Búnaðarrit - 01.01.1995, Blaðsíða 106

Heimtur í hajbeit voru ekki góðar á síðasta ári og hefur hafbeitarstöðvum
fækkað mjög undanfarin ár. Nú er svo komið að einungis ein stór stöð er í full-
um rekstri auk Kollafjarðarstöðvarinnar og fáeinna annarra. Er þetta mjög miður
því að undirritaður hefur ásamt fleirum, bundið vonir við að hér á landi væri
góður grundvöllur fyrir fiskeldi af þessari gerð.
Hvað annað fiskeldi varðar hér á landi er ekki mikið að bæta við frá skýrslu
síðasta árs. Regnbogasilungseldi dróst heldur saman frá því árið 1993 og er fram-
leiðslan áætluð um 170 tonn á sl. ári. Áætluð framleiðsla á urriða árið 1994 er um
22 tonn. Enn er unnið markvisst að þróun lúðueldis og er orðið ljóst að matfiskeldi
mun hefjast í Þorlákshöfn á þessu ári. Mikið þróunarstarf er þó óunnið áður en hægt
er að fullyrða nokkuð um hagkvæmni lúðueldis hér á landi sem og annars staðar.
Eldi á barra er hafið í smáum stíl og áhugi á eldi á “villtum” þorski er nokkur
og hafa aðilar á Austfjörðum og á Patreksfirði hafið slíkt eldi. Eldi á sæeyra er
stundað á einum stað á landinu.
Fyrir nokkrum árum síðan átti ég frumkvæði að notkun ómsjár við fiskeldis-
rannsóknir. Notkun ómsjár Búnaðarfélagsins og Rannsóknastofnunar landbún-
aðarins er nú orðinn fastur hluti af rannsóknum og kynbótastarfi í íslensku fisk-
eldi.
I framhaldi af því hef ég aðstoðað búnaðarsambönd við kaup þeirra á óm-
sjám. Síðastliðið ár sá ég um kaup á einum fimm ómsjám fyrir jafnmörg
búnaðarsambönd og fjárræktarfélög. Eru það mestu kaup leiðbeiningaþjónust-
unnar á slíkum tækjum á einu ári.
Þá hef ég verið þátttakandi í rannsóknarverkefni í samvinnu við Veiðimála-
stofnun sem hlaut styrk frá Rannsóknasjóði ríkisins þar sem reynt er m.a. að þróa
aðferð til að segja til um hvenær einstakar bleikjur verða kynþroska og er óm-
sjáin m.a. notuð þar.
Á síðastliðnu ári hófst samstarf við fyrirtækið Vaka sem framleiðir ýmsan
búnað fyrir fiskeldisstöðvar. Lánaði það endurgjaldslaust tölvubúnað til talningar
á fiskum í bleikjueldisstöðvum. Búnaðarfélagið keypti síðan sérstakar talningar-
rennur sem notaðar eru með þessum tölvubúnaði. Því er nú hægt að aðstoða
minni framleiðendur við að hafa betri yfirsýn yfir fjölda fiska í kerjunum.
Annars er almennt um störf mín sem fiskeldisráðunautar það að segja að þau
snertu flesta þætti er varða fiskeldi, þó sérstaklega bleikjueldi, sem er í þágu
manna er hafa atvinnu af eða áhuga á þeirri grein, ýmislegt er snertir stjórnsýslu
og svo mál almenn eðlis. Veitt var hverskonar þjónusta og leiðbeiningar á öllum
sviðum fiskeldis eftir því sem við varð komið og alls konar upplýsingaöflun
viðhöfð. Gagnabanki Búnaðarfélagsins um fiskeldi fer sístækkandi og er æski-
legt að gera hann tölvutækan sem fyrst til að auðvelda aðgang framleiðenda að
þessum upplýsingum.
Síðasta ár var mjög annasamt. Fyrirspurnum fjölgaði mjög og greinilegt er,
miðað er við þróun þeirra mála, að enn verður fjölgun á nýbyrjuðu ári. Bæði er
104