Morgunblaðið - 09.04.2010, Síða 2

2 FréttirINNLENT
MORGUNBLAÐIÐ FÖSTUDAGUR 9. APRÍL 2010
©
IL
V
A
Ís
la
n
d
20
10
einfaldlega betri kostur
lau. 10-18 sun. 12-18 mán. - fös. 11-18:30
ILVA kaffi: lau. 10-17 sun. 12-17 mán.-fös. 11-18
s: 522 4500 www.ILVA.is
Komdu og njóttu
góðra veitinga
Croissant og kaffi
kr. 590,-
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Ágúst Inga Jónsson
aij@mbl.is
Í UMSÖGN Bandaríkjamanna um málamiðl-
unartillögu, sem samin hefur verið af hópi tólf
aðildarríkja Alþjóðahvalveiðiráðsins (IWC) og
miðar að því að leysa ágreining milli fylgjenda
og andstæðinga hvalveiða, er sett fram sú
krafa að allar afurðir, sem falla til við hval-
veiðar, verði aðeins nýttar á heimamarkaði.
Tómas H. Heiðar, aðalfulltrúi Íslands í Al-
þjóðahvalveiðiráðinu, segir að sú afstaða
bandarískra stjórnvalda nú að setja bann við
milliríkjaverslun með hvalaafurðir sem skil-
yrði fyrir málamiðlun innan ráðsins veki furðu
og valdi miklum vonbrigðum. Hviki bandarísk
stjórnvöld ekki frá þessari afstöðu sinni sé
ljóst að samkomulag náist ekki.
Bandaríkjastjórn ítrekar í skjali, sem birt
er á heimasíðu Alþjóðahvalveiðiráðsins, að
hún sé andvíg hvalveiðum, bæði í atvinnu- og
vísindaskyni og muni ekki
fallast á málamiðlun innan
ráðsins, sem felur í sér að
hvalveiðibanni, sem staðið
hefur í 24 ár, verði aflétt.
Tilgangur tillögunnar er að
auka verndun hvala og
bæta stjórnun hvalveiða.
Hún gerir ráð fyrir tak-
mörkuðum hvalveiðum Jap-
ana, Norðmanna og Íslend-
inga á tíu ára gildistíma samkomulagsins.
Lokafundur tólf ríkja hópsins hefst í Wash-
ington á sunnudag. Auk Íslands eiga meðal
annars Bandaríkin, Ástralía, Nýja Sjáland,
Japan og Þýskaland og Svíþjóð fyrir hönd
Evrópusambandsins fulltrúa í hópnum. Ef
samkomulag næst þar verður niðurstaðan
lögð fyrir aðalfund Alþjóðahvalveiðiráðsins í
júní. Líkur hafa minnkað á að það takist með
þessari afstöðu Bandaríkjamanna og áður
hafa Ástralir gert ýmsar athugasemdir við til-
lögurnar.
Veiðar innan sjálfbærnimarka
„Við höfum unnið að því af fullum heilindum
í allan vetur í hópi 12 ríkja að ná málamiðl-
unarsamkomulagi innan Alþjóðahvalveiðiráðs-
ins sem myndi fela í sér í senn aukna verndun
hvala og bætta stjórnun hvalveiða á vettvangi
ráðsins,“ segir Tómas H. Heiðar. „Ávallt hefur
legið fyrir að slíkt samkomulag myndi fela í
sér hvalveiðar af hálfu þeirra ríkja sem stunda
slíkar veiðar í dag sem yrðu vel innan sjálf-
bærnimarka.
Önnur grundvallarforsenda hefur verið sú
að ekki væru settar skorður við milliríkja-
viðskiptum með hvalaafurðir í samræmi við
reglur þjóðaréttar og hefur Ísland sem út-
flutningsríki lagt mikla áherslu á þetta atriði
og öllum verið þessi forsenda ljós. Í þessu
sambandi ber og að hafa í huga að Alþjóða-
hvalveiðiráðið er ekki til þess bært að hafa af-
skipti af viðskiptum, enda falla þau ekki undir
valdsvið þess.
Við höfum unnið í góðri trú með Bandaríkj-
unum að gerð samkomulags og líkt og Ástralía
á dögunum leggja Bandaríkin nú fram tillögur
sem ganga þvert gegn fyrirliggjandi sam-
komulagsdrögum. Ef bandarísk stjórnvöld
hvika ekki frá þessari afstöðu sinni er alveg
ljóst að samkomulag næst ekki og lýsum við
fullri ábyrgð á hendur þeim, fari svo. Spurn-
ingin sem bandarísk stjórnvöld hljóta að velta
fyrir sér er hvort þau kjósa fremur að auka
verndun hvala, ná stjórn Alþjóðahvalveiði-
ráðsins á hvalveiðum í heiminum og ná sátt
milli fylgjenda og andstæðinga hvalveiða inn-
an ráðsins, eða lifa við núverandi ástand þar
sem ráðið hefur ekkert um aðrar hvalveiðar
en frumbyggjaveiðar að segja og er að liðast í
sundur vegna togstreitu milli hinna andstæðu
fylkinga,“ segir Tómas.
