Morgunblaðið - 02.12.2009, Blaðsíða 4

4 Íþróttir
MORGUNBLAÐIÐ MIÐVIKUDAGUR 2. DESEMBER 2009
„VEGNA kreppunnar á íþróttahreyfingin að
einbeita sér að því að styrkja þá íþróttamenn
sem eru komnir í fremstu eða eru á barmi þess
að ná þeim áfanga. Í staðinn verður að draga
úr stuðningi við þá sem eru í þrepinu fyrir neð-
an. Þetta er mín skoðun,“ segir Stefán Jó-
hannsson, frjálsíþróttaþjálfari hjá Ármanni,
sem hefur langa reynslu af þjálfun frjáls-
íþróttamanna.
Stefán segir að nú þegar kreppir að verði
þeir sem véla um þá fjármuni sem ætlaðir eru
til stuðnings við íþróttafólk að einbeita sér að
því að styðja við bakið á þeim sem eiga mögu-
leika á að láta að sér kveða eða hafa þá þegar
gert svo. Veðja verði á afreksmennina sem
geta látið að sér kveða og geta borið hróður ís-
lenskrar þjóðar út fyrir landsteinanna á sama
tíma og þeir eru æsku landsins hvatning til
dáða sem fyrirmyndir utan vallar sem innan.
„Níutíu prósentum þeirra peninga sem lagð-
ir eru í íþróttamenn hér á landi er eytt í semi-
afreksmenn,“ segir Stefán og bætir við; „Mér
finnst alveg í lagi að helmingur þessa fjár sé
lagður í afreksmenn og hinn helmingurinn þá í
semi-afreksmenn. Þá er ég að tala um allar
íþróttagreinar,“ segir Stefán sem vinnur að því
ásamt félögum sínum í Ármanni að skapa þann
jarðveg fyrir frjálsíþróttakonurnar Ásdísi
Hjálmsdóttur og Helgu Margréti Þorsteins-
dóttur að þær geti ræktað hæfileika sína enn
frekar og þannig átt möguleika á að verða í
allra fremstu röð í sínum greinum á Ólympíu-
leikunum í London eftir þrjú ár.
Ásdís hefur um nokkurra ára skeið notið A-
styrks frá Afrekssjóði Íþrótta- og ólympíu-
sambands Íslands. Helga Margrét hefur hins
vegar ekki notið sambærilegs styrks en fengið
úthlutað úr sjóði ungra og efnilegra. Stefán
segir að í ljósi stöðu Helgu Margrétar telji
hann nauðsynlegt að Sjóðurinn komi með
myndarlegri hætti að stuðningi við hana á
næstunni og þá með Ólympíuleikana í London
árið 2012 í huga. Þar eigi þær báðar raunhæfa
möguleika á að vera í fremstu röð verði þeim
tryggð rétt vinnuskilyrði. iben@mbl.is
Morgunblaðið/Golli
Þrautreyndur Frjálsíþróttaþjálfarinn Stefán
Jóhannsson hefur ákveðnar skoðanir á málum
Verðum að veðja á afreksmenn
Eftir Ívar Benediktsson
iben@mbl.is
BÁÐAR eru þær á góðri leið með að
verða á meðal þeirra allra bestu í
heiminum í sínum greinum.
Stefán segir að hann og stjórn-
endur frjálsíþróttadeildar Ármanns
líti svo á að hér sé á ferðinni einstakt
tækifæri til eignast íþróttamenn í
allra fremstu röð í heiminum. Til
þess verði að hlúa vel að þeim næstu
árin. „Ásdís og Helga Margrét eru
einstaklega hæfileikaríkar, jafnt lík-
amlega sem andlega. Þær eru leið-
togar og fyrirmyndir ungs íþrótta-
fólks. Báðar hafa þær sýnt hingað til
að þær geta staðið undir miklum
væntingum,“ segir Stefán. „Þar af
leiðandi teljum við að réttlætanlegt
sé að taka þær aðeins út úr hinum
góða hópi frjálsíþróttafólks sem er
hjá okkur,“ segir Stefán sem hefur
áratugareynslu af þjálfun frjáls-
íþróttamanna og var m.a. þjálfari
spjótkastarans Sigurðar Ein-
arssonar um langt árabil en Sig-
urður hafnaði í 5. sæti í spjótkasti á
Ólympíuleikunum í Barcelona fyrir
17 árum.
