Sameiningin - 01.01.1951, Page 5

Sameiningin
3
bónda, í prestakalli er ég þá þjónaði, er sjúkdóms vegna,
gat ekki um all-langa hríð innt af hendi helgar skyldur
gagnvart ástvinum sínum og heimili; er það ein hin þyngsta
byrði, sem sönnum manni getur í hlut fallið. Eftir að hann
hafði að mestu endurheimt heilsu sína, áttum við tal sam-
an um þessa reynslu hans, og þá mælti hann orð, er síðan
hafa mér í minni lifað: „Guð var mér nálægur í skugganum
og gerði mér reynsluna sæla", sagði hann. Mætti slík reynsla
oss í hlut falla, ef að þung byrði kynni oss í hlut að falla,
á árinu nýja. Guð reynir og prófar oft sín veiku börn með
reynslu, er gengur oss svo nærri að eldvígslu má með sanni
nefna; en einmitt þá glöggvast oss skilningurinn á fyrir-
heitum hans líkt og ísraelsmönnum forðum á dvöl þeirra
í Mara — og oss lærist að skilja að Drottinn er athvarf vort
og græðari, er af náð sinni leiðir oss til þroska og læknar
öll vor mein.
Sagan heldur áfram:
„Síðan komu þeir til Elím: Þar voru tólf vatnslindir
og sjötíu pálmar, og settu þeir búðir sínar þar við vatnið“.
Þar fundu þreyttir vegfarendur mjúkt gras undir fót-
um, sem eyðimerkursandurinn og hitinn höfðu sært og
lamað. Þar var skjól að fá í skuggum pálmanna, og þar var
gnægð lífgefandi' svalandi drykkjarvatns, er þeir þurftu
við öllu öðru fremur, ljúfur áningarstaður langferðamönn-
um á leið til síns fyrirheitna lands.
Fyrir oss langferðamenn á lífsins vegum — á leið til
fyrirheitna landsins — nýbyrjaða árinu, er opnað hefir
oss hallardyr hins ókomna tíma — langferðamenn á leið
til eilífðar er vor bíður, og óðum færist nær — er Elím
ævarandi áeggjun til að leita samfélagsins við Guð, finna
svölun og skjól á langferð lífsins í trausti til náðar hans
og óþrotlegrar föðurelsku. — Áfram er viðlag lífs og örlög
þess — áfram, í Jesú nafni, sigri hrósandi, mitt í þrautum
lífsins, áleiðis til þess sem framundan er — fyrirheitna
landsins, er bíður vor — á lífsins fögru ströndum — þegar
lokið er vegferð vorri á vandförnum vegum mannlegs lífs —
og heim er náð.
Gleðilegl ár, í Jesú nafni!