Morgunblaðið - 09.04.2010, Qupperneq 12

12 FréttirINNLENT
MORGUNBLAÐIÐ FÖSTUDAGUR 9. APRÍL 2010
Eftir Gunnhildi Örnu Gunnarsdóttur
gag@mbl.is
HRAFNISTA bauð ekki í rekstur
hjúkrunarheimilisins við Suðurlands-
braut þar sem forsvarmenn hennar
töldu þá upphæð sem ætluð væri til
rekstrar í útboðinu ekki duga til að
halda uppi þeim þjónustugæðum og
því faglega starfi sem Hrafnista held-
ur uppi á sínum heimilum.
Pétur Magnússon, forstjóri Hrafn-
istu, segir ákvörðunina hafa verið erf-
iða þar sem loka eigi hjúkrunar-
heimilunum á Vífilsstöðum og
Víðinesi og gert hafi verið sam-
komulag um að starfsfólk og heim-
ilisfólk þar hefði forgang að störfum
og rýmum á nýja heimilinu við Suður-
landsbraut.
Fundað var með starfsfólkinu, 150
manns, á þriðjudaginn. „Það er þung-
bært og leiðinlegt að kveðja þetta
góða starfsfólk,“ segir Pétur, en
veigamikil atriði í útboðinu hafi verið
óviðunandi.
Of lítið fé til rekstursins
Í greinargerð Hrafnistu um
ákvörðunina sem birt er á heimasíðu
hennar stendur að Hrafnista geti
ekki sætt sig við að greiðslur fyrir
þjónustu séu ekki hluti af útboðinu
heldur fyrirfram ákveðin krónutala.
„Gerðar eru auknar kröfur til þjón-
ustu og auk þess er rúmur þriðjungur
rýma heimilisins skilgreindur fyrir
sértæka þjónustu sem er dýrari, þ.e.
mannfrekari, en þjónusta fyrir al-
menn hjúkrunarrými. Fyrir þessa
sérstöku þjónustu er ekki greitt sér-
staklega þrátt fyrir að slíkt sé gert í
ákveðnum tilfellum annars staðar.“
Pétur segir að berist ekkert við-
unandi tilboð sé Hrafnista reiðubúin
til viðræðna um reksturinn, þó aðeins
á þeim forsendum sem nefndar séu
hér að framan. Pétur segir að rekstur
hjúkrunarheimila hafi ekki verið boð-
inn út með þessum hætti áður, en að-
eins Grund bauð í rekstur hjúkrunar-
heimilisins.
„Að aðeins einn bjóði í verkið er
áfellisdómur yfir þessu formi sem
ráðuneytið er þarna að prófa,“ segir
hann og vísar til félags- og trygginga-
málaráðuneytisins.
Haraldur Hrafn Guðmundsson,
verkefnisstjóri hjá Ríkiskaupum,
segir ástæðu þess að ákveðið var að
fara þá leið að festa krónutöluna við
þjónustuna þá að ekki hafi verið til
meira fé til verksins. Hann tjáir sig
ekki um það hvort dræm þátttaka í
útboðsverkefninu sé áfellisdómur yfir
því.
Pétur tekur ekki afstöðu til tilboðs
Grundar. „En við ætlum okkur ekki
að búa til annars flokks hjúkrunar-
heimili. Telji aðrir sig geta veitt nógu
góða þjónustu fyrir þennan pening þá
gera þeir það. Við óskum þeim vel-
farnaðar,“ segir hann.
Hrafnista hætti við
 Hrafnista bauð ekki í rekstur hjúkrunarheimilis á Suður-
landsbraut 66 þar sem hún vill ekki annars flokks heimili
Gísli Páll Pálsson, framkvæmdastjóri Grundar-Markarinnar, segir að með
hagkvæmum rekstri og samlegðaráhrifum heimilanna sem Grund rekur
takist að reka heimilið við Suðurlandsbraut 66 fyrir þá upphæð sem farið
hafi verið fram á: „Við keyptum fyrir skömmu íbúðabyggingarnar við hlið
hjúkrunarheimilisins, sem eru ætlaðar fólki sem er orðið sextugt og eldra,
og sjáum fyrir okkur að sem ein heild geti þetta orðið öruggur og skemmti-
legur staður að búa á.“ Stefnt sé að því að leysa mál starfsmannanna 150
sem vinni á Vífilsstöðum og Víðinesi á farsælan hátt verði tilboðinu tekið.
Grund vill reka svæðið sem heild
Morgunblaðið/Árni Sæberg
Frá Hrafnistuheimili Hrafnista bauð ekki í rekstur á nýju hjúkrunarheimili
við Suðurlandsbraut. Forstjórinn segir að forsvarsmennirnir hafi ekki
treyst sér til að reka fyrsta flokks heimili fyrir féð sem veita á í reksturinn.
Aðeins Grund bauð í rekstur
hjúkrunarheimilisins við Suður-
landsbraut 66. Búist var við því
að Hrafnista tæki þátt, þar sem
loka á tveimur heimilum hennar
og veita starfsfólki og vistmönn-
um forgang á nýja heimilið.