„Allt það starf sem þarf að inna af
hendi til þess að búa þær undir að
vera í fremstu röð á Ólympíu-
leikunum í London eftir þrjú ár
kostar sitt. Við viljum freista þess að
ná endum saman og fá aðila til sam-
starfs við okkur þar sem við teljum
okkur hafa efniviðinn í höndunum í
þessum íþróttamönnum. Þegar höf-
um við fengið nokkra aðila til sam-
starfs,“ segir Stefán
Orðin leið á vangaveltum
„Við viljum fremur leggja út í
þetta verkefni en að standa í þeim
sporum eftir þrjú ár að segja ef og
hefði. Ef við hefðum gert þetta og ef
við hefðum gert hitt þá hefðu Ásdís
og Helga Margrét kannski komist á
verðlaunapall. Við erum hreinlega
orðin leið á þessum vangaveltum um
ef og hefði og viljum freista þess að
láta verkin tala,“ segir Stefán.
„Þess vegna ætlum við að skapa
Ásdísi og Helgu Margréti þá að-
stöðu sem þær virkilega þurfa. Þær
eru í fremstu röð í heiminum í sínum
greinum. Þeir sem eru í heimsklassa
eiga að fá aðstoð til þess að ná ennþá
lengra,“ segir Stefán.
„Til þess að hægt verði að þjálfa
þær eins og þarf þurftum við að hafa
yfir að ráða um sex milljónum króna
á ári,“ segir Stefán. „Inn í þeirri tölu
er sú aðstoð sem ég þarf við þjálf-
unina svo sem frá læknum, sjúkra-
þjálfurum, sálfræðingi, nuddara,
hreyfingafræðingi auk viðbótarþjálf-
ara, bæði vegna þeirra og annarra
íþróttamanna sem æfa hjá Ármanni
og mega alls ekki sitja á hakanum.
Einnig er æskilegt að fara út í æf-
ingabúðir þrisvar ár ári. Síðan eru
það keppnisferðir til útlanda sem
eru orðnar mjög dýrar en eigi að síð-
ur nauðsynlegar,“ segir Stefán og
bætir við að ekki sé nóg að rætt sé
um að eiga afreksmenn. Þeir spretti
ekki fullskapaðir upp úr engu. „Það
er okkar að skapa þeim rétt um-
hverfi til að springa út á meðal besta
íþróttafólks heims.“
Þriggja ára verkefni
Verkefni Ármenninga er til
þriggja ár. Framgangur þess er
endurmetinn í september á hverju
ári. Skipað hefur verið fimm manna
ráðgjafaráð í kringum þetta verkefni
sem í sitja fimm íþróttamenn sem
allir hafa reynt á eigin skinni hvað
þarf til þess að komast í fremstu röð.
Þetta eru Einar Vilhjálmsson spjót-
kastari sem varð í sjötta sæti á Ól-
ympíuleikunum í Los Angeles 1984.
Fyrrgreindur Sigurður Einarsson
sem hafnaði í fimmta sæti í sömu
grein á Ólympíuleikunum í Barce-
lona. Guðrún Arnardóttir sem varð í
7. sæti í 400 m grindahlaupi á Ól-
ympíuleikunum í Sydney fyrir níu
árum og var árum saman ein
fremsta grindahlaupskona heims.
Kristján Harðarson, fyrrverandi Ís-
landsmethafi í langstökki, keppandi
á Ólympíuleikunum 1984 og þraut-
reyndur þjálfari. Fimmti ráðgjafinn
er Ólafur Stefánsson einn fremsti
handknattleiksmaður síðustu ára og
einn silfurhafanna á síðustu Ólymp-
íuleikum.
Fremst í heiminum
í sínum aldursflokki
Helga Margrét er tvímælalaust
eitt allra mesta efni sem fram hefur
komið í frjálsíþróttum hér á landi
um langt árabil. Hún er aðeins átján
ára en hefur þegar vakið mikla at-
hygli sem ein efnilegasta fjölþraut-
arkona og m.a. fengið boð um að
taka þátt í tveimur virtum stórmót-
um í sjöþraut á næsta ári.
