Ísfirðingur - 23.04.1980, Blaðsíða 1

__________BLAÐ TRAMSÓKNAKMANNA / MSTFMRMMÖM&V
30. árg. ísafjörður, 23. apríl 1980 7 . tbl.
Kristján Jóhannsson, viðskiptafræðingur:
Fyrirsögnin og spurningamerkið
Opið bréf tilGuðmundar H. Ingólfssonar
Vorkoma
Úr gilsfjarðabotnum að bjargtöngum út
fer blærinn á vordagsins morgni,
og lófanum strýkur um straumnes og djúp,
um strandir, frá bitrum að horni.
Þá gróa þau kalsár er veturinn veitti,
og vakna í moldinni langsofin fræ,
en hesteyrar, kúvíkur, kirkjuból, auðnir
þar koma í Ijós, undan hjaðnandi snæ.
Eysteinn G. Gíslason
(í vísunni ritar höfundur staða-
nöfnin með litlum stöfum. til að
gefa þeim táknrænan svip.)
Ritstj.
Ágæti Guðmundur.
Við síðari umræ'ðu um
fjárhagsáætlun ísafjarðar-
kaupstaðar fyrir árið 1980.
sem fram fór í bæjarstjórn
10. apríl síðastliðinn, lýstir
þú fjálglega hneykslun
þinni á því að Framsóknar-
flokkurinn skyldi birta í
blaðinu ísftrðingi, greinar-
gerð sína um frumvarp og
Kristján Jóhannsson
fjárhagsáætlun og dreifa
henni í þokkabót um land
allt undir fyrirsögninni
„Marklaust plagg“.
Að sjálfsögðu dreg ég ekki
í efa þá fullyrðingu þína, að
ísfirðingur sé útbreitt blað
meðal landsmanna og mark
sé tekið á því, sem þar er
skrifað. Aftur á móti veit ég
ekki hvernig þér getur dott-
ið í hug að grein mín, sem
birtist fyrir nokkru hér í
blaðinu undir áðurnefndri
fyrirsögn, haft verið greinar-
gerð Framsóknarflokksins
um frumvarpið. Þar að auki
vil ég vekja athygli þína á
einu atriði og það er að
fyrirsögninni fylgdi spurn-
ingamerki, sem breytir
merkingunni að sjálfsögðu
mikið. Greinin bvggðist að
miklu leyti upp á vangavelt-
um um hvort frumvarpið'
væri raunhæft eða hvort það
margir óvissir þættir leynd-
ust í því að búast mætti við,
að það þyrfti fljótlega end-
urskoðunar við.
Af gefnu tilefni og sér-
staklega vegna þess að þú
virðist ekki hafa lesið áður-
nefnda grein mína, heldur
einungis fyrirsögnina og
hana þó tæplega til enda,
vil ég benda þér á nokkur
atriði í þessu sambandi.
Tökum sem dæmi fyrir-
hugaðar framkvæmdir við
bundið slitlag hér á kom-
andi sumri. Fjárhagsáætlun
gerir ráð fyrir að til þessara
framkvæmda verði varið á
annað hundrað milljónum
króna á þessu ári. Nú spyr
ég: Verður þetta fram-
kvæmanlegt nú í sumar?
Svarið við þessari spurningu
veit enginn með nokkurri
vissu nú og ástæður þess eru
ýmsar. I fyrsta lagi er það að
nefna, að framtíð Olíumalar
h.f. er í mikilli óvissu ennþá
og engin trygging fvrir því
að það fvrirtæki starfi á
þessu ári. Önnur fyrirtæki
hafa ekki yfir að ráða tækj-
um til þessa verkefnis. I
öðru lagi má benda á í
þessu sambandi að enn hef-
ur ekki verið hugað að öflun
malarefnis fyrir þessa fyrir-
huguðu slitlagsframkvæmd.
í þriðja lagi er til að nefna
að enginn veit enn hversu
háar skaðabætur Orkubús.
Vestfjarða, vegna fjar-
varmaveituframkvæmda,
verða. Um það atriði hefur
ekki verið samið ennþá.
Framkvæmdir þcssar
verða að hefjast í júlí og það
eru því tveir til þrír mánuð-
ir til stefnu og málin í þetta
mikilli óvissu. Það þarf ör-
ugglega ekki mikið að koma
til þannig að meiriháttar
raskanir verði á þessum fyr-
irhuguðu framkýæmdum.
Meirihluti bæjarstjórnar
viðurkennir að mikil óvissa
er í þessum málum, því að
lýst var yfir að fyrirhugað
væri að verja 65 milljónum
króna til viðhalds malbik-
aðra gatna, en afgangurinn
færi í nýjar götur. Jafnframt
var skýrt tekið fram að hér
væri um ágiskanir að ræða
og gætu þessar tölur tekið
breytingum.
Við getum einnig tekið
dæmi um fleiri mál, til
dæmis framlög ríkissjóðs til
sameiginlegra framkvæmda.
Þótt búið væri að afgreiða
fjárlög þegar fjárhagsáætlun
bæjarsjóðs var afgreidd.
höfðu ekki borist enn hing-
að vestur upplýsingar um
þessi framlög ríkissjóðs.
