Morgunblaðið - 14.12.2009, Side 7

Íþróttir 7
MORGUNBLAÐIÐ MÁNUDAGUR 14. DESEMBER 2009
SPÁNARMEISTARAR Barcelona eru áfram
með fimm stiga forystu á toppi spænsku 1.
deildarinnar í knattspyrnu eftir leiki helg-
arinnar en þeir unnu 1:0 sigur á Espanyol í
miklum grannaslag á laugardaginn.
Svíinn Zlatan Ibrahimovic gerði sig-
urmarkið úr vítaspyrnu í fyrri hálfleik en hann
hefur nú gert 11 mörk í 13 deildarleikjum eftir
að hann kom frá Inter fyrir þessa leiktíð og
sannarlega staðið undir væntingum.
Real Madrid er eftir sem áður í 2. sæti deild-
arinnar en stjörnum prýtt Madridarliðið mátti
hafa mikið fyrir 3:2 útisigri sínum á Valencia á
Mestalla-leikvanginum þar sem öll mörkin
komu í seinni hálfleiknum. Gonzalo Higuaín
hefur verið iðinn við kolann
fyrir Madridinga á leiktíð-
inni, gert átta mörk í 11
deildarleikjum, og hann
kom þeim tvívegis yfir í
leiknum en þeir David Villa
og Joaquín jöfnuðu metin
fyrir Valencia. Varamað-
urinn Ezequiel Garay sá
hins vegar til þess að Real
færi með öll stigin heim til
Madridar. Sigurinn var þó
keyptur dýru verði því portúgalski varnarmað-
urinn Pepe meiddist og verður sennilega frá út
leiktíðina. sindris@mbl.is
Börsungar sýna engin veikleikamerki
Zlatan
Ibrahimovic
EMIL Hallfreðsson heillaði stuðningsmenn
enska 1. deildarliðsins Barnsley með frammi-
stöðu sinni í leiknum gegn Newcastle á laug-
ardaginn þar sem hann m.a. skoraði fyrra
mark Barnsley í 2:2 jafntefli. Á opinberri vef-
síðu stuðningsmanna Barnsley er Emil við
annan mann efstur í einkunnagjöf með 9 og
segir þar að hann hafi verið hreint út sagt
stórkostlegur á miðjunni gegn toppliði deild-
arinnar.
Markið góða skoraði Emil með þrumuskoti
af stuttu færi eftir fyrirgjöf frá hægri en
hann jafnaði þá metin í 1:1. Newcastle náði
svo aftur forystunni áður en seinna jöfn-
unarmark Barnsley kom skömmu fyrir leiks-
lok. Emil og félagar bundu
þar með enda á sjö leikja
sigurgöngu Newcastle í
deildinni en Barnsley er
jafnframt aðeins annað lið-
ið í vetur til að gera fleiri
en eitt mark gegn New-
castle.
Newcastle er eftir sem
áður í efsta sæti deild-
arinnar með átta stiga for-
skot á næsta lið og stefnir
hraðbyri upp í úrvalsdeildina á nýjan leik.
Barnsley er hins vegar í 16. sæti með 26 stig
eftir 20 leiki. sindris@mbl.is
Stuðningsmenn ánægðir með Emil
Emil
Hallfreðsson
Eftir Sindra Sverrisson
sindris@mbl.is
ARSHAVIN virðist kunna einkar
vel við sig á Anfield því á síðustu
leiktíð, hans fyrstu í ensku úrvals-
deildinni, gerði hann fernu í mögn-
uðum leik þar sem liðin skildu jöfn,
4:4. Segja má að snilli Rússans hafi
gert gæfumuninn í gær í annars
nokkuð jöfnum leik þar sem Liver-
pool var sterkari aðilinn í fyrri hálf-
leiknum en Arsenal mikið betra í
þeim seinni.
Ferill Arshavins er nokkuð
óvenjulegur en hann vakti mikla at-
hygli á EM í Austurríki og Sviss á
síðasta ári, þá orðinn 27 ára gamall.
Hann varð því einn af elstu leik-
mönnum hins unga liðs Arsenal þeg-
ar hann kom þangað í byrjun þessa
árs frá Zenit St. Pétursborg þar
sem hann hafði leikið allan sinn feril.
Arshavin hefur gert 12 mörk í 25
deildarleikjum fyrir Arsenal en fá
jafnmikilvæg og markið góða í gær