Sáttaferli um hvalveiðar í uppnámi
 Íslendingar hafna því að skorður verði settar við milliríkjaviðskiptum  Lýsa ábyrgð á hendur
Bandaríkjamönnum breytist afstaða þeirra ekki  Leggja fram tillögur þvert á fyrirliggjandi drög
Tómas H. Heiðar
LÝÐHEILSUFÉLAG læknanema veitti í gær
nemendafélaginu Komplex blóðgjafabikarinn,
farandbikar í tilefni blóðgjafamánaðar Háskóla
skólanemar svöruðu kallinu, en það voru fram-
haldsnemar í efna- og lífefnafræði sem voru
hvað ötulastir við blóðgjöfina í nafni Komplex.
Íslands í mars. Kveikjan að átakinu var hin
mikla þörf Blóðbankans fyrir nýja blóðgjafa,
sérstaklega úr hópi ungs fólks. Um 350 há-
BLÓÐGJAFABIKARINN VEITTUR Í HÍ
Morgunblaðið/Ómar
TILRAUNAAKSTUR breskra sjónvarpsmanna yfir ný-
runnið hraun á Fimmvörðuhálsi var aðeins gerður fyrir
myndavélarnar til að sýna áhorfendum Top Gear-
þáttanna hversu hættuleg umgengni við gosstöðvarnar er.
Emil Grímsson, stjórnarformaður Arctic Trucks, segir
að of mikið sé gert úr málinu, ekki hafi í reynd verið keyrt
yfir hraunið heldur aðeins framdekkjum bílsins ekið upp á
jaðarinn með ýtrustu varúð.
Umhverfisstofnun hefur hinsvegar óskað eftir því við
sýslumanninn á Hvolsvelli að hann rannsaki hvort stjórn-
endur Top Gear hafi brotið lög með akstri utan vega með
athæfinu. Umhverfisstofnun minnir á að með vorinu fari
frost úr jörðu á svæðinu og jarðvegurinn sé mjög við-
kvæmur fyrir umferð utan jökulsins.
Top Gear-hópurinn fór frá landinu í gær eftir u.þ.b. 30
klukkustunda viðdvöl á Suðurlandi. Að sögn Emils Gríms-
sonar náðist mikið af frábæru myndefni í ýmsum veðrum,
bæði af eldgosinu og landslagi Íslands. Hann segir að leið-
angurinn hafi verið afar vel undirbúinn eins og BBC eigi
vanda til og Bretarnir hafi verið sérstaklega ánægðir með
fagleg vinnubrögð Hjálparsveitar skáta í Kópavogi sem
Arctic Trucks óskuðu eftir að hafa í fylgdarliðinu. „Þeir
fóru héðan mjög sáttir og ánægðir með þá aðstoð sem þeir
fengu á Íslandi. Þetta verður mjög fín landkynning, það
eru 350 milljónir manna um allan heim sem horfa á þetta.“
Þátturinn verður sýndur í sumar. una@mbl.is
Óku upp á hraunið til að
sýna hættuna við gosið
Morgunblaðið/RAX
Hraunið Top Gear-menn óku upp á hraunið á bíl með
vatnskældum dekkjum til að ná krassandi myndum.
 Dagskrárgerð BBC við
gosið vekur blendin viðbrögð
LANDSBANKINN (NBI hf.) skil-
aði um 14,3 milljarða króna hagnaði
eftir skatta á fyrsta heila starfsári
sínu. Þetta kom fram í tilkynningu
frá bankanum, með birtingu árs-
reiknings fyrir 2009 í gær.
Arðsemi eigin fjár var 10% sem er
nokkru lægra en sá fjármagnskostn-
aður sem ríkið ber af hlutafjárfram-
lagi sínu til bankans. Á sama tíma
mældist ársverðbólga 8,63%. Vaxta-
munur af meðalstöðu heildareigna
var 2,1% á árinu.
Í árslok var eigið fé 157 milljarðar
króna, CAD-eiginfjárhlutfall 15% og
heildareignir 1.061 milljarður króna.
Innlán viðskiptavina námu 453 millj-
örðum króna en útlán til viðskipta-
vina námu 667 milljörðum í árslok
2009. Um fjórðungur útlána var til
sjávarútvegsfyrirtækja og ríflega
fjórðungur til einstaklinga.
Rekstrarkostnaður bankans af
reglulegri starfsemi nam 15,8 millj-
örðum króna. Laun og launatengd
gjöld voru 8,5 milljarðar króna. Í
árslok 2009 var 1.161 stöðugildi í
Landsbankanum. onundur@mbl.is
NBI hagn-
ast á fyrsta
starfsárinu