Ísfirðingur - 04.10.1975, Blaðsíða 2

2
ISFIRÐINGUR
Útgefandi:
Samband Framsóknarfélaganna i Vestfjarðakjördæmi.
Ritstjórar:
Halldór Kristjánsson og Jón Á. Jóhannsson, áb.
AfgreiZslumaður:
Guðmundur Sveinsson, Engjave|gi 24, sími 3332.
Verð árgangsins kr. 200,00 — Gjalddagi 1. október.
_-------—~-----——■— ------------------——~------—.—--------i
Útfærsla
fiskveiðimarkanna
Það líður nú óðum að þeim degi þegar útfærsla fiskveiði-
markanna í 200 sjómílur tekur gildi, en það verður 15. þ.m.
Eðlilegt er að hugur flestra íslendinga sé nú verulega bundinn
við þetta mikilsverða hagsmunamál okkar og allir óska þess
áreiðanlega, að vel og giftursamlega megi takast til um
framkvæmdina. Öllum ætti að vera Ijóst, að fiskstofnarnir
á miðum okkar eru grundvöllur efnahags þjóðarinnar og að
skynsamleg hagnýting þeirra verði að vera ráðandi í sam-
bandi við veiðarnar.
Þann 29. f.m. flutti Einar Ágústsson, utanríkisráðherra,
mjög athyglisverða og þróttmikla ræðu á 30. allsherjarþingi
Sameinuðu þjóðanna. Kom hann víða við og færði gild og
sannfærandi rök fyrir ákvörðun íslendinga um útfærsluna.
Meðal þess sem Einar lagði sérstaka áherslu á var, að fram
færu sívaxandi veiðar á ókynþroska fiski á fslandsmiðum af
hálfu erlendra fiskimanna og að af þeim sökum væri endur-
nýjun fiskstofnanna í bráðri og sívaxandi hættu. Þýðingar-
mesti fiskstofninn á íslandsmiöum, þorskurinn, næði nú
aðeins að hrygna einu sinni. Sóknin á miðin væri nú tvisvar
sinnum meiri en hún var fyrir tuttugu árum, en aflinn
jafnvel minni nú. Hann lagði sérstaklega áherslu á, að íslenski
fiskiskipaflotinn væri „fullfær um að hagnýta leyfilegan
hámarksafla á svæðinu”. Utanríkisráðherrann sagði, að nú
væri unnið að áætlun um vísindalega stjórnun á veiðum
íslenskra fiskiskipa, og mun hún fela í sér miklar veiðitak-
markanir, jafnvel eftir að lokið er veiðum erlendra skipa á
fiskimiðum íslendinga.
Á nýlega afstöðnu Fjórðungsþingi Vestfirðinga, en það var
haldið 13. og 14. f.m., var útfærsla landhelginnar að sjálf-
sögðu rædd, enda er útfærslan Vestfirðingum mikið áhuga-
og hagsmunamál. í ræðu sem framkvæmdastjóri Fjórðungs-
sambandsins, Jóhann T. Bjarnason, flutti á þinginu sagði
hann m.a.:
„Ég vil hér síðast en ekki síst minnast á þann merka
áfanga, sem framundan er, þ.e. útfærslu fiskveiðimarkanna
í 200 sjómílur.
Vestfirðingar allir hljóta að fagna þessari ákvörðun
sérstaklega, og binda miklar framtíðarvonir við að takast
megi að koma í veg fyrir veiðar útlendinga á fiskimiðum
þeirra út af Vestfjörðum.
Vestfirðingar hljóta að leggja á það höfuðáherslu, að ekki
verði um sýndarútfærslu að ræða, þ.e. að ekki verði samið
um meiri eða minni veiðiheimildir erlendra skipa innan
fiskveiðimarkanna. Ótti Vestfirðinga við slíka samningagerð
byggist á því, að fiskveiðilögsagan verður í reynd ekki 200
sjómílur út frá landi á Vestfjörðum vegna miðlínureglunnar
og hins vegar vegna þess, að útlendingar munu öllu öðru
fremur sækjast eftir veiðiheimildum á Vestfjarðamiðum,
vegna þess hve gjöful þau eru.
Megin krafa Vestfirðinga hlýtur að vera sú, að alls engar
veiðiheimildir verði veittar erlendum aðilum innan fiskveiði-
markanna á Vestfjarðamiðum.
Verði Vestfjarðamið lokuð erlendum veiðiskipum og miðin
að öðru leyti skynsamlega nýtt af innlendum veiðiskipum,
mun það mjög treysta byggð á Vestfjörðum, vegna eflingar
fiskveiða og fiskiðnaðar”.
Undir þessi orð framkvæmdastjórans getur ísfirðingur
tekið og svo mun vera um flesta eða alla Vestfirðinga.
J.Á.J.
Sjálísálit -
Sjálfsánægja
SÁ FÁHEYRÐI og furðulegi
atburður átti sér stað á fundi
bæjarstjórnar ísafjarðar 25.
september s.l., þegar að því
var komið að kjósa í nefndir,
að forseti bæjarstjórnar, Jón
Baldvin Hannibalsson og Jens
Kristmannsson, sem gegndi
störfum varaforseta á um-
ræddum .fundi, báru fram
tillögu þess efnds, að fresta
kosningu á Byggingarnefnd
elliheimilis og fela bæjarráði
störf nefndarinnar. Með þessu
fela þeir sjálfum sér störf
nefndarinnar, treysta sér með
öðrum orðum betur en nefnd-
inni sem kjósa átti, sem þeir
sjálfir gátu ráðið meirihluta í.
