Skólablaðið - 01.11.1957, Page 7

ÞAÐ hefur um nokkuð árabil verið áhyggjuefni þeirra nemenda skólans,
sem áhuga hafa á menningu og listum, hve lítt Menntlingar vilja sinna þeim mál-
efnum. Er skemmst að minnast ávarps í Skolablaðinu í fyrra frá þáverandi
Inspector Scholae, Ólafi B. Thors og Þorkatli ("Totta") Sigurbjörnssyni, þar sem
þeir víttu harðlega andleti Menntlinga. Ekki þarf að fletta lengi í árgöngum
Skolablaðsins, nú hin síðari ár til þess að finna kvartanir frá ritnefndunum um
áhugaleysi Menntlinga á Skólablaðinu. Þar má finna skeleggar áskoranir og hvatn-
ingar bjartsýnna hugsjónamanna og vondaufa gagnrýni hinna svartsýnu, en öllum
er þessum greinum eitt sameiginlegt, áhyggjur út af vaxandi andleysi ykkar
Menntaskólanema.
Vegna reynslu fyrri ritnefnda bjuggumst við í núverandi ritnefnd ekki við
mikilli samvinnu ykkar á ritsviðinu. Gerðum við ráð fyrir að þurfa að toga allt
efni í blaðið upp úr ykkur með harðri hendi, eins og við værum að innheimta
íslenzkuritgerðir. í því tilefni skókum við skellum og hófum upp herbrest mikinn