Framsóknarblaðið - 28.01.1985, Blaðsíða 2

2
FRAMSÓKNARBLAÐIÐ
Cl''.*,FAVDI
m:amsoks.\rf£lag
\ ESTMA.SN/nEVJA
)p[AR
7 § MALGA'JN FI.AMS'/KN AK OG
fMÆ / >am\ in.m*manna i
/C/\y V ESTMANNAE'I . ■■ y.
Ábyrgðarmaöur: Guðmundur Búason
Ritnefnd:
Andrés Sigmundsson — Sigurgeir Kristjánsson
Jón Eyjólfsson — Ingveldur Gísladóttir
Ar æskunnar
Hvers er að vænta?
Þetta ár sem nú er ný hafið
ber að tilstuðlan Sameinuðu
þjóðanna titilinn ár æskunnar.
Ymislegt hefur verið rætt um
hvað gera ætti í tilefni ársins og
ýmsar hugmyndir á sveimi um
hvað hægt væri að gera fyrir
æskuna. En enn sem komið er
hefur þó lítið heyrst frá þeim
sem þetta ár er tileinkað, en
stendur vonandi til bóta.
Það verður þó að vera Ijóst
að eldri kynslóðin verður að
hlusta á það scm unga fólkið
hefur til málanna að leggja
annars er hætta á að lítið verði
úr árinu.
Það getur enginn ætlast til
þess að ungt, framtakssamt fólk
sitji hjá meðan eldra fólk
ráðskast með það og segir þeim
hvað því sé fyrir bestu. Bestur
árangur næst með því að ræða
saman, þannig munu kynslóð-
irnar sameinast um verkefnið.
Ekki ætla ég að tíunda allt
sem hægt og nauösynlegt væri
að gera, en stórátaks er þörf, þó
skal á það bent að hér í Eyjum
er stórt og myndarlegt félags-
heimili sem hægt væri að nýta
til ólíklegustu hluta í þágu
æskunnar.
Hér á landi höfum við fjöl-
mörg íþróttafélög sem stuðla
að miklu félagsstarfi fyrir ungt
sem eldra fólk, þótt oft séu þau
í fjársvelti. Þar er verðugt verk-
efni fyrir bæjar og stjórnvöld.
Öflugt æskulýðsstarf marg
borgar sig fyrir þjóðina alla,
með heilbrigðu ungu fólki sem
leggur fram sinn skerf til þjóð-
arinnar.
I hinum tfokna heimi stjórn-
málanna hefur að virðist oft
gleymst hver erfa skuli land og
taka við af þeim sem nú sitja við
völd. Þetta veldur oft áhuga-
leysi á stjórnmálum hjá ungu
fólki, sem leiðir svo til van-
þekkingar á landsmálum og
stefnum stjórnmálaflokkanna.
Þótt vilji sé fyrir hendi hjá
stjórnmálamönnum til að fá
ungt fólk til starfa í pólitík þá
þarf meira til en orðin ein. Það
þarf að hlusta á hvað þau hafa
að segja. Ef það verður gert er
ekki að efast að margt áhuga-
vert mun koma í ljós sem
jafnvel mun stuðla að þeirri
þjóðareiningu sem svo mikið er
talað um í dag.
Kjörorö ungs fólks á ári æsk-
unnar ætti að vera: Ungt fólk til
ábyrgðar!
Stefán Þorvaldsson
Aðalfundur FUF
Félag ungra framsóknarmanna
heldur aðalfund sinn, föstudaginn 1.
febrúar, í nýja félagsheimilinu
Kirkjuvegi 19. Hefst fundurinn kl.
20:30.
Venjuleg aðalfundarstörf
Finnur Ingólfsson formaður SUF
og Jón Kr, Kristinsson, framkv.stj.
SUF mæta á fundinn með fríðu
föruneyti.
Stjórnin
Saga Framsóknarflokksins
IV. hluti
Eins og fyrr er getið naut
Framsóknartlokkurinn hlut-
leýsis Alþýðutlokksins við
stjórnarmyndunina 1927.
Stjórnin varð athafnasöm svo
mjög aö hvarvetna gilti í fram-
sókn atvinnuveganna sem
mennta- og samgöngumálum.
En Alþýðuflokkurinn hætti
stuðningi við stjórn Tryggva
Þórhallssonar þegar seig á
seinni hluta þingsins 1931.
Hafði þá Alþýðuflokkurinn
tekið höndum saman við Sjálf-
stæðisflokkinn um að breyta
stjórnarskrá og kosningalögum
á þann veg sem gagnstætt var
stefnu framsóknarmanna.
Vantrausttillaga sjálf-
stæðismanna var tekin fyrir í
sameinuðu þingi 14. apríl og
var vitað að hún yrði samþykkt
með atkvæðum flokkanna
tveggja.
En í byrjun þingfundar þar
sem ræða skyldi vantraustið
kvaddi forsætisráðherrann,
Tryggvi Þórhallsson, sér hljóðs
utan dagskrár og rauf Alþingi í
umboði konungs og efndi til
nýrra kosninga 12. júní.
Aðeins þingmenn Fram-
sóknarflokksins vissu um þing-
rofið fyrir fram, svo fyrir aðra
kom það sem þruma úr heið-
skýru lofti. Enda kom það í Ijós
þegar Tryggvi var búin að lýsa
því yfir í sameinuðu þingi að
Alþingi væri rofið að þessu
bjuggust þingmenn ekki við og
þá hafði það nokkur áhrif að
það var í fyrsta skipti útvarpað
stjórnmálaumræðum, en ríkis-
útvarpið hafði tekið til starfa á
jólunum áður.