Fjárhagsáætlunin var því
afgrcidd án þess að hægt
væri að athuga samræmið á
milli hcnnar og fjárlaga
varðandi ríkisframlögin.
Ég hcf hér á undan bent
þér á nokkur dæmi þess að
líklegt sé að endurskoða
þurfi stóra liði í fjárhagsá-
ætluninni. áður en aðal-
framkvæmdatímabilið
hefst. Þetta var kjarninn í
títtnefndri grein minni hér í
blaðinu 21. mars síðastlið-
inn, og var ástæðan fyrir því
að ég valdi þessa umtöluðu
fyrirsögn.
Eftir að þú viðhafðir þau
ummæli, sem ég vitnaði til
hér í upphafi bréfsins, átti
ég ekki vona á því að þú
tækir undir ábendingar
þær, sem fólust í fyrirsögn-
inni. Ég hélt að hnevkslun
þín risti dýpra en það. En
maður skvldi aldrei segja
aldrei, því undir lok um-
ræðnanna um frumvarp að
fjárhagsáætluninni fluttir
þú breytingartillögu (við til-
lögu Guðmundar Sveinsson-
ar), sem hljóðar þannig:
„Bæjarstjórn felur bæjarráði
að endurskoða fjárhagsáætl-
un ársins þegar fullnægj-
andi upplýsingar um tekju-
stofna bæjarsjóðs, um fram-
lög frá ríkissjóði og fram-
kvæmdagetu * bæjarsjóðs í
veigamestu málum liggur
fyrir.“
Ég sé ekki betur en, að
með flutningi þessarar til-
lögu, viðurkennir þú, að nú
frekar en oft áður sé sérstök
nauðsyn á því að fjárhagsá-
ætlunin verði endurskoðuð
þegar málin skýrist betur.
Það er ánægjulegt til þess að
vita að fyrirsögnin „Mark-
laust plagg?“ skuli hafa vak-
ið þig til umhugsunar um
þessi mál.
ísafirði 16. apríl 1980
Kristján Jóhannsson
Aðalfundur
miðstjórnar
Aðalfundur miðstjórnar
Framsóknarflokksins verður
haldinn í samkomusal Hót-
els Heklu í Reykjavík 25.-27.
apríl n.k. Fundurinn hefst
föstudaginn 25. april kl.
13.30 með yfirlitsræðu for-
manns flokksins og skýrslum
ritara og gjaldkera.
Dagskrá fundarins verður
með hefðbundnum hætti,
en orkumál verða tekin til
ítarlegrar umfjöllunar. Guð-
mundur G. Þórarinsson hef-
ur framsögu um orkumálin.
Á laugardag fara fram kosn-
ingar, svo sem formanr.s,
varaformanns, ritara og
gjaldkera.
Miðstjórnarmenn eru
beðnir að láta flokksskrif-
stofuna (sími 24480) vita
sem allra fyrst hvort þeir
geti mætt á fundinum, svo
unnt sé að boða varamenn,
ef forföll verða.
Tónleikar Önnu Júlíönu Sveinsdóttir
og Láru Rafnsdóttir
Anna Júlíana Sveinsdóttir
Síðastliðið föstudagskvöld
efndu þær Anna Júlíana
Sveinsdóttir, mezzósópran
og Lára Rafnsdóttir píanó-
leikari til ljóða og aríutón-
lcika í Alþýðuhúsinu á Isa-
firði, á vegum Tónlistarfé-
lags ísafjarðar.
Ég fullyrði hiklaust að
hér var á ferðinni stórmerk-
ur listaviðburður, sem því
miður allt of fáir urðu að-
Lára Rafnsdóttir
njótandi.
Anna Júlíana Sveinsdótt-
ir er hámenntuð söngkona
og hefur þegar náð ótrúleg-
um þroska í list sinni. Túlk-
unarhæfileikar hennar
komu skýrt fram og sjaldan
hafa tónleikagestir orðið
vitni að annari eins innlifun
og hjá þessari frábæru lista-
konu, sem þegar hefur
skipað sér á bekk meðal okk-
fremstu listamanna.
Undirleikur Láru Rafns-
dóttur var í fullu samræmi
við þennan stórkostlega
söng, en slíkur undirleikur
er aðeins á færi mjög agaðra
listamanna.
Jafngott samræmi og var
milli þessara tveggja flytj-
enda er fáheyrt.
Efnisskráin var fjölbreytt
og smekkleg, fyrir hlé söng
hún lög eftir Sigvalda
Kaldalóns, Jóhannes
Brahms og Hugo Wolf en
eftir hlé lög eftir Richard
Strauss, Mozart og Verdi.
Hafi þessir ágætu lista-
menn og þeir sem að þess-
um tónleikum stóðu kæra
þökk fyrir að okkur gafst
tækifæri til að hrífast af
flutningi fagurra verka, svo
ágætum sem hér um ræðir.
Jafnframt vildi ég mega
óska hinum ungu listakon-
um áframhaldandi sigra á
listabrautinni.
Kj. Sig.