Íslendingur - 25.05.1928, Blaðsíða 3

ISLENDINGUR
3
Björn Kristjánsson.
Neuerwall 63 Hamborg 36.
Símnefni: ISBJÖRN. Stmi: C 4 Dammtor B368.
Selur flestar íslenskar afurðir í umboðssölu.
Útvegar allskonar verslunarvörur frá Þýskalandi.
-----------------------------------------3-
OTTO ERHAED
MÖMCKEBERGSTR. 17. HAMBURG 1.
K A U P I R allar íslenskar afurðir.
S E L U R allskonar útlendar vörur.
Umboðsmaður:
Þorvaldur Sigurðsson,
Hafnarstræti 103 Akureyri.
2. Hvítasunnudag
gengst kvenfjel. »Framtíðin« fyrir
merkjasölu, kaffiveitingum í barna-
skólanum og fjölbreyttri kvöldskemt-
un í Samkomuhúsinu, alt til ágóða
fyrir Gamalmennahælissj. Akureyrar.
Akureyringar! Sýnið í verkinu
að stofnun gamalmennahælisins sje
áhugamál ykkar.
Nefndin.
Úr heimahðgum.
1. O. O. F. 1105258'/» = 1.
Slys. Nýlega voru nokkrir ungir nieun
að þreyta knattspyrnu að Marðarnúpi í
Vatnsdat í Húnavatnssýslu. Vildi svo
slysalega til, að einn leikandinn hljóp á
þann, er knötiinn hafði, með þeim krafti,
að hann kastaðist um koll og slasaðist svo
að hann beið bana af innan sólarhrings.
Hjet sá Eggert Jóhannsson frá Orímstungu.
Sildarvart hefir orðið í reknet hjer á
útfirðinum og hefir það komið að góðu
liði í beituvandræðunum, sem verið hafa.
Þorleifur fónsson, þingmaður Austur-
Skaftfellinga, er gestkomandi hjer í bænum.
Kvöldskemtun Rauðakross-deildarinnar,
er haldin var í Samkomuhúsinn á sunnu-
dagskvöldið, var ágætlega sótt. Skemt-
unin var fjölbreytt og hin ánægjulegasta.
Erindi fluttu Steingr. Matthíasson og frú
Sigurlína Sigtryggsdóttir frá Æsustöðum,
bæði hin snjöllustu. Karlakór söng nokkur
lög, er öll tókust vel. Frú Soffía Kvaran
las upp 3 kvæði af mikilli list og Jón
Norðfjörð söng gamanvísur, er komu
áheyrenduin til að hlægja. — Að lokum
var stiginn dans fram á nótt.
„Luksus“-bíl, af sömu tegund og gerð
og stjórnarráðsbíllinn, sem dómsmálaráð-
herra Ijet kaupa á dögunum, hefir Bif-
reiðastöð Akureyrar fengið nýlega. Verð-
ur hann hafður til útlána sem aðrir bílar
stöðvarinnar.
Stúdentablaðið. Sú breyting hefir orð-
ið á útgáfu Stúdentablaðsins, að í stað
þess að koma út einu sinni á ári — 1.
des. ár hvert síðan 1924 — hefir það ver-
ið gert að mánaðarblaði, og hefst sú breyt-
ing með 5. tbl., er út kom í síðastl. apríl-
mánuði. Ræðir blaðið aðallega áhugamál
stúdenta, skóla- og mentamál, en flytur
auk þess skáldskap og ritdóma. — Blaðið
er hið myndarlegasta að efni og frágangi.
Ritstjórinn er Lárus Sigurbjörnsson cand.
phil. — Blaðið kostar 50 aura í laususölu,
en 5 kr. árgangurinn.
Látin er 13. þ. m. að Stóru-Breiðuvík í
Borgarfirði eystra húsfrú Sigríður Árna-
dóttir, móðir jóns Sveinssonar bæjarstjóra,
rúmlega 69 ára gömul. Mæt kona og
vinsæl.
Skoðunarmenn skipa. Fyrir skömmu
stóð sú fregn hjer í blaðinu, tekin eftir
Verkamanninum, að skoðunarnrenn skipa
í Akureyrarumdæmi væru skipaðir af
ríkisstjórninni þeir Oskar Sigurgeirsson,
Jóhannes Júliníusson og Kristján Markús-
son skipasmiður, — en fregn þessi er
röng. Sannleikurinn t máli þessu er sá,
að atvinnumálaráðuneytið útnefnir 5. mars,
samkv. tillögum bæjarfógeta, fyrverandi
skipaskoðunarmenn hjer, þá Bjarna Ein-
arsson skipasmið, Óskar og Jóhannes.