Þó svo að farið hefði verið að
lögum varðandi þingrofið, varð
uppi hið mesta uppþot og vikan
sem í hönd fór vika uppþota og
óláta.
Stjórnarandstæðingar urðu
ævareiðir og hótuðu öllu illu ef
þinghaldi yrði ekki framhaldið,
en svo fór nú ekki, kosningar
skyldu fara fram.
Kosningabaráttan snérist
nær eingöngu um kjördæma-
málið og urðu oft hatrammar
deilur á milli flokkanna um
kjördæmaskipunina.
Úrslit kosninganna urðu sem
hér segir: Framsóknarllokkur
23 þingmenn, Sjálfstæðis-
tlokkur 15 þingmenn, Alþýöu-
flokkur 4 þingmenn.
Þetta nægði til að tryggja
Framsóknarflokknum meiri-
hluta í sameinuðu þingi og í
neðri deild, en ekki í efri deild
þar sem hann hafði 7 þingmenn
af 14. Andstæðingar hans
höfðu því stöðvunarvald þar.
Tryggva var þá falið að mynda
stjórn framsóknarmanna og
fékk hann með sér þá Jónas
Jónsson og Ásgeir Ásgeirsson.
Þessi ríkisstjórn Framsókn-
arflokksins fékk stuttan starfs-
tíma og kreppan og kjördæma-
málið tóku mestan starfstíma
hennar.
Af merkum lögum sem sett
voru í stjórnartíð hennar, má
helst nefna lögin um byggingar-
samvinnufélög, tóbaksendur-
salan endurreist og samþykkt
frumvarp um byggingarmál
Háskóla íslands.
Þegar Ijóst var orðið, að ekki
myndi nást samkomulag í
þinginu um kjördæmaskipun-
ina, lýstu forystumenn stjórn-
arandstöðuflokkanna því yfir,
að þeir myndu beita neitunar-
valdi til að stöðva öll tekju-
öílunarfrumvörp stjórnarinnar
og hindra með því afgreiðslu
fjárlaganna, ef kjördæmamálið
fengist ekki leyst.
Innan Framsóknarflokksins
voru skiptar skoðanir um
hvernig ætti að mæta þessu.
Sumir vildu láta reyna á þetta,
en aðrir hins vegar freista að ná
samkomulagi þar sem ólíklegt
væri að kosningar skiptu sköp-
um þar sem flokkurinn þurfti
fimm þingsæti til viðbótar til að
ná meirihluta í báðum deildum
þingsins.
En skyndilega veiktist
Tryggvi alvarlega sem hafði af-
gerandi áhrif á gang mála, hann
óskaði að verða leystur frá
störfum vegna veikinda og
lagði jafnframt fram þá tillögu
að Ásgeir Ásgeirsson myndi
leiða næstu stjórn sem var sam-
þykkt í þingflokknum.
Ásgeir hófst þá strax handa
um myndun ríkisstjórnar, en
þar sem Alþýðuflokkurinn var
ófáanlegur og flokksstjórn fyrir
fram dauðadæmd var Sjálf-
stæðisflokkurinn cini kostur-
inn.
Af hálfu sjálfstæðismanna
átti Magnús Guðmundsson sæti
í stjórninni og þeir Ásgeir og
Þorsteinn Briem af hálfu fram-
sóknarmanna.
Þessi ríkisstjórn þurfti við
ramman reip að draga þar sem
kreppan var skollin á og flest
lönd kominn með háa verndar-
tolla og gjaldeyrishöft sem var
þess valdandi að afurðir íslend-
inga seldust illa sem ekki.
Ríkisstjórnin hefti fljótlega
innflutning á ýmsum ónauð-
synjum með inntlutningshöft-
um og jafnframt kapp lagt á
samdrátt opinberra fram-
kvæmda.
Árið 1932 varsamfellt mikið
atvinnuleysisár og þrengingar á
hverju heimili. Þetta skánaði
þó nokkuð er leið á næsta ár, en
kreppan var þó rétt að hefja
innreið sína inn í landið. Fram-
undan biðu stórauknir erfið-
leikar, eða hrun besta fisk-
markaðarins vegna Spánar-
stríðsins og mesta aflaleysi í
sögu íslands á þessari öld.
Stefán Þorvaldsson
VESTMANNAEYJABÆR
Barnaverndarmál
Samþykkt bæjarstjórnar Vestmanna-
eyja um að félagsmálaráð fari með barna-
verndunarmál öðlist gildi að loknum næstu
bæjarstjórnarkosningum sbr. auglýsingu Félags-
málaráðunevtisins 12. desember 1984.
Barnaverndarnefnd fer því með forræðismál
o.fl. til þess tíma, skv. samþykktri verkaskiptingu
milli iélagsmálaráðs og barnaverndarnefndar.
—Bæjarstjóri.
VESTMANNAEYJABÆR
Frá innheimtunni
Peir gjaldendur Vestmannaeyja-
bæjar, sem fengið hafa útsvarsyfirlit fyrir árið
1984 ásamt fyrirframgreiðslu 1985 og telja fyrir-
framgreiðslu óraunhæfa vegna tekjurýrnunar
milli áranna 1983 og 1984, er bent á að hafa
samband við Skattstofuna í Vestmannaeyjum við
skil á framtali sínu vegna tekjuársins 1984. Skatt-
stofan gerir þá viðeigandi breytingar á álagðri
fyrirframgreiðslu.
Kynnið ykkur
inníánsreikninga með ábót
ÚTVEGSBANKI ÍSLANDS — VESTMANNAEYJUM