Búnaðarrit - 01.01.1995, Blaðsíða 85

Gagnavinnsla og skýrsluhald. í síðustu starfskýrslum hef ég gert ýtarlega
grein fyrir uppbyggingu skýrsluhaldsins í hrossaræktinni. Þar hefur verið um
afskaplega mikið starf að ræða og margir komið að verkum og má hiklaust segja
að hin breytta staða gagnavörslumálanna í hrossaræktinni sé að fá almenna
viðurkenningu. Gagnavörslukerfið Fengur hefur gegnt lykilhlutverki í uppbygg-
ingu skýrsluhaldsins og eftir því sem Fengur hefur styrkst og meiri festa hefur
náðst í öllu vinnuferlinu hafa verkin gengið hraðar. Þannig voru unnar 2049
vinnustundir í tölvudeildinni í hrossarækt árið 1994 á móti 2283 vinnustundum
á árinu 1993 og 2417 á árinu 1992. Þrátt fyrir þessa fækkun vinnustunda fjölgaði
þátttakendum í skýrsluhaldinu, fjöldi skráðra folalda jókst og ráðist var í rnikið
átak við skráningu dóma frá fyrri tíð (um 2000 dómar frá árinu 1986 og fyrr voru
skráðir) en fram til ársins 1987 voru skil á dómgögnum í samræmt uppgjör ófull-
nægjandi. A árinu 1987 var fæðingarnúmerakerfið tekið upp og þá var allt vinnu-
ferlið við skráningu dóma stokkað upp. Fram skal og tekið sem skýrir fækkun
vinnustunda í hrossarækt í tölvudeild að vitaskuld er nú minna um grunn-
skráningu hrossa en var fyrstu árin eftir að uppbygging skýrsluhaldsins hófst og
á árinu 1994 vann ég sjálfur af ýmsum ástæðum meira að verkefnum sem árin
þar á undan voru unnin í tölvudeild.
Óvarlegt er að reikna með öðru í vinnuáætlunum fyrir þetta nýbyrjaða ár og
eftirleiðis en að auka þurfi að nýju vinnu í tölvudeildinni vegna hrossaræktarinn-
ar og kemur þar fleira en eitt til. Meginatriðið í því sambandi er að nú liafa
sameinuðu bændasamtökin (Búnaðarfélag íslands - Stéttarsamband bænda) tekið
að sér útgáfu upprunavottorða fyrir útflutt hross í samræmi við þau lög og
reglugerðir sem um það mál gilda. Er hér um mjög þarfa breytingu að ræða en
ég hefi margoft gert athugasemdir við það fyrirkomulag sem var á þessum
málum, sjá nánar í fyrri starfsskýrslum mínum.
Tilhögun frostmerkinga var með hliðstæðu sniði árið 1994 og síðustu árin,
sjá síðustu starfsskýrslur. Á árinu fylgdist ég með framvindu mála í sambandi við
örmerkingar og blóðllokkun hrossa. Eru góðar líkur á að skriður sé að komast á
málin í sambandi við örmerkingarnar. Þannig að það markmið náist innan
tiltölulega fárra ára að stór hluti allra hrossa verði merktur þegar á folaldsaldri
með einstaklingsauðkenni, ör- eða frostmerki, það skráð í Feng og prentað á öll
vottorð sem útgefin verða um hrossin, s.s. á upprunavottorðið. Fyrsta alvöru-
skrefið í þessu máli verður að gera slíka auðkenningu að skyldu gagnvart útflutn-
ingshrossum. Á ferðum mínum erlendis hef ég orðið var við sífellt auknar kröf-
ur frá útlendingum í þessa átt.
Heildaruppgjöri og útborgun framlags frá hinu opinbera fyrir árið 1994 til
skýrsluhaldsstarfa hjá hrossaræktar- og búnaðarsamböndum var lokið vel fyrir
áramót. Uppgjörinu var háttað í samræmi við þær reglur hrossaræktarnefndar
sem gilt hafa urn þessi mál nú um nokkurra ára skeið. Til uppgjörs voru skráð
3698 folöld sem fædd voru 1993 en við það miðast uppgjörið. Árið 1993 var
83