Monitor - 07.07.2011, Blaðsíða 10
10 Monitor FIMMTUDAGUR 7. JÚLÍ 2011
ekki af hverju ég geri þetta, þetta hefur kannski eitthvað
með það að gera að ég er ofvirkur með athyglisbrest. Þá
á maður það til að fá svona dellur og fá ofureinbeitingu
í ákveðnum hlut í ákveðinn tíma en svo bara hendir
maður því í burtu. Ég hef til dæmis ekki kafað núna í
níu ár.
Þú ert sem sagt greindur ofvirkur með athyglisbrest?
Árið 2004, þegar ég var tuttugu og níu ára gamall, þá
var ég að vinna með einum vini mínum sem er ofvirkur
og hann pantaði fyrir mig tíma hjá sálfræðingi án þess
að segja mér frá því. Í gegnum sína eigin reynslu sá
hann strax hvað var í gangi hjá mér. Síðan sendi hann
mig til sálfræðingsins og eftir eins og hálfs klukkutíma
samtal þá er mér sagt að þetta sé borðleggjandi, að ég sé
ofvirkur með athyglisbrest og þurfi á rítalíni að halda. Ég
fór út í apótek og tók svo mína fyrstu rítalíntöflu og sótti
síðan konuna mína í vinnuna. Vinur minn hafði þá sagt
henni frá þessu svo hún spurði hvernig hefði gengið. Ég
fór þá að segja henni frá fundinum með sálfræðingnum
og hvernig allt hefði nú gengið fyrir sig. Eftir svona tíu
mínútur, korter þá stoppar hún mig og segir: „Matti,
gerir þú þér grein fyrir því að þetta er lengsta samtal
sem við höfum átt síðan við byrjuðum saman?“
Hvað er það skemmtilegasta sem þú gerir fyrir utan
tónlistina?
Það er að fara með strákana mína á fótboltaæfingar
og fylgjast með þeim í því sem þeir eru að gera. Þeir
komast ekki upp með neitt rugl, þeir eru hýddir áfram
(hlær). Ég legg metnað í að þeir standi sig í því sem þeir
eru að gera. Þeir eru í fótbolta, golfi og píanó.
Eigum við eftir að sjá hljómsveitina The Matthíasson
Brothers, samanber Jackson 5, í framtíðinni?
Það kæmi mér ekkert á óvart því það er gríðarleg
músík í þessum strákum. Ég á reyndar einn sem er bara
níu mánaða en þeir eldri, sem eru sex og níu ára, þeir
syngja svo fallega og eru svo klárir á hljóðfæri að þeir
eiga það til að græta karlinn.
Ef þú kæmir til með að eignast eitt barn í viðbót sem
væri stelpa. Kæmi til greina að skíra hana Völu?
Nei, það held ég ekki. Það er ekki af því að ég hef
eitthvað á móti Völu Matt, hún er yndisleg. Þetta er bara
sama ástæða og fyrir því að ég skírði engan strákanna
Pálma.
HRAÐASPURNINGAR
Fyrstu sex: 240975
Uppáhaldsstaður í heiminum:
Heimilið mitt.
Uppáhaldsmatur: Sushi og rjúpur.
Uppáhaldstónlistarmaður: Freddie
Mercury.
Uppáhalds Pink Floyd-lag: The Trial af Wall-plötunni.