sem gerði líklega endanlega út um
vonir Liverpool um að keppa um
Englandsmeistaratitil á þessari leik-
tíð en hélt góðu lífi í vonum Arsenal-
manna sama efnis en þeir eru sex
stigum á eftir toppliði Chelsea og
eiga leik til góða.
„Ég tel að Liverpool sé mjög gott
lið sem getur unnið hvaða lið sem er
þegar sjálfstraustið er til staðar.
Þessi sigur var virkilega góður
fyrir okkar sjálfstraust og í ljósi
annarra úrslita um helgina var
einnig afar sætt að ná að vinna í
dag. Núna verðum við að sýna
stöðugleika og það er ljóst að lið-
inu sem tekst það vinnur deildina.
Ekkert lið hefur enn sýnt nægilega
afgerandi stöðugleika til þess,“
sagði Wenger eftir leikinn. Hann
vildi lítið tjá sig um hálfleiksræðu
sína en hún virtist gjörbreyta leik
Arsenal.
„Stjórinn öskraði á
okkur. Ég hef aldrei séð
hann svona,“ sagði fyr-
irliðinn Cesc Fabregas
eftir leikinn.
„Hann var virkilega
vonsvikinn með frammistöð-
una í fyrri hálfleiknum og sagði
að við ættum ekki skilið að klæðast
Arsenal-treyjunni ef við spiluðum
svona. Ég held að hann hafi haft rétt
fyrir sér en við náðum að snúa
blaðinu við í seinni hálfleiknum,“
sagði Spánverjinn hreinskilinn.
Landi hans Rafa Benítez var
þungur á brún eftir tapið enda hefur
lítið sem ekkert gengið upp hjá Liv-
erpool upp á síðkastið. Endurkoma
Fernando Torres í byrjunarliðið
breytti engu þar um og nú er svo
komið að Liverpool er fimm stigum
frá 4. sætinu sem er síðasta sætið
sem gefur þátttökurétt í Meist-
aradeild Evrópu á næstu leiktíð.
„Markmiðið er enn það sama hjá
okkur eftir þetta tap. Það er að
einbeita okkur að næsta leik og
reyna að komast í hóp fjögurra
efstu liðanna. Ef við spilum fleiri
leiki eins og við gerðum í fyrri
hálfleiknum munum við svo
sannarlega vinna sigra,“ sagði
Benítez eftir leik en Liverpool
hafði yfir í leikhléi, 1:0, með
marki Dirk Kuyt. Glen John-
son gerði hins vegar sjálfs-
mark snemma í seinni hálfleik
sem gerði gæfu-
muninn fyrir
Arsenal að
mati Benítez.
Arshavin beit á jaxlinn
Í HNOTSKURN
»Andrei Arshavin er 28 árarússneskur sóknarmaður
sem leikur með Arsenal.
»Hann kom til Lundúna fráZenit St. Pétursborg í jan-
úar á þessu ári.
» »Arshavin gerði sig-urmarkið gegn Liverpool í
gær og fernu þegar Arsenal
gerði jafntefli á Anfield í
fyrra.
„Hann [Andrei Arshavin] er alltaf að
koma markvörðum og varn-
armönnum á óvart. Hann var meiddur
á þessum fæti og gat ekkert notað
hann alla vikuna en þegar þetta færi
gafst notaði hann löppina og nýtti
færið til fulls. Skömmu seinna varð
ég að taka hann af velli af þessum
sökum en þegar hann skoraði markið
fann hann ekki fyrir sársauka,“ sagði
Arsene Wenger stjóri Arsenal eftir 2:1
sigurinn á Liverpool í gær í stórleik
helgarinnar í ensku knattspyrnunni
þar sem Rússinn Andrei Arshavin
gerði sigurmarkið með glæsilegu
þrumuskoti í stöng og inn.
Grétar RafnSteinsson
virðist vera að
festa sig í sessi á
nýjan leik í byrj-
unarliði Bolton
en hann lék allan
leikinn í 3:3 jafn-
tefli við Man-
chester City á
laugardaginn. Grétar er á vef Sky-
sports með 7 í einkunn fyrir frammi-
stöðu sína en aðeins Suður-
Kóreumaðurinn Lee Chung-Yong
fékk hærri einkunn eða 8.
  
