Faxi - 01.06.1948, Side 6

6
F A X I
Eystri-Rangá (Magnús Árnason).
Sólskin (vatnslitamynd eftir Barböru Árnason).
Málverkasýning
í Keflvík
Listahjónin, BaAara og Magnús A.
Arnason opnuðu málverkasýningu í barna-
skólahúsinu hér 25. marz s. 1. og stóð hún
yfir í 5 daga.
Þetta var fyrsta málverkasýningin í
Keflavík, þannig úr garði gerð, að maður
gat gengið um gólf, fengið sér sæti og
virt fyrir sér listaverkin á veggjunum, —
eins og á betri bæj um eða sýningarskálan-
um í Reykjavík.
Fyrir tveim árum sýndu þeir keflvísku
kúnstmenn, Helgi og Ariribjörn nokkur
málverk í bókabúðarglugganum og hátt-
virtir áhorfendur urðu að hafast við úti í
hríðinni, ef ekki þýða hélu af rúðunum til
þess að geta séð Sólris eða Svani á seftjörn.
Svo hélaði rúðurnar aftur.
Það er bjartsýni, að taka sig upp frá
Lækjarbakka við Reykjavík og aka vörubíl
með málverk og vatnslitamyndir suður
hingað, jafnvel þótt allt barnaskólahúsið
frá 1911 sé í boði og fólk fái að vera inni
til þess að skoða. En sýningu þeirra hjóna
sóttu hátt á fjórða hundrað manns og er
það góð aðsókn, miðað við fjólksfjölda.
Svarar til níu þúsund sýningargesta á mál-
verkasýningu í Reykjavík. Sex mvndir
seldust.
Frú Barbara er fædd í Englandi 1911,
en kom fyrst upp hingað árið 1936 að
loknu námi.
Magnús er Suðurnesjamaður, fæddur í
Narfakoti í Njarðvíkum 28. desember
1894, sonur Arna Pálssonar og Sigríðar
Magnúsdóttur.
Hefur Magnús verið langdvölum ytra
við nám, bæði í málaralist og tónlist. Flann
er ljóðskáld og tónskáld og þýðir kvæði:
fjölhæfur listamaður.
Undanfarin ár hafa hjónin haldið sýn-
ingar í Reykjavík og úti á landi, enda
orðin þjóðkunn fyrir verk sín.
Þetta á ekki að verða dómur um myndir
þeirra á sýningunni ’hér ,en myndir frúar-
innar: Sólskin, Villiblóm og Merki, sent
í samkeppni Sameinuðu þjóðanna, eru
ógleymanlegar. Og landslagsmyndir
Magnúsar eru þróttmiklar og sannar: Vík
í Mýrdal, Eystri Rangá, Esjan yndisfagra
og fleiri.
I eina tíð auðkenndu sérleyfishafar bíla
sína með orðunum: Reykjavík—Sandgerði.
Þá var Keflavík hvorki upphaf né endir
neins. Svo fóru þeir að stríða úti í lönd-
um og enn síðar auglýstu sérleyfishafar
loftsins: New-York—Keflavík—London.
Þá varð Keflavík miðdepill mikilla hug-
mynda.
Og hvaða listmálara dettur svo næst í
hug að heimsækja Keflvíkinga með verk
síri?
krp.