sem
sitt, eins og t. d. stjórnin gerði
nú með færslu aldurstakmarks til
kosninga.
En stjórnin hirti ekki um að
gera tillögu um að úr íslenskri
löggjöf væri þurkaður út sá smán-
arblettur, að fátækt gæti svift menn
kosningarétti og kjörgengi.
Um mörg ár hefir Alþýðuflokk-
urinn, og ekki síst þingmenn hans,
barist fyrir auknum kosningarétti
og umbótum á fátækralöggjöf
landsins. En við svo mikið aftur-
hald og þröngsýni hefir verið að
etja, að horfur eru á, að enn um
um skeið verði í gildi ákvæði er
heimila að svifta menn kosninga-
rétti og kjörgengi vegna fátæktar,
og fyrir sama megi flytja menn
nauðuga frá einni sveit til annar-
ar. —
Að svo seint gengur að fá fram
þessar og aðrar umbætur, er aftur-
haldsmönnum í þinginu að kenna,
hvað sem þeir kalla sig.
Er vonandi að alþýða manna
festi sér í minni, hvaða flokkur það
er á Alþingi, sem mest talar máli
hennar.
Leiðrétting.
í 4. tölubl. Alþ.m. frá 27. jan. s
I. er frásögn um eitt og annað »frá
verkalýðsfélögunum*. — Par á
meðal er frásögn um Verkamanna-
fél. á Sauðárkrók. Rétt er frá því
skýrt að í félaginu er mikill meiri-
hluti hægfara en fátt eitt af róttæk-
um eða byltingasinnuðum. En þar
sem skýrt er frá fulltrúavali til V.
S. N. er ekki rétt frá sagt- Peir
er telja sig kommúnista vildu að
Verkamannafél. sendi fullírúa, en
hinir hægfara vildu enga fulltrúa
senda- Töldu það enga þýðingu
hafa eins og þá stóðu sakir. Vildu
kommúnistar að sinn maður færi
frá hvoruin flokk, og gerðu uppá-
stungu með það, en þeir hægfara
sögðu, að það hefði heldur enga
þýðingu, því þá ætu hvorir aðra
upp, eða gerðu hvorir aðra verkun-
Verkamannafélag
Akureyrar
heldur fund í Verklýðshúsinu sunnu-
daginn 15. þ. m. kl, 3,30 e,h.
FUNDAREFNI:
1. Bréf frá stjórn . Alþýðusam-
bandsins.
2. Kauptaxtanefnd leggur fram
álit sitt.
3. Fundarsköp fyrir félagið.
Áríðandi að félagar mæti.
STJÓRNIN.
arlausa. Urðu um þetta nokkrar
umræður á fundinum, en æsinga-
lausar og illdeilulausar af beggja
hálíu, þótt báðir aðilar héldu hvor
sinni skoðun ákveðið fram,
Par sem þvf er sagt að komm-
únistar hafi hafið illdeilur í félag-
inu, þá er það ekki rétt.
En hitt er t étt, að undir eins
að fundi loknum stofnuðu þeir sitt
pólitíska félag, og kusu þar full-
trúa á þing V. S. N.
Og sú félagsstofnun gerði tals-
vert umrót í hugum verkamanna
hér yfirleitt, og lá nærri klofningi,
þó hægt væri með lagi að afstýra
honum.
Vil ég biðja j>Alþýðumanninn«
að flytja þessa leiðréttingu, því
best er ætíð barist með vopnum
sannleiks og drenglyndis.
Og hverjum þeim, er gleymir að
hafa þau vopn á andstæðinga sína
— honum mun eigi vel farnast.
Sauðárkróki 28. febr. 1931.
Kr. Ingi Sveins,
Ath.
Mér, sem nú í bili sé um út-
komu blaðsins, er ókunnugt um
heimildir fyrir fréttum frá Sauðár-
króki, sem birtar eru í 4 tbl. Alþ.m,
þ. á. En tel góðan heimildarmann
að ofanritaðri yfirlýsingu, og þvf
rétt að birta hana, þó ég hafi ekki
haft tækifæri til að tala um þetta
atriði við ábyrgðarmann blaðsins„
Erling Friðjónsson.
Þorst. Þorsteinsson.