Síðar gerði ráðuneytið þá breytingu á
þessu, þvert ofan í sjálft sig, að setja
Kristján í stað Bjarna, en úr þeim skiftum
varð ekki, er til kastanna kom, því að
Bjarni mun ekki hafa verið fús að láta
starfann af hendi, nerna skýrt væri frá
ástæðum, og Kristján ennfremur ófús að
taka siarfann að sjer. Var Bjarni þá enn
á ný skipaður, og er málið þannig til
lykta Ieitt og gegna því söinu menn starf-
anum til næstu 4 ára og áður, þeir Bjarni,
Óskar og Jóhannes. Umdæmið nær frá
Ojögratá að Þórhildarvogum í Hjeðinsfirði.
i . • . . \
E.s. Nova kom í fyrrinótt og fór laust
fyrir hádegi í gær austur um á leið til
útlanda. Til Norðfjarðar tóku sjer far
ungfrúnnar Sigríður Halldórsdóttir og Ásta
Rögnvaldsdóttir.
Bókasafnið. Bókavörður, áminnir þá,
er hafa bækur að láni frá safninu, að skila
þeim nú þegar.
Bjarni Bjarnason læknir hefir opnað
lækningastofu í Hafnarstræti 93 (uppi),
fyrverandi hús Jakobs Karlssonar. Viðtals-
tími læknisins er frá kl. 2—4 e. h.
Bruni. Árla i morgun brann á Siglu-
firði íbiíðarhús Alfons Jónssonar lög-
manns. Ibúarnir komust nauðuglega und-
an, en því nær engu varð bjargað af
innanstokksmunum. liúsið var nýbygt.
Sextugur verður Páll Einarsson hæsta-
rjettardómari í dag.
Björn Kristjánsson, frá Sauðárkróki,
hefir stofnsett umboðsverslun í Hamborg.
Mun hann vera eini íslendingurinn, sem
rekur þar sjálfstæða umboðsverslun. Þar
er nijög mikið starfssvið fyrir duglega
menn, því að viðskiftin við Þýskaland
fara mjög vaxandi. Björn hefir ágætis
mentun sem verslunarmaður: Stúdent
frá Mentaskólanum og útskrifaður úr
verslunarháskólanum i Kaupmannahöfn.
Svo var hann tvö ár í Hamborg víð versl-
unarstörf, en síðustu 4 árin hefir hann
verið við verslun hjer heima. Hann befir
reynst mjög ábyggilegur og reglusamur
rnaður.
A'vö/rfs/iremtonheldur kvenfjelagið „Fram-
tíðin“ í Samkomuhúsinu að kvöldi 2. i
hvítasunnu og gengst fyrir merjcjasölu
um daginn og kaffiveitingum í barnaskól-
anum — alt til ágóða fyrir Oamalmenna-
hælissjóðinn. Munu bæjarbúar sýna með
þátttöku sinni, að þeim er ljúft að hlynna
að málinu.
lotið tælifærið!
Til júníloka p- k. verða til
sölu í Hafnarstræti 103 mikið
úrval af nýtísku dömu-
og barnahöfuðfötum.
Komið og skoðið.
Lækningastofu
hefi jeg ognað í Hafnarstræti 93 (uppi). Viðtalstími kl.2—4 e. h. daglega.
Símanúmer 161.
Bjarni Bjarnason.
E i n s ö n g
hjelt Áskell Snorrason 20. þ. m. kl.
5 e. h. í Akureyrar-Bíó. — Á söng-
skránni voru 12 lög, flest íslensk, og
þrjú af þeim eftir hann sjálfan og höfðu
ekki heyrst hjer áður. Eitt af þeim
var »Við hafið jeg sat« og heyrðist
mjer það eiga mæta vel við efnið og
fór hann prýðilega með það. Áskell
hefir hljómmikinn og háan tenor,
syngur mjög vel eftir efni og hefir
skýran framburð orðanna, sem oft vill
vanla hjá mörgum söngmanni. Auð-
heyrt var að þessu sinni, að Áskell -
hefir mjög mýkt og þjálíað hina miklu
rödd sína, því að nú söng hann með
meiri mýkt og fegurð en jeg þykist
áður hafa heyrt til hans. Þess skal
getið, að aðsókn var lítil, sem líklega
hefir stafað af, að fjölbreytt skemtun
var í Samkomuhúsi bæjarins sama
kvöldið. M. E.
mm
Porvaldir Atlasen.
