Austri - 30.01.1981, Blaðsíða 4

4
AUSTRI
Egilsstöðum, 30. janúar 1981.
Símamálin
Tvœr Mnr frd iistfirðinp
Undanfarið hefur Austri ver-
ið að forvitnast um ýmsa þætti
framkvæmda hins opinbera og
fyrirtækja þess á árinu 1981, og
nýlega sneri blaðið sér til Reyn-
is Sigurþórssonar umdæmis-
stjóra Pósts og síma á Austur-
landi og rabbaði við hann um
framkvæmdir í símamálum á
næsta ári.
Reynir sagði að heildarfjár-
festingaráætlun stofnunarinnar
fyrir 1981 hljóðaði upp á 99
milljónir nýkróna, var á fjár-
lögum skorin niður í 54 mill-
jónir og munar um minna, þar
fóru m.a. nær allar áætlanir um
sjálfvæðingu í sveitum og þar
með Hjaltastaða- og Tungu-
hreppur.
Niðurskurður á áætlunum
stofnunarinnar væri árviss en
þessi mikli niðurskurður nú
kom á óvart því spurst hafði að
nú ætti að gera átak í sjálfvæð-
ingu sveita og talað um 6 ára
áætlun til að gera þá liðlega
3000 síma sjálfvirka sem enn
eru handvirkir og til ætti að
koma sérstök fjárveiting til
þessara framkvæmda en hing-
að til hefur stofnunin fjármagn-
að allar sínar framkvæmdir af
eigin fé og í stað aðstoðar frá
ríkinu, í línuleiðir milli lands-
hluta og sjálfvæðingu sveita svo
að eitthvað sé nefnt, hefur
stofnunin orðið að greiða ríkis-
sjóði yfir 130% í tollum, vöru-
gjaldi og söluskatti á allt að-
keypt símaefni nema strengi en
ofangreind gjöld eru þó vel yf-
ir 100% á þá. Enda hefur farið
svo að þó að sú tala sem stofn-
unin vill framkvæma fyrir sé
árlega skorin niður, hefur
sjaldnast tekist að ljúka þeim
framkvæmdum sem eftir standa
því að ekki hafa fengist gjald-
skrárhækkanir til að standa
undir þeim og ekki hefur verið
í önnur hús að venda.
— Hvað er á döfirmi hér
eystra á næsta ári.
Þá er fyrst að nefna eftir-
hreytur frá s.l. ári. Þessa dag-
ana er verið að ljúka við að
gera alla síma í Bakkafirði
sjálfvirka og koma þeim not-
endum ásamt Vopnafjarðarnot-
endum inn á örbylgjukerfið á
Viðarfjalli til Egilsstaða en nú
er notast við brokkgenga loft-
línu yfir Hellisheiði.
I Hofshreppi í A-Skaftafells-
sýslu verða liðlega 30 símar
gerðir sjálfvirkir í mars-apríl.
Þar er jarðvinnslu lokið og
tækjahús tilbúið en staðið hefur
á fjölsímum sem eru um það
bil að koma til landsins, upp-
setning hefst þegar lokið hefur
verið við Vopnafjarðar/Bakka-
f j arðarsambandið.
Á þessu ári verða þrjár sjálf-
virkar símstöðvar stækkaðar
um 100 númer hver, þær eru í
Neskaupstað en þar er vinna
hafin og tekur um það bil viku,
á Stöðvarfirði og á Fáskrúðs-
firði. Þá er áætlað að endurbæta
línukerfi í bæjum og kauptún-
um fyrir 450 þúsund nýkrónur
og búinn heilagur.
Það er að segja að allar líkur
eru á að ekki hefði verið meira
að gert ef ekki hefði komið til
lagning háspennulínu úr Skrið-
dal til Hafnar sem gerir það að
verkum að nauðsynlegt verður
að ráðast í að loka örbylgju-
hringnum milii Hafnar og Fá-
skrúðsfjarðar því að þær síma-
línur sem nú eru í notkun á
þessum svæðum verða mikið til
ónothæfar er háspennulínan
verður tekin í notkun. Þetta er
geysimikil og dýr framkvæmd,
mun kosta um 15 milljónir ný-
króna, en hún mun væntanlega
koma mörgum að gagni að sjálf-
sögðu mest þeim sem á svæðinu
búa en einnig verður þetta vara-
leið ef norðursambandið bilar
hvort sem það yrði nú milli
Reyðarfjarðar og Egilsstaða
eða vestan Akureyrar svo að
dæmi séu nefnd. Fjórar höfuð-
stöðvar verða reistar fyrir
Austurlandsörbylgjuna og verða
þær á Hafnarnesi, Streiti, Hval-
nesi og Stokksnesi og stefnt er
að því að sjálfvæða Lónið,
Álftafjörð og Hamarsfjörð í
beinu framhaldi af uppsetningu
örbylgjunnar.
Nú eru blessuð jólin liðin og
bókaflóð þeirra gengið yfir. Ut-
fallið er rétti tíminn til að íhuga
hvað síst má vanta í bókaskáp-
inn.
Austfirðingar hafa skrifað
talsvert á undanförnum árum
og um austfirsk efni. Og ég vil
einmitt, með örfáum línum
vekja athygli lesenda Austra á
tveimur slíkum bókum, sem út
komu núna fyrir þessi jól. Ég
eignaðist þær báðar og las mér
til óblandinnar ánægju — og
varð margs vísari.
