Norðurland - 04.10.1979, Page 3
Menntaskólinn á Akureyri settur í
hundraðasta
Eítiraiinnilegir tónleikar
Tónlistarfélag Akureyrar hóf
vetrarstarfið miðvikudagskvöld
ið 26. sept. með tónleikum í
Borgarbíó, og voru þar komnir
listamenn frá Þýska Alþýðulýð-
veldinu. Um þessar mundir er
fagnað þrjátíu ára afmæli þess,
og leið þessara ágætu lista-
manna lá til íslands einmitt af
því tilefni. Söngvarinn Siegfried
Lorenz, barýtón við Ríkis-
óperuna í Berlín og píanóleik-
arinn Gerhard Schlegel, sem
starfandi er við Tónlistarskól-
ann í Berlín, fluttu efnisskrá,
sem eingöngu samanstóð af
Þýskum þjóðlögum eftir
nokkra öndvegishöfunda, þá
Beethoven, Schubert, Brahms
og R. Strauss. Barýtónsöng-
varinn Siegfried Lorenz hefur
haldið fjölmarga tónleika í
alþjóðakeppnum söngvara við
ágætan orðstír, sungið inn á
hljómplötur og komið fram í
sjónvarpi og útvarpi.
Píanóleikarinn Gerhard
Schlegel er einnig vel kunnur
fyrir hljómleikahald bæði
heima og erlendis. Hann hefur
komið fram sem einleikari og
einnig tekið þátt í flutningi
kammertónlistar og leikið með
söngvurum.
Efnisskráin var sérlega að-
gengileg, einkar vel og listilega
samansett. Hún var fjölbreytt
og með hæfllegri stígandi allt til
loka, er flutt voru fjögur lög
eftir R. Strauss.
Siegfried Lorenz er afburða
listamaður í sinni grein og hefur
á valdi sínu mikið efni og
margbreytilegt, sem spannar
yfir langt tímaskeið og ólíkar
stíltegundir. Hann er gæddur
fágætri raddfegurð, og söng-
tæknin er þvílík, að örðugustu
vandamál virðast honum sem
leikur einn. Framar öllu er
túlkun hans sannfærandi, stór í
sniðum og andrik og ótrúlega
nærfærin allt til smæstu blæ-
brigða. Textameðferðin er svo
skýr og falleg, að unun er á að
hlýða einnig þeim, sem Þýskan
er framandi mál og eru kannske
rétt svona bænabókarfærir á
þeim slóðum. Það má nærri
geta hve vel slíkur textaflutn-
ingur hlýtur að láta í eyrum
þeirra, er eiga sér Þýsku að
móðurmáli.
Gerhard Schlegel er fær
píanóleikari og var söngvar-
anum hinn traustasti föru-
nautur. Han» f*ikur áreynslu-
laust og léttilega með skýrum
tóni og fallegum.
Þeim listamönnum var
fagnað vel og innilega, sum
lögin urðu þeir að endurtaka,
og í lokin fluttu þeir aukalag,
Heiðarrósina eftir Schubert við
texta Goethes. Þetta var
ógleymanleg kvöldstund og
reglulegur tónlistarviðburður.
Þvi miður voru áheyrendur
alltof fáir, en þetta er gamla
sagan. Það má heita yfirgengi-
legt, að ekki skuli vera sóma-
samlega setið hús þegar þess er
kostur að heyra aðra eins
efnisskrá og þarna er flutt og í
svo ágætum flutningi. Mest er
ég hissa, að það fólk, sem
sönginn iðkar á ýmsum vett-
vangi, skuli ekki vera forvitnara
en raun ber vitni, að það skuli
ekki flykkjast á staðinn, þegar
fram eru reiddar nokkrar ger-
semar þýskrar ljóðlistar af
færustu listamönnum. Þessir
tónleikar geymast lengi í minni
þeirra, er á hlýddu, og skulu hér
með færðar einlægar þakkir
listamönnunum og öðrum, sem
gerðu það kleift, að unnt var að
efna til þessara tónleika.
S.G.
sinn
Menntaskólinn á Akureyri var
setur í 100. sinn mánudaginn 1.
október sl. Þann dag voru liðin
rétt 99 ár síðan Jón A. Hjaltalín
setti skólann í fyrsta sinn, en þá
var hann á Möðruvöllum og var
svo næsta aldafjórðung að hann
var fluttur til Akureyrar.
Tryggvi Gíslason skólameistari
er hinn sjötti í röðinni sem því
starfi gegnir.
