Vesturland - 30.04.1951, Blaðsíða 2

2
VESTURLAND
Ritstjóri og ábyrgðarmaður: Sigurður Bjamason frá Vigur
Skrifstofa Uppsölum, sími 193
Afgreiðsla og auglýsingar: Engilbert Ingvarsson, Hafnar-
stræti 12 (Uppsalir). — Verð árgangsins krónur 20,00.
-------------------------—-—.—.——_____—-------->
ingu þessara ábyrgu aðila gagn-
vart meirihlutasamþykktum bæj-
arstjórnar og ábyrgðarleysi þess-
ara manna, að knýja bæjarstjórn
þannig til að taka á sig ábyrgð á
skuldbindingum vegna togara
þess, sem hún hefur verið svipt
umráðum yfir.
3. Ákafinn að hraða þessari af-
greiðslu togaramálsins var slíkur,
að fulltrúa sósíalista í stjórn tog-
arafélagsins var synjað um frest,
sem þó var tilskilinn samkvæmt
málefnasamningi flokkanna.
3. Valdi framkvæmdastjóra
bæjarins, sem var í hendi Sjálf-
stæðisflokksins, en kosinn var af
báðum flokkum, hefur verið beitt
gegn ákvörðun samstarfsflokks-
ins og meirihluta bæjarstjórnar í
máli þar sem það réði úrslitum.
Þetta tilkynnist yður hér með.
F.h. Sósíalistafélags Isafjarðar,
(Undirskriftir).
S j álf stæðisf lokkurinn,
c/o Matthías Bjarnason,
ísafirði."
Þessu bréfi svöruðu bæjarfull-
trúar Sjálfstæðisflokksins sam-
dægurs með eftirfarandi bréfi:
Isafjörður, 24, apríl 1951.
„Við höfum móttekið bréf yðar
dagsett í dag, þar sem þér tilkynn-
ið fyrirvaralaust slit á samningi
um samstarf það, sem verið hefur
milli flokkanna um stjórn bæjar-
málefna í Isafjarðarkaupstað og
gert var til fjögra ára.
Ástæðan fyrir þessari ákvörðun
flokks yðar kemur okkur algerlega
á óvart, því að fulltrúi flokks yð-
ar í togaranefndinni og bæjarfull-
trúi yðar vissu gerla hvert atriði
í því máli, og lýstu þeir sig því
samþykka í hvívetna. Þeim var
fyrir löngu kunnugt um skilyrði
ríkisstjómarinnar um kaupin og
tjáðu sig að þeim fengnum sam-
þykka um kaup Isfirðings h.f. á
togaranum.
Bæjarfulltrúi flokks yðar fékk
strax að vita um skeyti það, er
forsætisráðherra sendi forseta
bæjarstjómar, og var bæjarfull-
trúi yðar samþykkur að forstjóri
Isfirðings h.f. færi samdægurs til
Reykjavíkur til samningsgerðar
um kaupin.
Um annað atriði bréfs yðar, að
fulltrúa yðar í stjórn togarafélags-
ins hafi verið synjað um frest, sem
þó var tilskilinn í málefnasamn-
ingi flokkanna. Út af því viljum
við taka fram, að þetta atriði er
ekki til í málefnasamningi þeim,
er flokkarnir hafa gert, en hins-
vegar er í samningnum það atriði
„komi mál fyrir bæjarstjóm, sem
annar hvor flokkurinn óskar nán-
ari athugunar á, skuldbindur hinn
flokkurinn sig til að samþykkja
frestun á málinu eða vísa því til
nefndar“. Þess vegna er þessari á-
stæðu yðar vísað á bug.
Um þriðja atriði bréfs yðar höf-
um við áður upplýst, að fram-
kvæmdastjóri bæjarins hefur
fyllsta rétt til að greiða atkvæði
1 rafveitunefnd eftir sannfæringu
sinni, enda greiddi bæjarstjóri við
endanlega afgreiðslu stöðvarstjóra
málsins atkvæði, eins og honum,
sem embættismanni sæmdi, án til-
lits til þeirrar leiðinlegu fram-
komu, sem fulltrúi flokks yðar
hefur látið sér sæma að viðhafa í
því máli.
