Dagblað - 26.04.1925, Síða 1

Sunnudag
26. april
1925.
I. árgangur.
70.
tölublað.
Athugid vel.
Dagsetning var röng á Dagblað-
inu i gær: stóð föstudagur í stað
laugardagur. Föstudagsblað
kom ekki út vegna þess, að ekki
var unnið í prentsmiðjunni á flmtu-
daginn.
FARFUGLARNIR eru að koma.
Lóan er komin fyrir nokkru
og Stelkurinn er kominn.
í*essu veita menn að vísu litla
eftirtekt hér í Reykjavík, en í
sveitunum er mikill fögnuður,
þegar heyrist í fyrstu farfugl-
unnm, því að þeir eru vorboðar.
Og um leið og vorið kemur i
vaknar þrá manna til þess að
færa í lag alt það sem óblíða
náttúrunnar hefir niður brotið
áður.
Hvað getum við Reykvíkingar
nú fært í lag hjá okkur? Rað
er margt. Úti um sveitir er það
venja á vorin að hreinsa til í
kringum bæina. Hefir það verið
gert hér umhverfis húsin, eða
er þess vanþörf? Gangi menn
götur bæjarins og virði fyrir sér
hvernig hirðan er umhverfis
húsin, getur ekki farið hjá því,
að þeim þyki þar ábótavant í
ýmsu, og er það sízt að furða.
Hirðuleysi og trassaskapur er
svo mikill í höfuðborg íslands,
að jafnvel kotbúendur mundu
ielja sér ósamboðið.
Vorið er komið — farfugl-
arnir minna okkur á það og
veðráttan minnir okkur á það.
Látum það þá um leið minna
okkur á þann gamla og góða
islenzka sið, að borgaraleg
skylda sé að gera hreint fyrir
sibum dyrum og fagna þannig
Su»nri. Verði menn vel samtaka
13111 það, mun bærinn fá annað
yfirbragð en nú hefir hann.
Eftirtátarverðar spásðgur.
Árið 1878 kom út bók eftir
dr. Grattan Guinness, sem heitir
The Approaching End of the
Age. Far var því spáð, að Mú-
hameðstrúarmenn mundu verða
reknir burt úr Sýrlandi og Gyð-
ingar fá aftur fornan rétt í sínu
landi. Árið 1917 var sagt að
þetta mundi verða, en á því
ári unnu Englendingar Jerú-
salem af Tyrkjum, eins og
kunnugt er. Enn fremur segir
dr. Guinness, að þegar þessi
tíðindi verði, þá sé skamt til
komu Krists. (Light, 25/i«. ’24).
Og virðist sú spá enn þá eftir-
tektarverðari, þegar þess er gætt,
hve sannspár höfundurinn var
um hitt. En það mun vera
heldur sjaldgæfara, að rétt sé
spáð um ár, jafnvel þó að spár
rætist. Þannig sagði t. d. skáld-
ið Tolstoy fyrir ófriðinn mikla,
en hann sagði að hann mundi
hefjast 1912, en stjórnarbylting-
in mikla sagði hann, að mundi
verða 3 árum seinna, eða 1915,
svo að hann var einnig þar 2
árum á undan tfmanum. Úr Le-
nin, Trotsky og Nansen gerði
hann einn mann, þó að ólíkir
væru, og kallaði Napóleon frá
Norðurlöndum. Einnig í spá
Tolstoys er vikið að því, sem
sumir kalla komu heimskenn-
ara, en aðrir endurkomu Krists.
Sumir halda jafnvel að þessi
maður sé þegar kominn fram
og sé Indverji. En mér virðist
sú trú bera vott um djúpstæð-
an misskilning á allri mann-
kynssögunni. Trúa mín er sú,
að ef maunkyninu verður bjarg-
að, þá verði upptökin að því á
Norðurlöndum, og fólgin i upp-
götvunum, sem greiða götuna
að skynsamlegri lífsskoðun, og
auka svo yfirráðin yfir öflum
náttúrunnar, að mennirnir geti
i sannleika farið að hugsa um
að láta sér fara fram.
Helgi Péturss.
Læknirinn ósýniiegi.
Flestir munu hafa heyrt getið
Margrétar í Öxnafelli, miðilsins,
sem talið er að sé í sambandi
við framliðinn mann er kallar
sig Friðrik og hefir gefið sig við
lækningum, fyrir milligöngu mið-
ilsins. Hefir fjöldi manna hina
mestu tröllatrú á þessum ósýni-
lega lækni, eigi aðeins þar
nyrðra, heldur einnig um alt
land. Streymir að Öxnafelli fólk
i stórhópum, og bréf og sím-
skeyti koma þangað unnvörpum,
svo að hrein plága er að fyrir
stúlkuna. Með siðasta pósti komu
þangað t. d. um 280 bréf frá
sjúklingum víðsvegar á landinu
og um sama leyti lágu 20 sím-
skeyti til Margrétar á símstöð-
inni á Akureyri.
Meðal þeirra, sem hlotið hafa
hjálp hins ósýnilega læknis, er
kona nokkur í Vestmannaeyjum.
En þótt margir sé trúaðir á
lækningar Friðriks, eru þó hin-
ir margir, er þessu eru andstæðir
og telja þetta bábyljur einar og
hjátrú, að framliðnir menn geti
Iæknað.
Á miðvikudaginn var haldinn
fjölmennur fundur í Vestmanna-
eyjum, til þess að ræða þetta
mál og var til hans boðað af
þeim, sem ekki trúa á þessi
fyrirbrigði. Flutti Páll Kolka
læknir þar erindi og sagði, að
hér væri um huglækningar að
ræða, en þær gæti verið stór-
hættulegar.
í dag verður haldinn annar
fundur í Vestmannaeyjum og er
til hans boðað af þeim, sem
ekki vilja hafna þeirri trú, að
hér sé um kraftaverk að ræða.
Meðal þeirra, sem þá tala, er
Kristján Linnet, bæjarfógeti, en
hann hefir fremur mörgum öðr-
um kynt sér dularfull fyrirbrigði
og hefir mikið fengist við sál-
fræðilegar rannsóknir.