Morgunn - 01.12.1974, Page 33

HAFSTEINN OG AMERÍSKA SÁLARRANNSÓKNARFÉLAGIÐ 111
ég þekkja þarna rödd Runólfs, sem alltaf kemur fram á fund-
um hjá Hafsteini og lýsir þar, því sem er að gerast. Ég full-
yrði það þó ekki, en ég býst fastlega við að þeir, sem eru við
sambandið að handan, fylgist með og viti allt, sem gerist við-
komandi miðlinum. Áhugi hinna látnu er sízt minni en okkar,
sem lifum hér megin, að ná sambandi við okkur og sanna sig.
Ég vil þakka dr. Erlendi Haraldssyni fyrir mikilvægt starf
hans í þessu máli, því að nú fyrst er Hafsteinn metinn að
verðleilcum. Dr. Erlendur telur hann mikinn miðil og trúan
í starfinu. Slík ummæli eru mikilsverð af vörum vísinda-
manns, sem lika hefir stundað dulræn fræði við erlenda
háskóla.