Hvað er vanmat á fólki ef
þetta er það ekki? Og hvaða
fólk fæst í nefndina eftir
þessa traiustsyfirlýsingu, ef
hún verður þá nokkru sinni
kosin?
Það er út af fyrir sig undr-
unarefni að flutningsmönnum
tillögunnar skyldi koma til
hugar að bera hana fram, en
ennþá furðulegra er þó, að
meirihluti bæjarfulltrúa sam-
þykktu hana athugasemda-
laust.
Byggingarnefnd elliheimilis
hefur um árabil verið ein af
fastanefndum bæjarins og
kosin um leið og aðrar nefndir
Ef flutningsmönnum tillög-
unnar hefur þótt nauðsyn
bera tdi þess, að fresta kosn
ingu nefndarinnar, hefði verið
eðlilegast að fela fráfarandi
nefnd að gegna störfum þar
til kosning á nýrri nefnd færi
fram. En með samþykkt til-
lögu þeirra Jóns og Jems er
Byggingarnefnd elliheimils á
ísafirði raunverulega lögð
niður. Er sú ráðstöfun í sam-
ræmi við gildandi samþykktir
bæjarins?
Það er sjálfsagt gott að
hafa hóflegt mat á eigin
ágæti, en ofmat á sjálfum
sér verður tíðum broslegt.
Hvaða nefnd bæjarins
hyggjast þeir félagar leggja
niður næst?
J.Á.J.
Sjötugur
Jóhann S. H. Guðmundsson,
Smiðjugötu 2 ísafirði, átti
sjötugs afmæli 1. október s.l.
Hann er fæddur á ísafirði,
sonur hjónanna Guðrúnar
Friðriksdóttur og Guðmundar
Halldórssonar. Jóhann hefur
alltaf átt heima á ísafirði.
Ungur hóf hann sjómennsku
á bát föður síns og síðar var
hann árum saman formaður
á eigin bát. í mörg ár var
hann starfsmaður sjúkrahúss-
ins á Isafirði, en síðustu árin
hefur hann unnið almenna
verkamannavinnu, aðallega
hjá Ísafjarðarkaupstað.
Jóhann er kvæntur Ásdísi
Ásgeirsdóttur og eiga þau
sjö mannvænleg börn. Hann
er maður samviskusamur, ið-
inn og ötull við öll verk sem
honum er trúað fyrir.
Tilkynning
um útivistortímn bmrnu
og unglingu
í kaupstöðum, kauptúnum og öðru slíku þéttbýli með
400 íbúa og fleiri mega börn yngri en 12 ára ekki vera
á almannafæri eftir kl. 20 (8 á kvöldin) tímab. 1. sept.
til 1. maí og eftir kl. 22 (10 á kvöldin) 1. maí til 1. sept.,
nema í fylgd með fullorðnum, aðstandendum eða um-
sjónarmönnum.
Unglingar yngri en 15 ára mega á slíkum stöðum ekki
vera á almannafæri eftir M. 22 (10 á kvöldin) tímabilið
1. september til 1. maí og eftir kl. 23 (11 á kvöldin)
1. maí til 1. september, nema í fylgd með fullorðnum,
eða um sé að ræða beina heimferð frá skólaskemmtun,
íþróttasamkomu eða frá annarri viðurkenndri æskulýðs-
starfsemi.
Hvers konar þjónusta við börn og ungmenni eftir lög-
legan útivistunartíma, önnur en heimflutningur, er
bönnuð að viðlagðri ábyrgð þess, er þjónustu veitir.
Handhöfum þjónustuleyfa er skylt að fylgjast með því,
að ákvæði þessi séu haldin.
Ungmennum yngri en 16 ára er óheimill aðgangur
að dvöl á almennum dansleikjum eftir kl. 20, öðrum
en sérstökum unglingaskemmtunum, sem haldnar eru
af skólum, æskulýðsfélögum eða öðrum aðilum, sem til
þess hafa leyfi og háðar eru sérstöku eftirliti. For-
stöðumönnum dansieikja er skylt að fylgjast með því
að ákvæði þessi séu haldin, að viðlögðum sektum og
eða missi leyfis til veitingahalds eða skemmtanahalds
um lengri eða skemmri tíma.
Þeir sem hafa forsjá eða foreldraráð barna og ung-
menna skulu að viðlögðum sektum gæta þess, að ákvæði
þessi séu ekki brotin. Þá má einnig beita sakhæf ung-
menni viðurlögum fyrir brot á þessum ákvæðum.
Barnaverndarnefnd ísafjarðar
(Útdráttur úr 44. gr. reglugerðar um vernd barna og
ungmenna nr. 45/1970)
fifð/ið verslun yðar
um vörur frá:
Efnagerðinni F L Ó R U
Brauðgerð K E A
Kjötiðnaðarstöð K E A
Smjörlíkisgerð K E A
Reykhúsi K E A
Efnaverksmiðjunni S J ö F N
Kaffibrennslu Akureyrar
SENDUM beint til verzlana, gistihúsa
og matarfélaga.
FLJÓT og ÖRUGG afgreiðsla.
VERKSMIÐJUAFGREIÐSLA
AKUREYRI — SÍMI: (96)21400