Eftir Björn Jóhann Björnsson
bjb@mbl.is
ÞÓRA Ágústsdóttir, ráðgjafi hjá
Eures, segir að fleiri fyrirspurnir en
áður berist um svonefnd E-303 vott-
orð, en með þeim flytja atvinnuleit-
endur atvinnuleysisbætur með sér
til annars EES-lands í allt að þrjá
mánuði á meðan atvinnuleit stendur
yfir. Alls voru 928 slík vottorð gefin
út hér á landi á síðasta ári, borið
saman við 278 árið áður. Fyrstu þrjá
mánuði ársins hafa 142 vottorð af
gerðinni E-303 verið gefin út, voru
218 eftir janúar til mars í fyrra.
Mest auglýst í Noregi
„Okkar tilfinning er sú að síst sé
að draga úr traffíkinni, á hverjum
degi fáum við fyrirspurnir um at-
vinnuleit erlendis, ýmist augliti til
auglitis eða í gegnum síma og tölvu-
póst,“ segir Þóra og bendir á að um
miðjan mars hafi Eures á Íslandi
haldið starfakynningu í samstarfi við
Norðmenn og aðsóknin hafi farið
fram úr björtustu vonum.
Flest þau störf sem auglýst hafa
verið gegnum Eures hafa komið frá
Noregi. Á vefnum eures.is eru nú
um 20 auglýsingar eftir störfum,
m.a. eftir læknum, hjúkrunarfræð-
ingum, verkfræðingum, rafvirkjum
og vinnufólki til sveita.
Það vottorð sem gefur besta vís-
bendingu um straum fólks úr land-
inu í atvinnuleit í Evrópu er E-301.
Það vottar að viðkomandi hafi verið
atvinnuleysistryggður á Íslandi og
með þurfa að fylgja vottorð frá
vinnuveitendum síðustu þriggja ára.
Alls voru yfir 3.300 slík vottorð
gefin út á síðasta ári, þúsund fleiri
en árið 2008 og tvö þúsund fleiri en
2007. Skömmu eftir bankahrunið
2008 jókst útgáfa E-301 vottorða hjá
Vinnumálastofnun verulega og þró-
unin hélst nokkuð stöðug allt síðasta
ár. Sé tekið mið af fyrstu þremur
mánuðum þessa árs virðist nokkuð
hafa dregið úr ásókninni í þessi vott-
orð. Frá janúar til mars sl. voru gef-
in út 334 vottorð, borið saman við
1.235 eftir sama tímabil í fyrra.
Pólverjar snúa heim
Samkvæmt yfirliti Vinnu-
málastofnunar um útgáfu E-301
vottorða eftir löndum þá hafa flestir
verið að fara til Póllands, líkast til
Pólverjar að snúa heim eftir vinnu
hér á landi. Til Póllands voru gefin
út ríflega 2.100 E-301 vottorð í fyrra
og 148 á fyrstu þremur mánuðum
ársins. Pólland sker sig nokkuð úr
en Norðurlöndin og Þýskaland koma
þar næst á eftir, miðað við útgefin
vottorð síðustu árin.
Enn sótt í
störf erlendis
Morgunblaðið/Kristinn
Atvinnuleit Enn er töluverð eftir-
spurn eftir störfum erlendis.
 Margir flytja atvinnuleysisbætur út
Annríki hjá Evrópsku vinnumiðl-
uninni, Eures, er ennþá töluvert
og mikið um fyrirspurnir frá fólki
í atvinnuleit. Þó hefur eitthvað
dregið úr útgáfu vottorða, sem
atvinnuleitendur þurfa að hafa
með sér héðan, miðað við 2009.
Útgefin vottorð Vinnumálastofnunar
E-303 vottorð til útlanda E-301 vottorð til útlanda
Heimild: Vinnumálastofnun
„Vinsælustu“ löndin
staðfesting á atvinnuleysistryggingu (E-301 vottorð) til Evrópulanda
2006 2007 2008 2009 2010
(jan-mars)
Pólland 50 798 1.684 2.146 148
Danmörk 112 77 74 158 30
Svíþjóð 143 82 94 130 33
Þýskaland 93 105 130 125 19
Noregur 12 9 17 119 37
2006 2007 2008 2009 2010
Allt árið
Jan.-mars
Allt árið
Jan.-mars
79
22
71
20
278
12
928
218
142
2006 2007 2008 2009 2010
494
79 180
1.208
2.318
1.011
3.318
1.235
334
Hvað er E-301 vottorð?
Ef einstaklingur ætlar í atvinnuleit í
öðru EES-landi er hægt að fá slíkt
vottorð um að hann hafi verið at-
vinnuleysistryggður á Íslandi. Skila
þarf vottorðinu til Vinnumálastofn-
unar ásamt vottorðum frá vinnuveit-
endum síðustu þriggja ára.
Hvað er E-303 vottorð?
Ef atvinnulaus einstaklingur ætlar í
atvinnuleit til EES-lands getur hann
fengið heimild til að halda atvinnu-
leysisbótum sínum í allt að þrjá mán-
uði meðan á leitinni stendur og með
framvísun vottorðsins fengið bæt-
urnar greiddar í viðkomandi landi.
S&S
N
JARÐARBRAUT 9 - REYK
JA
NE
SB
Æ
FIS
KIS
LÓÐ
3 - REYKJAVÍK