ÆVIÞÆTTIR AUSTFIRÐ-
INGS
Eiríkur Sigurðsson, fyrrum
skólastjóri á Akureyri gerði þá
bók. Hann andaðist rétt í þann
mund sem bókin kom á markað-
inn.
Heiti bókarinnar er réttnefni.
Hún er ekki ævisaga í venju-
legri merkingu eins og höfund-
ur segir réttilega í formálsorð-
um. En þættirnir gefa býsna
glögga innsýn í líf og starf Ei-
ríks, ekki síst á fyrri hluta æv-
innar. Með því að ekki er rak-
inn samfelldur æviþráður gef-
ast betri tækifæri að gera skil
eftinninnilegum atburðum, um-
hverfi, viðfangsefni og sam-
ferðafólki.
Méf þykja þessir þættir yfir-
leitt bráðskemmtilegir. Og fróð-
legir eru þeir fyrir þá sem eft-
ir standa og þá ekki síst fyrir
okkur Austfirðingana.
Ég hika ekki við að segja það
sálubót hverjum venjulegum
manni að kynnast Eiríki — ell-
egar rifja upp kynnin hafi menn
þegar þekkt hann. Maðurinn
hefir verið eljusamur með af-
brigðum, gegnt umfangsmiklu
skólastarfi, ritað fjölda bóka og
verið óþreytandi félagsmála-
maður. Og það sem mestu skipt-
ir: viðfangsefni hans og við-
horf hafa ætíð verið jákvæð og
holl og ríkur skilningur og mildi
ganga eins og rauður þráður í
gegnum umfjöllun hans á sam-
tímafólki og atburðum.
Eiríkur hafði áður sent frá
sér bækur um austfirsk efni:
Undir Búlandstindi, Af Sjónar-
hrauni og Af Héraði og fjörð-
um að ógleymdri bókinni um
austfirska snillinginn Ríkharð
Jónsson, Með oddi og egg.
TÖFRAR LIÐINS TÍMA
Torfi Þorsteinsson bóndi í
Haga í Nesjum sendir okkur þá
bók, sem er hans fyrsta. Hann
birtir þar nítján frásöguþætti
um liðna tíð, flesta úr Austur-
Skaftafellssýslu.
Langt er síðan ég vissi til
þess að Torfi hafði stundum
stungið niður penna til að
bjarga frá glötun ýmsu því er
rekið hafði á fjörur hans. Nú sé
ég að hann hefir meira að gert í
þeim efnum en mig ugði.
Þessi fyrsta bók Torfa er ekki
einasta stórfróðleg heldur og
mjög aðgengileg til lestrar að
mínum dómi. En það kemur til
af því að frásagnir Torfa eru
allt í senn hlýlegar og hófsam-
legar en þó næsta litríkar og lif-
andi.
Ég vona svo sannarlega að
hann Torfi í Haga eigi fleira í
fórum sínum og að honum gef-
ist auk þess í vaxandi mæli tóm
til þess að ausa meiru af þeim
brunni sem seint og raunar ald-
rei verður þurrausinn.
Báðar þær bækur, sem hér er
vakin athygli á eru að mér virð-
ist skemmtilega út gefnar. Bók
Torfa fylgir ítarleg nafnaskrá
og myndir prýða báðar. Skugg-
sjá í Hafnarfirði gefur út Ævi-
þætti Austfirðings en Setberg
Töfra liðins tíma.
Vilhjálmur Hjálmarsson.
Af hverju hrein ósannindi?
Ahhtun brqpdndnr BMrepps
nm orkumdl
Á fundi sem haldinn var í
hreppsnefnd Búðahrepps, 22.
janúar 1981, var eftirfarandi
bókun gerð.
„Hreppsnefnd Búðahrepps
tekur undir þær kröfur að
kostnaði við keyrslu dieselraf-
stöðva, til þess að halda uppi
eðlilegri rafmagnsframleiðslu í
landinu verði deilt jafnt niður
á alla rafmagnsnotendur og nú
þegar verði tekin ákvörðun um
virkjun í fjórðungnum.
Einnig skorar hreppsnefndin
á þingmenn kjördæmisins að
tryggja framgang þessara
mála.”
Umræður stjómarandstöð-
unnar, þ.e. talsmanna flokks-
brots Geirs Hallgrímssonar og
fyrrverandi Alþýðuflokks, hlýt-
ur að hafa vakið athygli og
undrun ailra hugsandi manna
að undanföi-nu.
Þegar eftir áramótin þrum-
aði þetta lið á móti efnahags-
ráðstöfunum ríkisstj órnarinnar
og taldi þær ganga of skammt
með tilliti til atvinnurekstrar og
hömlunar verðbólgu, og of langt
í kaupskerðingarátt. (Rétt eins
og kaupgjald kæmi atvinnu-
rekstri ekkert við). Því hefur
verið blákalt haldið fram, í
þessu sambandi, að ríkisstjórn-
in hafi tekið aftur kauphækkan-
ir, sem samið var um á síðasta
ári, þvert ofan í allar staðreynd-
ir. Það, sem ríkisstjómin ætlar
að krukka í kaupið okkar, er að
láta okkur ekki fá 7% vísitölu-
bætur þann 1. mars n.k., sem
við hefðum átt að fá, samkvæmt
gamalli vísitölureglu, í viðbót
við grunnkaupshækkun á s.l. ári
og í viðbót við vísitölubætur,
sem við fengum 1. des. s.l. og
fáum áfram.
Ríkisstjórnin hefur því alls
ekki rift kjarasamningunum frá
síðasta ári, þó að því hafi blá-
kalt verið haldið fram. I hæsta
framhald á bls 3