í setningarræðu gat skóla-
meistari þess að nú væri unnið
að ritun sögu skólans og ráðgert
að hún komi út í vor um leið og
100 ára afmælið verður haldið
hátíðlegt. Er þetta þriggja binda
verk sem Gísli Jónsson ritstýrir
en auk hans koma við sögu
Steindór Steindórsson, Tryggvi
Gíslason, Tómas Ingi Olrich og
Þórhallur Bragason. Formála
að verkinu mun dr. Kristján
Eldjárn forseti rita.
í vetur eru 580 nemendur
skráðir í skólann, af þeim 80 í
öldungardeild. Nýnemar eru
202, þar af 141 í þriðja bekk
(1. bekkur) og 30 í öldunga-
deild. Er hún nokkru fámennari
en ráð hafði verið fyrir gert í
upphafi. Nemendur í þriðja
bekk eru einnig nokkru færri en
gert hafði ráð fyrir. Mun það
ekki síst tilkomið sökum nýrra
skóla á Egilsstöðum og Sauð-
árkróki, auk þess sem fram-
haldsdeildum við grunnskóla
'Qölgar með ári hverju. Þá eru
aldursárgangar eftir 1962 fá-
mennari en þeir sem eldri eru
Tryggvi Gíslason fór í setn-
ingaræðu sinni nokkrum orð-
um um breytingar á framhalds-
skólunum bæði þær sem að
baki eru og hinar væntanlegu í
kjölfar laga sem vonandi yrðu
sett á næsta þingi, en frumvarp
til laga um framhaldsskóla
hefur nú þrívegis verið lagt fyrir
Alþingi en ekki fengist sam-
þykkt. I framtíðinni ætti
Menntaskólinn að verða mið-
stöð framhaldsmenntunar á
Norðurlandi og yrði að búa sig
undir það hlutverk sitt. í því
sambandi yrði nám í skólanum
á næstu árum gert fjölþættara
og íjölbreyttara og kennslu-
greinum fjölgað. Um það sagði
skólameistari að góður skóli
ætti að gefa öllum nemendum
sínum tækifæri til menntunar,
hann ætti að koma öllum
nemendum sínum til nokkurs
þroska. Síðan sagði hann:
Fyrir mitt leyti held ég að
breyta þurfi framhaldsskólun-
um frá því sem verið hefur.
Auka verður jöfnuð með nem-
endum eftir því sem frekast er
kostur, meðal annars til að
vinna gegn félagslegu misrétti í
samfélaginu. Gefa verður nem-
endum kost á námi við hæfi og
taka tillit til þarfa samfélags-
ins fyrir menntun og kunnáttu
og starfsþjálfun, þótt skólinn
eigi ekki að lúta sömu lögum og
atvinnuvegirnir. Námsval á að
aukast, en varast verður eins og
heitan eldinn er gera skólann
svo margslungin völundarhús
Gamla menntaskólahúsið.
að þar rati enginn um nema
nokkrir námsráðgjafar, sviðs-
stjórar og senumenn. Og framar
öllu má skólinn ekki verða til að
sýnast.
I sumar hafa starfað tvær
nefndir, sem menntamálaráð-
herra skipaði, til að vinna að
skólaskipan á Norðurlandí og
til að gera samræmda námsskrá
fyrir nám á framhaldsstigi á
Norðurlandi. Um það veður
einnig leitað samstarfs við skóla
fyrir sunnan og austan. Ætlunin
er að báðar nefndir hafi lokið
störfum sínum fyrir áramót og
unnt verði að hefja nýtt starf í
skólum á Norðurlandi eftir
hinni nýju skipan á næsta
hausti.
f Menntaskólanum á Akur-
eyri er einnig starfandi náms-
skipunarnefnd - eða áfanga-
nefnd eins og hún hefur verið
kölluð. Verkefni nefndarinnar
er að kanna með hvaða hætti
skólinn getur þjónað sem best
hlutverki sínu sem miðstöð
framhaldsmenntunnar á Norð-
urlandi. Meðal annars verður
tekin afstaða til þess hvort taka
skuli upp við skólann eininga og
áfangakerfi og fjölga hér náms-
brautum. Mikið starf bíður því
að hugsanlegt er að á þessum
vetri verði mörkuð ný stefna í
málefnum og rekstri skólans.
En allt tal um að Mennta-
skólinn á Akureyri verði lagður
niður er úr lausu lofti gripið og
að því mun ég ekki standa. En
skólinn skal semja sig að
breyttum aðstæðum og hann á
að þjóna hlutverki sínu og
koma öllum nemendum til
nokkurs þroska. Að öðrum
kosti verður hann að safngrip.
Hver og einn verður að þekkja
sinn vitjunartíma og nú er
stundin runnin upp og mikið
starf bíður.
f--------------------------------------------N
AUGLÝSIÐINORÐURLANDI — SKRIFIÐ í NORÐURLAND
v------------------------------------—-------)
NORÐURLAND - 3