Helga Margrét er í efsta sæti
heimslistans í sjöþraut kvenna í
flokki 19 ára og yngri á þessu ári
sem segir sitt um hversu framarlega
hún er. Helga Margrét var hárs-
breidd frá sigri í sjöþraut á Evr-
ópumeistaramóti 19 ára og yngri í
sumar en meiddist og varð að draga
sig úr keppni þegar skammt var efir
og gullverðlaunin voru í seiling-
arfjarlægð.
Hefur tekið stórstígum
framförum
Ásdís hefur tekið stórstígum
framförum í spjótkasti síðustu ár og
hefur bætt Íslandsmetið jafnt og
þétt frá því að hún var innan við tví-
tugt. Hún er í 22. sæti á afrekslista
spjótkastara í heiminum á þessu ári
þar sem hún tvíbætti Íslandsmetið.
Það er nú 61,37 metrar en til gamans
má geta þess að það jafngildir um
2,30 metrum í hástökki karla eða
6,75 metrum í langstökki kvenna sé
litið á afrekaskrá Alþjóðafrjáls-
íþróttasambandsins á þessu ári. Ás-
dís stefnir á að komast í úrslit á Evr-
ópumeistaramótinu í frjálsíþróttum
á næsta sumri. Henni stendur til
boða að vera þátttakandi á mörgum
sterkum frjálsíþróttamótum á næsta
ári.
Getur skipt sköpum
„Gangi þetta eftir er ljóst að það
mun skipta sköpum fyrir mig því
þótt ég hafi notið mjög góðs stuðn-
ing frá ÍSÍ á síðustu árum er allt það
sem hægt er að gera til viðbótar til
mikilla bóta,“ segir Ásdís spurð og
hversu mikils virði það er fyrir henn-
ar feril að Ólympíuhópur Ármanns
verði að veruleika.
„Stuðningurinn er einnig ætlaður
til þess að aðstoða okkur á þeirri
löngu leið sem er fram að Ólympíu-
leikunum í London. Leikarnir eru
langtímamarkmiðið en á leiðinni á
þá eru mörg önnur markmið sem við
verðum að ná,“ segir Helga Margrét
Þorsteinsdóttir.
Viljum láta verkin tala
 Erum orðin leið á að segja ef og hefði, segir Stefán Jóhannsson  Kostar um sex milljónir króna á ári
 Ólafur Stefánsson er á meðal ráðgjafa ólympíuhóps Ármanns  Blásið til sóknar í kreppunni
„Til þess að við getum sagt að við
eigum afreksmenn verðum við að
þjóna þeim sem slíkum,“ segir Stefán
Jóhannsson, frjálsíþróttaþjálfari hjá
Ármanni, um það framtak Frjáls-
íþróttadeildar félagsins að koma á
fót Ólympíuhópi á vegum deild-
arinnar sem hefur það að markmiði
að skapa tveimur af bestu frjáls-
íþróttakonum landsins, Ásdísi
Hjálmsdóttur, Íslandsmethafa í spjót-
kasti, og Helgu Margréti Þorsteins-
dóttur, Íslandsmethafa í sjöþraut, að-
stöðu við hæfi svo þær eigi
möguleika á að vera í fremstu röð á
Ólympíuleikunum í London 2012.
Morgunblaðið/Golli
Methafar Ásdís Hjálmsdóttir t.v. Íslandsmethafi í spjótkasti ásamt Stefáni Jóhannssyni, þjálfara, og Helgu M. Þorsteinsdóttur, Íslandsmethafa í sjöþraut.
Í HNOTSKURN
»Ásdís Hjálmsdóttir er 24ár gömul. Hún er Íslands-
meistari í spjótkasti og hefur
jafnt og þétt tekið framförum
síðustu ár. Ásdís er lyfjafræð-
ingur BSc og leggur nú stund
á framhaldsnám í lyfjafræði
meðfram æfingum og keppni.
»Helga Margrét Þorsteins-dóttir er 18 ára Húnvetn-
ingur. Hún stundar nám í
Menntaskólanum við Hamra-
hlíð. Auk hæfileika í frjáls-
íþróttum varð Helga Margrét
Íslandsmeistari í körfuknatt-
leik í unglingaflokki fyrir fá-
einum árum.