Vesturland - 08.01.1955, Blaðsíða 4

4
VESTURLAND
Ritstjórar og ábyrgðarmenn:
Matthías Bjarnason og Sigurður Bjarnason frá Vigur.
Skrifstofa Uppsölum, sími 193.
Afgreiðsla og auglýsingar: Hafsteinn O. Hannesson, Hafnarstræti
12 (Uppsalir). Heimasími: 10. — Verð árgangsins kr. 20,00.
Auknir skatíar. - Aukinn fóiksfiótti.
Bæjarstjórn hefir nýlega lokið
afgreiðslu fjárhagsáætlunar fyrir
árið 1955. Sú afgreiðsla hefir
vakið furðu og gremju fólks úr
öllum flokkum. Útsvarsæðið held-
ur áfram fullum krafti.
Útsvörin hækka nú um 82 þús-
und krónur og fasteignaskattur
er hækkaður um 196 þúsund
eða um 400% frá því í fyrra
og fasteignagjöld (lóðaleigur)
um kr. 96.000.00. Samtals hafa
því útsvör og skattar á hús-
eigendur hækkað um 374 þús-
und krónur á einu ári. í fyrra
hækkuðu útsvör um 531 þús-
und krónur, svo útsvör og aðr-
ir skattar til bæjarsjóðs hafa
þannig hækkað um 905 þúsund-
ir króna á þessu kjörtímabili,
þó ekki sé liðið nema tæpt ár
frá síðustu kosningum.
Það er eðlilegt að útsvör hækki
í bæjarfélögum, þar sem fólkinu
fjölgar og mikið er lagt til at-
vinnumála. En hitt er annað mál
og geigvænlegra, að í bæjarfélagi
eins og okkar, þar sem fólksfækk-
un hefir átt sér stað á undan-
förnum árum, að þar skuli vera
ætlað að leggja 905 þús. kr.
skattahækkun, sem tekin er af
tekjum fólks á aðeins tveimur
árum, þegar það er athugað að
útsvarsbyrði hér var meiri en
víðast hvar annarsstaðar á land-
inu.
Það er skylda þeirra sem með
völdin fara að búa ekki lakar
að bæjarbúum hér en aðrir
bæir, og gera allt sem hugsan-
legt er til þess að sporna gegn
flótta fólksins úr bænum.
En meðan sú stefna ríkir hjá
krötum og aðstoðarmanni þeirra
að leggja hér á miklu hærri
skatta en annarsstaðar þekkist
þá. er það fyrst og fremst til þess
að auka fólksflóttann, en ekki til
að stöðva hann. Þetta er hættu-
leg stefna, sem Sjálfstæðismenn
hafa hvað eftir annað varað við,
og hafa lagt sig fram við að
benda meirihluta bæjarstjórnar á,
að hugsa verður vandlega fyrir
því að leita úrræða um spamað
og lækkun útgjalda.
öllum ábendingum Sjálfstæðis-
manna í þessum efnum er illa
tekið. Hrokinn og heimskan skip-
ar æðsta virðingarsætið á kær-
leiksheimili krata og framsóknar.
Öllum lækkunartillögum Sjálf-
stæðismanna við afgreiðslu
fjárhagsáætlunarinnar er vísað
á bug. Hrokinn og heimskan
hafa gersigrað meirihlutann í
fyrstu lotu. I umræðunum um
fjárhagsáætlunina bentu Sjálf-
stæðismenn á með skýrum
rökum að þessar álögur gætu
lækkað verulega, rekstri bæjar-
ins að skaðlausu.
Meirihlutinn dró sig út úr um-
ræðum eftir að forseti bæjar-
stjómar hafði flutt sundurlausa
og órökstudda ræðu um áætlun-
ina, og framsóknarfulltrúinn
hafði malað sig saddann um dá-
semd og fjármálasnilli skatta-
hækkunarpostulanna. Á ræður og
skýr rök bæjarfulltrúa Sjálfstæð-
isflokksins var ekki hlustað, því
að klíkufundur hafði fyrirfram á-
kveðið að fella allar tillögur
minnihlutans við afgreiðslu fjár-
hagsáætlunarinnar, og þar við
sat.
Það vekur athygli að með til-
komu milliflokksins i bæjarstjórn,
sem lofaði kjósehdum sínum því
fyrir kosningar að sýna sanngirni
og bræða saman ólík sjónarmið,
og skapa á þann hátt meira sam-
starf í bæjarstjórn en verið hef-
ir, Þá er sú stefna tekin upp
að samþykkja enga tillögu minni-
hlutans. Einmitt þessi postuli
friðar og kærleika hefir trúlega
staðið vörð um að skapa enn
meiri deilur en voru, og á flest-
um sviðum sýnt meiri rangsleitni
en nokkur annar bæjarfulltrúi.
Isfirðingar hafa sannarlega verið
óheppnir með úrslit síðustu
bæjarstjórnarkosninga. Samvinna
hins deyjandi krataflokks og
framsóknar, sem með blekkingum
tókst að pota manni í bæjar-
stjórn, virðist ætla að verða bæj-
«
arbúum dýr, þó aðeins sé búinn
fjórði hluti þess tímabils, sem
þessu liði er ætlað að stjórna
bænum.
En við Isfirðingar verðum að
taka þessu óláni og hugsa um
framtíðina með það efst í huga,
að það er hægt að losa bæinn
við völd þessara manna strax í
næstu kosningum. Meirihlutavald
þeirra í bæjarstjórn er byggt á
miklum minnihluta meðal bæjar-
búa, og þeir sem kusu framsókn
og trúðu loforðum framámanna
Heimildarlaus málshöfðun
Bæjarsjóður tapar í undirrétti.
Ætluðu að áfrýja málinu án samráðs við lögfræðing
bæjarins.