Minningarorð.
Hann andaðist að heimili sínu á Siglu-
firði 26. f. m. Hann mun hafa verið koni-
. inn á sjölugsaldur. Ferlivist hafði hann
síðastliðið sumar, en var þó engan dag
heill heilsu. Með hausts- og vetrarkoin-
unni hnignaði heilsu hans, og andlegum
og líkamlegum þrótli sem fór aftur, þar
til yfir lauk þann 26. f. m.
Satt að segja er mjer ekki fullkunnugt
um ætterni og uppruna Þorvaldar Atla-
sonar. Hann njjjn hafa verið Sunnlend-
ingur og flutst hingað á Norðurland laust
fyrir eða um síðustu aldamót.
Hjer á Akureyri dvaldi hann'uin nokk-
ur ár, en flutti svo til Siglufjarðar. Keypti
húseignina Baldur þar og rak þaðan útveg
nokkurn, og hafði þar greiðasölu, þar til
nú fyrir fáum árum. Efni hans voru þá
til þurðar gengin, heilsunni mjög aflur-
farið, og síðast en ekki síst, ráðskona hans,
Helga Jónsdóttir, ekkja Timotheusar Torfa-
sonar, formanns á Sauðárkrók, er verið
hafði fyrir framan hjá honum til margra
ára og reynst honum einslog Æesli maki,
var þá fallin frá. Hann saknaði hennar
og mintist alla jafnan á hana með trega
og þakklæti.
Þorvaldur Atlason var vel gefinn, en
lítt mentaður maður. Hann var glaðlynd-
ur og spaugsamur, ölkær nokkuð, og ein-
kennilega skringilegur í orðbragði sínu
og tilsvörum. Vakti oft gaman og græsku-
lausan hlátur í sínum hóp, en óáleitinn
var hann og óhvepsinn. Var oft einkar glatt
á hjalla í gamla Baldri, og óvíða hefi jeg
vitað rýmra um marga menn, í þröngum
híbýlum, en þar.
Á yngri árum sínum var Þorvaldur
vinnumaður hjá dr. Grími Thomsen á
Bessastöðum. Kunni hann frá mörgu að
segja af veru sinni þar, og heyrði jeg hjá
honum margar smásögur ekki ómerkilegar
um dr. Grím, er hann mintist ávalt með
ást og virðingu. En þar kyntist hann
þéim vandalausum manni, er hann unni
mest, og gat aldrei á minst án þess að
vikna, en það var Þorlákur Jónsson frá
Gautlöndum, uppeldissonur þeirra hjóna
og systursotiur frú Thomsen. En hann dó
ungur við háskólann í Khöfn. Hann
geymdi eins, og lielgan dóm endurminn-
inguna um samveru þeirra, og þótti sem
hann hefði aldrei kynst ágætari manni.
Þorvaidur var bóngóður og greiðvikinn
með afbrigðum, og mun að lokum frekar
hafa goldið þess en notið.
Það er hlýtt og glatt yfir minningunni
um Þorvald Atlason í hugum þeirra, er
kyntust honum. Hann var einn af þeim
fáu mönnum, er jeg hygg að engan óvin
hafi átt. S. B.
r "1 1 . 1
Nýkomið
*
i
Ryels-verslun:
Herrahattar, Húfur, Manchett-
skyrtur, Flibbar, Slaufur, Bindi,
Pullover, Peysur, Prjónasett mjög
ódýr, Kvenkjólar, Kápur, Slæður,
Svuntur, Golftreyjur, Jumpers,
Lífstykki, Sokkar, allskonar Álna-
s
vara og ótal margt fleira.
Sparið tíma. Sparið peninga.
Kaupið góðar, ódýrar og nýmóð-
ins vörur hjá
Baldvin Ryel.
„_______________ j
í mjög ódýru og smekklegu
úrvali:
Manchettskyrtur
Bindi
Slaufur
Sokkar
Húfur
Hattar linir og harðir.
HAMB0R6.
SOLO-
VJEL
2 HK. með umstýranlegri skrúfu,
er til sölu hjer á staðnum nú þeg-
ar. Greiðsluskilmálar einkar hag-
kvæmir, ef um ábyggilegan kaup-
anda er að ræða.
Axel Kristjánsson.
Tófuhvolpa
kaupa undirritaðir háu verði f. h.
sRefaræktarfjelags íslands*.
Ingimundur Árnason.
Páll Einarsson.
Girðingastaurar,
Gaddavír,
Sljettur vír.
II. Car! HBepfiiers-versliin.