Bæjarfulltrúar Sjálfstæðisflokks
ins lýsa undrun sinni yfir þessari
ákvörðun yðar, þar sem engin
kvörtun hafði borizt um brot á
málefnasamningi.
Þessi framkoma yðar sýnir, að
þér hafið virt að vettugi skriflega
samninga, sem þér hafið með und-
irskrift skuldbundið yður til að
halda til fjögra ára.
Með þessu bréfi höfum við tek-
ið fram, að ástæður yðar fyrir
samningsslitum eru algerar tilli-
ástæður. Því hlýtur hér að vera
um duldar ástæður að ræða, sem
þér teljið yður bezt henta, að ekki
komi fram fyrir almenningssjónir.
Þetta tilkynnist yður hér með“.
F. h. SjálfstæðisfIokksins,
Matthías Bjarnason,
Ásberg Sigurðsson.
Til Sósíalistafélags ísafjarðar.
c/o Haraldur Steinþórsson.
Þetta var það eina sem á milli
flokkanna fór fyrir samstarfsslit-
in. Hér eru einkennileg vinnubrögð
viðhöfð af sósíalistum. Aðeins 10
dögum fyrir fund Sósíalistafélags-
ins eða 13. apríl, stóð fulltrúi sós-
íalista, Haraldur Steinþórsson, að
samþykkt fjárhagsáætlunar fyrir
yfirstandandi ár með Sjálfstæðis-
mönnum, án þess að til nokkurs á-
greinings kæmi.
Nú er hinsvegar upplýst, að
nokkru áður var hafið samninga-
makk milli kommúnista og krata
um stjórn bæjarins, strax að af-
greiðslu fjárhagsáætlunar lokinni.
Þannig voru vinnubrögð þessa
flokks, sem gert hafði málefna-
samning til 4ra ára við Sjálfstæð-
isflokkinn, um stjórn bæjarmála,
og þeir heitið með undirskrift
sinni að halda í hvívetna.
Þann samning hafa Sjálfstæðis-
menn haldið í einu og öllu, enda
hafa sósíalistar ekki treyst sér til
að halda fram hinu gagnstæða.
Skriflegur samningur virðist í
augum sósíalista ekkert gildi hafa,
hvað má þá halda um munnleg
loforð þeirra.
Sovét-samsteypan í bæjarstjóm-
inni óskaði eftir bæjarstjórnar-
fundi s.l. fimmtudag og ætlaði að
halda fundinn á skrifstofu bæjar-
stjóra. Þrjú mál voru á dagskrá:
1. Uppsögn bæjarstjóra.
2. Kosning nýs bæjarstjóra.
3. Ákvörðun tekin um tillögur
Sjálfstæðismanna um leigu kúabú-
anna, sem frestað var ákvörðun
um í bæjarstjórn 13. apríl s.l.
Forseti bæjarstjórnar krafðist
þess, að opinn fundur yrði um
þessi mikilvægu mál og var fund-
urinn haldinn í Alþýðuhúsinu.
Bæjarstjóri, Steinn Leós, hafði
sent uppsögn á bæjarstjórastarf-
inu með sex mánaða uppsagnar-
fresti og er uppsögnin komin fram
vegna þess að fulltrúar Sovét-
samsteypunnar höfðu tilkynnt
honum að þeir myndu kjósa annan
bæjarstjóra.
í sambandi við uppsögn Steins
lögðu Sjálfstæðismenn fram svo-
hljóðandi tillögu:
„Bæjarstjórn samþykkir, að
Steinn Leós gegni bæjarstjóra-
starfinu út sinn 6 mánaða upp-
sagnartíma.
Jafnframt samþykkir bæjar-
stjórn að auglýsa bæjarstjóra-
starfið laust til umsóknar með
umsóknarfresti til 31. júlí og veit-
ist starfið frá 25. okt. n.k.
