Monitor - 02.09.2010, Side 9

G
U
Ð
J
Ó
N
D
A
V
ÍÐ
K
A
R
L
S
S
O
N
Guðjón Davíð Karlsson, sem ævinlega er nefndur
Gói, hefur átt viðburðaríkt ár. Nú á föstudag hefjast
sýningar á hinni geysivinsælu leiksýningu Gauragangi
að nýju eftir sumarfrí, en þar fer hann með hlutverk
aðalpersónunnar Orms Óðinssonar. Viku síðar
verður kvikmyndin Algjör Sveppi og dularfulla
hótelherbergið frumsýnd, en þar er um að ræða fyrstu
íslensku þrívíddarmyndina og fer Gói með eitt af
aðalhlutverkunum. Þá hefur hann tekið að sér að stýra
skemmtiþættinum Hringekjan, sem sýndur verður í
Sjónvarpinu á laugardagskvöldum í vetur, og fer fyrsti
þátturinn í loftið eftir réttan mánuð. Gói er þó fyrst og
síðast fjölskyldumaður og eyðir naumt skömmtuðum
frítíma með eiginkonu sinni og ungum syni.
Gói útskrifaðist sem leikari frá Listaháskóla Íslands
árið 2005, starfaði þrjú ár hjá Leikfélagi Akureyrar og
hefur síðan verið í Borgarleikhúsinu. Hingað til hefur
varla verið skrifað um Góa án þess að minnast á þá
staðreynd að hann er sonur biskups Íslands, Karls
Sigurbjörnssonar, og þar af leiðandi barnabarn annars
fyrrum biskups, Sigurbjörns Einarssonar. Miðað við sigra
Góa að undanförnu er þó stutt í að taflið snúist við og
menn faria að tala um biskupinn sem pabba leikarans.
Hversu líklegt fannst þér að ég myndi byrja viðtalið
á því að spyrja þig hvort þú ætlaðir aldrei að verða
prestur eins og pabbi þinn og afi?
Ég taldi yfirgnæfandi líkur á að sú spurning myndi
poppa upp. Það er kannski ekkert skrýtið að ég fái alltaf
þessa spurningu, en henni hefur auðvitað verið svarað
óvenju oft. Ég hafði samt trú á Monitor og hugsaði með
mér: „Ætli þetta verði fyrsta viðtalið sem ég verð ekki
spurður? Það skyldi þó ekki verða.“
Voru gömlu mennirnir aldrei að pressa á þig að feta
þeirra braut?
Nei, það var aldrei nein pressa á mig. Ég ákvað líka svo
snemma að verða leikari, ég var örugglega fimm ára og
fjölskyldan bara studdi mig í því. Ég held að þau hafi
játað sig sigruð strax, enda kom ekkert annað til greina
hjá mér.
Þetta eru kannski ekki svo ólík störf, presturinn og
leikarinn. Báðir þurfa að koma fram, tala til fólks og
reyna að kalla fram einhverjar tilfinningar.
Einmitt, þetta er mjög líkt. Helsti munurinn er sá að ég
losna við að skrifa leikritin á meðan þeir þurfa alltaf að
skrifa ræðurnar sínar. Ég fæ þetta bara tilbúið. Að vera
leikari er prestsstarf fyrir þá sem eru latir.
Þú ert búinn að taka að þér að stýra þættinum sem
kemur í stað Spaugstofunnar í Sjónvarpinu. Hvað
erum við að tala um?
Þetta verður skemmtiþáttur strax á eftir fréttum
á laugardagskvöldum. Fyrsti þátturinn fer í loftið 2.
október. Þetta á að vera „alls konar“ þáttur, ef svo má
að orði komast. Við ætlum að heimsækja landsbyggðina
- Katla Margrét Þorgeirsdóttir leikkona er með mér í
þessu og ætlar að vera dugleg að fara út á land. Við
ætlum að leita að hæfileikaríkasta Íslendingnum.
Við verðum líka með grínatriði sem við erum á fullu
að skrifa núna og Ari Eldjárn verður með uppistand
í hverjum þætti. Svo verða auðvitað viðtöl og spjall.