Á síðasta fundi bæjarstjórnar
var nokkuð rætt um málaferli
bæjarstjórans á ísafirði gegn ís-
firðingi h.f., vegna gengismunar
á Boston Deep Sea Fishing & Ice
láninu. 1 því máli er nýlega fall-
inn dómur í undirrétti og urðu
úrslit málsins þau, að bæjarsjóður
tapaði málinu, en málskostnaður
var látinn niður falla.
Á bæjarráðsfundi 30. f.m. var
lagt fram endurrit úr dómabók
bæjarfógetaembættisins á Isafirði
varðandi þetta mál. Bæjarráðs-
mennirnir Birgir Finnsson og
Guttormur Sigurbjörnsson lögðu
fram tillögu um, að málinu skyldi
áfrýjað til Hæstaréttar, án þess
að gefa nánari skýringu á því,
hvaða rök þeir teldu liggja til
þess, að úrslit málsins yrðu önn-
ur í Hæstarétti en fyrir undir-
rétti. Matthías Bjarnason, bæjar-
ráðsmaður Sjálfstæðisflokksins,
gerði þá fyrirspurn til bæjarstjóra
um það, hvort lögfræðingur
bæjarsjóðs, Jón P. Emils, hefði
ráðlagt að áfrýja málinu til
Hæstaréttar. Upplýsti bæjarstjóri
að ekki hefði verið leitað álits
hans um það atriði.
hennar, þeir fengu margir nóg af
blekkingunum strax þremur til
fjórum dögum eftir kosningar.
Fylgið hrynur af fpamsókn.
Svikin og blekkingarnar fá ill-
an endi. Eftir stendur þessi
staurblinda embættismanna-
klíka atvinnuframsóknarmanna.
Hugsjónir eiga þeir engar, áhuga-
mál engin, aðeins að þjóna kröt-
unum, flokki eymdarinnar, og fá
góða bita fyrir atvinnugæðinga
sína.
Sjálfstæðismenn halda áfram
baráttu sinni fyrir atvinnuum-
bótum í bænum. Þeim er ljós
sú staðreynd, sem við blasir,
að hér þarf aukna framleiðslu,
aukinn fiskiðnað og fleiri tog-
ara. Fólkið hér stendur trú-
lega við hlið Sjálfstæðismanna
í umbótabaráttu þeirra. Þrátt
fyrir kúgun og skattrán ráða-
manna bæjarfélagsins, megum
við ekki flýja bæ okkar. Við
skulum vona og trúa að hér
eigi eftir að verða gott að búa
og þegar ár líða verði lsafjörð-
ur bær blómlegra athafna.
— ★ —
Vesturland vonar að hið nýbyrj-
aða ár færi Vestfirðingum góða
afkomu cg óskar öllum lesendum
sínum til lands og sjávar heil-
brigði og ánægju á hinu nýbyrj-
aða ári. . /
Matthías Bjarnason benti þá
meirihluta bæjarráðs á, að ekki
væri úr vegi að leita umsagnar
lögfræðingsins, sem flutt hefði
málið fyrir bæjarsjóð, hvort á-
frýjun málsins væri skynsamleg.
Sá meirihluti bæjarráðs sig þá
um hönd og breytti tillögu sinni
í það horf, að umsagnar Jóns P.
Emils yrði leitað um áfrýjun
málsins.
Má víst telja, að hvorugur
bæjarráðsmannanna, Birgir eða
Guttormur, hafi lagt ])að á
sig að kynna sér forsendur og
niðurstöðu undirréttardómsins,
áður en þeir söindu tillögu sína
um, að málinu skyldi áfrýjað,
hvað þá að þeir teldu ástæðu
til að leita umsagnar Iögfræð-
ings til þess að byggja afstöðu
sína á.
Svo virðist sem þeim standi gjör-
samlega á sama, þó að bæjarsjóð-
ur verði fyrir óþarfa útgjöldum
vegna tilefnislausra og þýðingar-
lausra málaferla. Hitt meta þeir
meira að standa í illdeilum og
erjum við pólitíska andstæðinga
og fyrirtæki er þeir stjórna.
En það er fleira fljótfærnislegt
við málaferlin gegn ísfirðingi h.f.,
en fimbulfambið við áfrýjun máls-
ins til Hæstaréttar. Matthías
Bjarnason spurði bæjarstjóra og
meirihluta bæjarráðs, hvenær
bæjarstjórn hefði samþykkt að
höfða mál gegn Isfirðingi h.f.
vegna gengismunarins á áður-
nefndu láni. Það var leitað í bók-
um bæjarráðs og bæjarstjórnar
með logandi ljósi en hvergi var
þar heimild til handa bæjarstjóra
að finna til málshöfðunarinnar.
Það er því upplýst, að málið er
höfðað í algeru heimildarleysi
og upp á eindæmi bæjarstjóra.
Það er að sjálfsögðu á valdi
bæjarstjórnar einnar að ákveða
hvort bæjarsjóður höfði mál
eða ekki. f lögum eða valdsviði
bæjarstjóra er engin heimild
til málshöfðunar fyrir hönd
bæjarstjórnar í almennum
einkamálum.
Bæjarstjóra og meirihluta bæjar-
ráðs varð illt við, er þeir höfðu
staðið sjálfa sig að löglausum
málaferlum og komu fram með
fáránlegar afsakanir. Létu þeir
bóka í bæjarráði,
„að forsvarsmenn ísfirðings
h.f. — tiltekið framkvæmda-
stjóri félagsins, Ásberg Sig-
urðsson — hafa óskað eftir
að dómur gengi í málinu. Hafa
bæjarfulltrúar meirihlutans tal-
ið rétt að verða við þeirri
ósk ... “