Ásberg Sigurðsson,
Matthías Bjarnason,
M. Bernharðsson,
Kristján Tryggvason".
Þessi tillaga var felld af Sovét-
samsteypunni, en þess í stað sam-
þykkt að veita Steini lausn nú
þegar, en auðvitað hefur hann sinn
sex mánaða uppsagnarfrest. Faðir
samsteypunnar, Stefán skósmiður,
níundi maður kratalistans, var
mættur á fundinum og lýsti því
yfir að þetta mál kæmi Sjálfstæð-
ismönnum ekki við, því að þeir
(kratarnir) réðu hér. Forseti og
Ásberg Sigurðsson svöruðu því til,
að Sjálfstæðismenn hefðu bæði til-
lögurétt og málfrelsi og myndu því
ekki taka tillit til fyrirskipana frá
Stefáni skósmið.
Sósíalistum þótti ekki taka því að
gera tilraun til, að ræða við Sjálf-
stæðismenn um þau ágreiningsmál,
sem þeir telja að hafi verið ástæð-
an fyrir samningsrofi þeirra. Þeim
þótti víst drengilegra og heiðar-
legra að hefja samningamakk við
andstæðingana og samþykkja sam-
starfsslit fyrirvaralaust, án þess
að samstarfsflokkur þeirra hefði
hugmynd um hvað til stæði.
Slíkum mönnum er aldrei hægt
að treysta. Sjálfstæðismenn fagna
því að vera lausir við óheilindi
þeirra og ódrengsskap.
Þá kom til umræðu kosning nýs
bæjarstjóra og kom það þá í ljós,
að fæðing hins nýja bæjarstjóra'
væri ekki um garð gengin, og
lögðu hinir nýju lagsbræður, Birg-
ir og Haraldur litli, til að Páli
rukkara væri falið að gegna bæjar-
stjórastarfinu fyrst um sinn og
var sú tillaga samþykkt með 5:4
atkv. Sjálfstæðismanna, sem töldu
Pál a.m.k. ekki klára meira en sitt
rukkarastarf. Létu Sjálfstæðis-
)
menn bóka eftirfarandi mótmæli:
„Bæjarfulltrúar Sjálfstæðis-
flokksins mótmæla harðlega, að
nýr bæjarstjóri sé tekin á laun hjá
bæjarsjóði, sem bakar bæjarsjóði
að óþörfu 26. þús. króna útgjöld,
þar sem Steinn Leós, bæjarstjóri,
hefur 6 mánaðar laun samkvæmt
tilskildum uppsagnarfresti.
Þá komu búmálin til umræðu.
Fulltrúar Alþýðufokksins fluttu
tillögu um að leita tilboða í leigu
á bújörðum bæjarins Kirkjubóli og
Seljalandi, báðum saman eða
hvorri í sinu lagi, og verði vænt-
anlegum leigjendum gefin kostur
á, að kaupa gripi og áhöld búanna.
Tilboð sendist bæjarstjóra fyrir 15.
maí n.k.
Þessi tillaga var svo samþykkt
með 9 samhljóða atkvæðum, en
tillaga Sjálfstæðismanna, um leigu
beggja búanna og 80 þús. kr.
lækkun útsvarsupphæðarinnar
kemur ekki til atkvæða fyrr en að
loknum tilboðsfresti.
Forseti bæjarstjórnar, Matthías
Bjarnason, fagnaði því, að Alþýðu-
flokknum hefði nú loks skilizt
nauðsyn þess, að fyrra bæinn
hallarekstri af búunum, eins og
Sjálfstæðismenn hefðu ávallt
haldið fram að gera ætti. Rakti
hann allítarlega rekstur búanna og
sýndi fram á með rökum, að hall-
inn á Seljalandsbúinu hefði aldrei
verið hærri en síðasta árið sem
kratarnir stjórnuðu bænum árið
1945. Sýndi hann fram á með
sterkum rökum, að þrátt fyrir
góða bústjórn yrði stórhalli á bú-
skap hins opinbera á sama tíma,
Framhald á 4. síðu.
Vandræðalegur meirihluti