Markmiðið er fyrst og fremst að gera sprúðlandi
skemmtilegan þátt. Engir stælar og engin tilgerð, bara
skemmtilegt laugardagskvöld.
Þátturinn hefur fengið nafnið Hringekjan. Hefði ekki
verið betra að nota nafnið Guðsstofan, svona í ljósi
nafns þíns, bakgrunns og þeirrar staðreyndar að þú
ert að taka við slottinu af Spaugstofunni?
Guðsstofan? Heyrðu já, ég ætla að hugsa þetta. Þú
tékkar svo bara á Textavarpinu hvort nafnið varð
fyrir valinu. (Þetta svar fær 9 kaldhæðnisstig af 10
mögulegum.)
Markhópur Spaugstofunnar var kannski frekar í eldri
kantinum en yngri. Fyrir hverja verður Hringekjan?
Þetta er þannig tími að ég held að þetta verði að höfða
til allra, þannig að við erum að leggja upp með að amma
og afi geti horft á þetta með barnabörnunum og allir þar
á milli. Svo bara vonar maður að það heppnist.
Gauragangur er að fara aftur af stað. Þegar leikritið
var frumsýnt síðasta vetur talaðir þú um að það væri
pressa að leika sama hlutverk og Ingvar E. Sigurðsson
gerði upphaflega. Er Ingvar búinn að sjá leikritið?
Já, það var pressa að fara að leika sama hlutverk og
hann gjörsamlega tók í nefið. Ég sá sýninguna með
honum fimm sinnum og fannst hann alveg geðveikur.
En Ingvar mætti á frumsýninguna okkar og hann var
bara voðalega ánægður. Það var mjög uppörvandi að
tala við hann. Hann er náttúrulega svo yndislega kurteis
og ljúfur maður og laus við allan hroka. Hann er ekki
beint týpan sem myndi segja: „Gói hvað er að þér? Ertu
fáviti að klúðra þessu hlutverki?“
Það er góð smokkasena í Gauragangi...
Það er sena þar sem ég skít smokk út í sal og hún
hefur verið svolítið skrautleg. Smokkurinn hefur bæði
lent í andlitinu á gamalli konu og svo hefur hann lent
í andlitinu á barni. Ég veit hreinlega ekki hvort er verra.
En ég get með engu móti stjórnað því hvert smokkurinn
fer og sé náttúrulega ekkert út í sal.
Þú ert nýbúinn að leika í kvikmyndinni Algjör Sveppi
og dularfulla hótelherbergið. Áttu einhverja góða sögu
frá upptökunum?
Myndin er náttúrulega ekki tekin upp í réttri tímaröð
og maður er svolítið að flakka um í tíma. Einn daginn
kom Bragi (Þór Hinriksson, leikstjóri) alveg sveittur
eftir að hafa verið að skoða upptökurnar, því þá var
alveg mismunandi hvort Sveppi var í úlpu eða ekki
í ákveðnu atriði. Sveppi er svo mikill snillingur að
hann kom bara með lausnina á þessu. Hann lét Braga
stilla upp myndavélinni og sagði Villa að koma og ýta
honum á einhverju þríhjóli. Atriðið byrjaði þar sem
hann var í úlpunni, en síðan reif hann sig úr henni og
henti henni frá sér. Svo var bara hægt að bæta þessari
senu við þegar hann var ekki í úlpunni og það þurfti
ekkert að hugsa meira um það. Þetta var eitt af mörgum
skemmtilegum atvikum sem komu upp. Það var
ótrúlega gaman að gera þessa mynd og endalaust stuð
við upptökurnar.
Hvaðan kemur Góa-nafnið?
