Prentarinn - 01.12.1968, Blaðsíða 16
alveg niður um páskana án þess að laun skertust,
en erfiðlega gengur að fá blöðin til þess að hætta
að gefa út blöð á páskadag.
Svíþjóð: Alderin
Erik Alderin, formaður sænsku prentarasambands-
ins, flutti skýrslu sænsku prentaranna: Prentarasam-
bandið undirbýr nú kröfur sínar fyrir næstu samn-
inga, scm eiga að fara fram 1969. Að öllum líkindum
verða þetta víðtækir samningar og aðeins gerðir til
eins árs. Við reiknum ekki með verulegri hækkun
launa. Aðaláherzlan verður lögð á ýmis félagsleg
réttindi. Aðalvandamálið verður, að næstu samn-
ingar vcrða allherjarsamningur um kjörin. Nokktirt
atvinnuleysi hefur herjað en nú er skortur á fag-
lærðu fólki, sérstaklega vélsetjurum.
Stærsta áhugamál okkar hefur verið sameining
bókagerðarfélaganna í eitt samband. Samkomulag
hefur náðst við lxikbindara um sameiningu 1970.
Nú hafa offsetprentarar lýst yfir áhtiga sínuin að
vera einnig með. Við höfum haldið tvo fundi með
offsetprenturum og eftir þá er fyrirsjáanlegt, að
langt er í land varðandi þessi mál.
í umræðum á eftir framsíigu Alderins kom m. a.
fram, að atvinnuleysisbætur eru 50 kr. s.ænskar á dag
fimm daga vikunnar, eða 300 kr. sænskar á viku f
200 atvinnuleysisdaga á ári. Þeir, sem eru yfir sex-
tugt fá 800 kr. atvinnuleysisstyrk á mánuði í allt að
3 ár.
Reikningar sambandsins
Henry Nielsen lagði fram endurskoðaða reikninga
Nordisk Typograf-Union fyrir tímabilið 1. jan. 1967
—31. des. 1967. Sjóður samtakanna var 31. des. 1967
danskar krónur 2.849.500,56, en verðmæti lians í
sænskum krónum 1.967.207.
Sjóðurinn er varðveittur í Danmörku, en það var
álit manna, að hann hefði rýrnað um 10% vegna
gengislækkunar þar í landi, en þrátt fyrir það væri
engin ástæða til þess að flytja hann þaðan vegna
þess að á móti komi, að hæstu vextir eru greiddir af
fénu þar og svo væri sjóðurinn undanþeginn skatti
en það yrði hann ekki ef hann yrði varðveittur i
Noregi eða Svíþjóð.
Reikningarnir voru síðan samþykktir.
Umræður um fulla aðild HÍP að Nordisk
Typograf-Union.
Undirritaður hafði framsögu um fulla aðild H.Í.P.
að Nordisk Typograf-Union. Lýsti ég áhuga okkar
á þvf að gerast virkir þátttakendur í norrænu sam-
starfi prentara, en vegna þess hve við værum fá-
mennir, værum við hræddir við þann mikla kostnaö
sem samfara væri ráðstefnuhaldi á íslandi og við
teldum það ofviða fyrir svo fámenn samtök sem
okkar ef við værum skyldaðir til þess að sjá um
ráðstefnuhaldið 5. hvert ár. Við værum að sjálf-
sögðu reiðubúnir til þess að greiða árlegt framlag
okkar eins og aðrir en óskuðum eftir því, að fundin
yrði leið til þess að tryggja okkur fulla aðild að
þessu norræna samstarfi. Vitnaði ég til bréfa, sem
send voru formanni danska prentarasambandsins og
formanni sænska prentarasambandsins, þar sem
túlkuð voru viðhorf okkar.
Næstur tók til tnáls Henry Nielsen, form. danska
prentarasambandsins. Sagði hann, að sér hefði verið
falið að ná sambandi við Hið ísl. prentarafélag.
Island hefur tekið upp viðræður við okkur um að
gerast félagar í samtökum okkar og eru einhuga um
að taka þátt f þessu norræna samstarfi. Tvö atriði
hafa áhrif á þátttöku íslands í Nordisk Typografisk-
Union. Fyrra atriðið er, hvort við crum skuldbundn-
ir til þess að halda ráðstefnu á Islandi. Hitt atriðið
er, hvort hægt er að taka í félagið nýjan meðlim
þegar sjóðurinn er fullmyndaður. Nýr meðlimur
kemur til með að njóta góðs af þeim fjármunum,
sem hann hefur ekki átt þátt í að mynda. Það
væri þó æskilegt að við gætum látið þá sitja við
sama borð. Það væri ánægjulegt ef við gætum
fundið heppilega skipan þessara mála, svo að Island
gæti verið með. Við ættum að geta reiknað út, hvað
ísland þarf að borga til þess að komast í félagsskap
okkar. Menn gætu kannske hugsað sér þann háttinn
á, að ísland borgaði iðgjald í tvö eða þrjú ár og
sá tími yrði einskonar biðtími, en eftir það yrði ís-
land fullgildur aðili.
Reidar Langás sagði, að þeir hefðu ekki rætt þetta
í Noregi. Við tnunum lcggja til við stjórn okkar
sambands að liún styðji aðild íslands. Lagði hann
til að Nilsen yrði falið að semja beina tillögu í mál-
inu, sem síðan yrði lögð fyrir næstu ráðstefnu.
Pedersen: Norræn samstaða á að vera framkvæmd-
ir en ekki bara orðin tóm. Lízt vel á tillögur Niel-
sens.
Alderin: Skoðun okkar er að ísland eigi að vera
með í þessu norræna félagi. Kostnaðinn við ráð-
stefnuhald á íslandi er hægt að leggja á hvert sam-
band fyrir sig. Það er ekkert vandamál. Styð tillögu
Langás um að Dönum verði falið að gera tillögu í
málinu.
Nissila: Finnska sambandið setur sig ekki á móti
96
PRENTARINN