Það gekk mikið á í leik Zulte-Waregem og Cercle Brugge í
belgísku 1. deildinni í knattspyrnu
gær. Dómarinn þurfti þrívegis að
lyfta rauða spjaldinu til að vísa
mönnum af velli. Fyrstur fauk liðs-
félagi Arnars Þórs Viðarssonar hjá
Cercle, en hann var rekinn af velli
eftir 27 mínútur. Því næst var
heimamaður rekinn af velli sjö mín-
útum síðar og svo annar á 84. mínútu
leiksins. Heimamenn unnu 1:0.
  
Bjarni ÞórViðarsson
var atkvæðamik-
ill í liði Roeselare
sem kom veru-
lega á óvart með
því að sigra
Standard Liege,
1:0, á útivelli í
belgísku 1. deild-
inni í fyrrakvöld. Standard lauk ein-
mitt keppni í Meistaradeild Evrópu í
síðustu viku en Roeselare er neðst í
deildinni þrátt fyrir sigurinn.
  
Aron Einar Gunnarsson kommikið við sögu þegar Coventry
vann Peterborough, 3:2, í ensku 1.
deildinni á laugardaginn. Hann lagði
upp annað mark liðsins með löngu
innkasti og krækti síðan í auka-
spyrnu sem gaf af sér sigurmarkið.
  
Jens Lehmann,markvörður
Stuttgart, hefur
löngum verið lag-
inn við að koma
sér í vandræði.
Um helgina var
hann talsvert í
fréttum og ekki
vegna frábærrar
markvörslu hjá
Stuttgart. Lið hans var að vinna Ma-
inz þegar hinn fertugi markvörður
hrinti sóknarmanni Mainz – innan
vítateigs. Markvörðurinn var rekinn
af velli og Mainz skoraði úr víta-
spyrnunni sem dæmd var og tryggði
sér eitt stig.
Það dugar ekki alltaf að skora sexmörk í leik til að sigra og það
fengu leikmenn Hannover að sann-
reyna á laugardaginn. Þá mætti liðið
Gladbach í þýsku deildinni og gerðu
leikmenn Hannover sex mörk en
töpuðu leiknum engu að síður 3:5.
Þrjú markanna voru nefnilega
sjálfsmörk og síðan sáu leikmenn
Gladbach um að skora eitt mark.
Fólk sport@mbl.is
ENGLANDSMEISTARAR Manchester United
nýttu ekki gullið tækifæri til að jafna Chelsea að
stigum á toppi úrvalsdeildarinnar í knattspyrnu á
laugardag. Chelsea gerði þá 3:3 jafntefli við Ever-
ton en síðar um daginn tapaði United gegn Aston
Villa á heimavelli, 1:0, og var þetta fyrsti sigur
Villa á Old Trafford frá árinu 1983. Því munar enn
þremur stigum á United og Chelsea á toppi deild-
arinnar.
Það var enski sóknarmaðurinn Gabriel Ag-
bonlahor sem gerði mark Villa-manna í fyrri hálf-
leik og það dugði til þrátt fyrir stífa sókn United.
Villa hefur því fagnað sigri gegn bæði Chelsea og
United á þessari leiktíð. Sir Alex Ferguson stjóri
þeirra rauðklæddu var ósáttur
við að fá ekki lengri uppbót-
artíma en rúmar þrjár mínútur
til að ná inn marki í seinni hálf-
leiknum.
„Manni er farið að finnast að
ákvarðanir um uppbótartíma
ættu ekki að vera í höndum
dómarans. Leikurinn var tvisv-
ar sinnum stöðvaður í rúmar
tvær mínútur en samt fengum
við bara þriggja mínútna upp-
bótartíma,“ sagði Ferguson og bætti við að staða
United væri enn góð þrátt fyrir þrjú töpuð stig.
„Þetta er ekki auðveld deild eins og ég hef
margoft sagt. Ef okkur tekst að vera enn svona
nálægt efsta liðinu fram í janúar þá höfum við frá-
bæra möguleika á titlinum,“ sagði Ferguson.
Didier Drogba gerði tvö marka Chelsea gegn
Everton en toppliðið komst tvívegis yfir í leiknum,
2:1 og 3:2. Louis Saha gerði hins vegar sínum
gömlu félögum í United greiða með athyglisverðu
jöfnunarmarki.
„Mér fannst við sýna mjög góða frammistöðu
og leggja allt í leikinn, eina vandamálið var að við
unnum ekki,“ sagði Carlo Ancelotti stjóri Chelsea
og bætti við: „Við vörðumst illa í föstum leik-
atriðum og verðum að laga það.“ sindris@mbl.is
 Man. Utd og Chelsea töpuðu óvænt stigum  Ferguson vildi lengri tíma
Sir Alex
Ferguson
United nýtti ekki gullið tækifæri
Liverpool-baninn Andrei Arshavin
kann heldur betur vel við sig á Anfield.
Hann skoraði fjögur mörk þar í fyrra
og gerði sigurmark Arsenal í gær.
 Andrei Arshavin gerði Liverpool aftur skráveifu með glæsimarki  Var ekki
búinn að nota fótinn í viku segir Wenger  Blés góðu lífi í titilvonir Arsenal
Reuters