Þetta er eiginlega komið frá systur minni. Ég veit ekki
hvort það var af því að hún gat ekki sagt Guðjón, en
hún allavega byrjaði á þessu. Það bara festist við mig
og ég er alltaf kallaður Gói. Meira að segja í skóla var ég
lesinn upp sem Gói. Þetta nafn var nýlega samþykkt hjá
Mannanafnanefnd. Það hringdi einhver blaðamaður í
mig af því tilefni, en þá voru margir sem misskildu þetta
eitthvað og héldu að ég hefði beðið um að láta breyta
nafninu mínu í Gói. Það er nú ekki ætlunin.
Gói er líklega betra viðurnefni en Gaui Dabbi?
Miklu betra. Gaui Dabbi væri alls ekki gott.
Er ekki tímaspursmál hvenær sælgætisgerðin Góa
biður þig um að vera andlit í herferð hjá sér?
Um hverja einustu páska bíð ég eftir símtalinu. Ég gæti
jafnvel verið fígúra ofan á páskaeggjunum þeirra. Það
væri draumur.
Góa fyrir Góa?
Já. Þeir hljóta að minnsta kosti að fara að markaðssetja
Góa-rúsínur með mynd af mér á umbúðunum.
Hvernig týpa varstu þegar þú varst yngri?
Ég var rosalega venjulegur og örugglega nettur lúði.
Ég hafði mikinn áhuga á leiklist og þegar ég var 10 ára
tók ég upp á því sjálfur að kaupa mér áskriftarkort í
Þjóðleikhúsið og Borgarleikhúsið. Ég mætti jafnvel einn
á sýningar og fannst alltaf gaman. Sýningar sem öllum
fannst leiðinlegar, meira að segja fólkinu sem lék í
þeim, fannst mér bara skemmtilegar. Ég elskaði að fara
í leikhús. Þannig að ég held að ég myndi alveg flokkast
sem lúði, en það er bara gott.
Voru menn eitthvað að bögga þig út af þessu?
Ég var einu sinni laminn í unglingavinnunni fyrir
að vera að hlusta á Ríkisútvarpið. Ég átti stafrænt
vasaútvarp sem sýndi stórum stöfum hvaða
útvarpsstöð maður var að hlusta á. Þannig
að það stóð bara RÚV1 á vasaútvarpinu og
ég var alveg úthrópaður fyrir það að
Texti: Björn Bragi Arnarsson bjornbragi@monitor.is
Myndir: Ernir Eyjólfsson ernir@mbl.is
Gói leikur aðalhlutverkið í einni vinsælustu leiksýningu landsins, fer með
stórt hlutverk í fyrstu íslensku 3D-myndinni og hefur tekið að sér að stýra
skemmtiþættinum sem tekur við af Spaugstofunni í vetur. Geri aðrir betur!
HRAÐASPURNINGAR
Besta leikrit allra tíma? Gauragangur.
Draumahlutverkið? Ormur Óðinsson.
(Gói fær strax tvö refsistig fyrir
ofurplögg.)
Uppáhaldsgosdrykkur sem hætt
er að selja á Íslandi? Póló
Uppáhaldsútrásarvíkingur?
Þessi er erfið. Íþróttaálfurinn.
Uppáhaldspersóna í Biblíunni? Davíð
úr sögunni um Davíð og Golíat.
Það sjúkasta sem þú hefur séð á
netinu? Það sem mér finnst sjúkast
eru Facebook-pör sem eru alltaf að tala
saman í gegnum Facebook. Maður sér
að þau eru saman í sitt hvorri tölvunni
að „læka“ hjá hvort öðru. Bloggarar finnst mér líka sjúkir. Ég
hata bloggara.
Hvaða bíómynd sástu síðast? The Blind Side með Söndru
Bullock. Mér fannst hún alveg ógeðslega væmin.
Edward eða Jacob? Ég veit ekkert um Twilight-myndirnar,
en ég segi Edward.
Uppáhaldsstaður á jörðinni? Ísland eins og það leggur sig.
n fyrir að hlusta á
9FIMMTUDAGUR 2. SEPTEMBER 2010 Monitor
útvarpsleikhúsið
í unglingavinnunni
Sýningar sem öllum
fannst leiðinlegar,
meira að segja fólkinu sem
lék í þeim, fannst mér bara
skemmtilegar.