Morgunblaðið - 22.10.2010, Blaðsíða 3

ÍÞRÓTTIR 3
MORGUNBLAÐIÐ FÖSTUDAGUR 22. OKTÓBER 2010
GuðmundurÁrni Ólafs-
son, hornamaður
Íslandsmeistara
Hauka, og Hörð-
ur Fannar Sig-
þórsson, línu-
maður
Akureyrar hand-
boltafélags, taka
út leikbann í kvöld þegar lið þeirra
leiða saman hesta sína í úrvalsdeild
karla í handknattleik fyrir norðan.
Báðir voru þeir úrskurðaðir í eins
leiks bann af aganefnd HSÍ vegna
útilokunar í kappleikjum síðustu
umferðar.
  
Brynjar Örn Guðmundsson, Ein-ar Orri Einarsson og Jóhann
Birnir Guðmundsson hafa allir
skrifað undir samninga við Keflavík
og munu þeir leika með félaginu í
Pepsí-deildinni í fótbolta á næstu
leiktíð. Jóhann var að framlengja
sinn samning við félagið en samn-
ingur þeirra Brynjars og Einars
var útrunninn. Á heimasíðu Kefla-
víkur segir m.a. að verið sé að
vinna í samningamálum hjá fleiri
leikmönnum liðsins.
  
Elverum, liðið sem Sigurður AriStefánsson handknattleiks-
maður leikur með, kom í fyrrakvöld
í undanúrslit norsku bikarkeppn-
innar þegar það lagði BSK/NIF,
26:22, á heimavelli síðarnefnda liðs-
ins í Ósló. Sigurður Ari skoraði
þrjú mörk í leiknum. Íslend-
ingaliðið Levanger féll hinsvegar
úr leik í 8-liða úrslitum í bik-
arkeppni kvenna í Noregi. Lev-
anger, sem Ágúst Jóhannsson
þjálfar og Rakel Dögg Bragadóttir
leikur með tapaði fyrir Nordstrand,
39:33.
  
Gheorge Hagi, fremsti knatt-spyrnumaður Rúmena fyrr og
síðar, var í gær ráðinn þjálfari
tyrkneska liðsins Galatasaray í stað
Hollendingsins Frank Rijkaard
sem var leystur frá störfum fyrr í
vikunni. Hagi, oft nefndur Mara-
dona Karpatafjallanna, er öllum
hnútum kunnugur hjá Galatasaray
en hann lék með liðinu og varð
UEFA-meistari með því árið 2000
og þjálfaði liðið 2004-2005. Samn-
ingur hans er til eins og hálfs árs.
  
Skoski varn-armaðurinn
Jamie McCunnie
skrifaði í gær
undir tveggja
ára samning við
Grindvíkinga.
Hann kemur til
Grindavíkur frá
Haukum þar sem hann kom í fé-
lagaskiptaglugganum í júlí. Hann
lék 10 leiki með Hafnar-
fjarðarliðinu og þótti standa sig vel.
McCunnie er 27 ára varnar- eða
miðjumaður og hefur leikið 96 leiki
í skosku úrvalsdeildinni með Dun-
fermline og Dundee United.
Fólk folk@mbl.is
Á VELLINUM
Ívar Benediktsson
iben@mbl.is
Leikmenn Vals verða heldur betur að
hugsa sinn gang eftir viðureignina við
Fram í N1-deildinni í handknattleik í
gærkvöldi ætli þeir sér ekki að verða
að athlægi fyrir metnaðarleysi á þess-
ari leiktíð. Eftir að hafa gefist upp eft-
ir um stundarfjórðungsleik litu þeir út
eins og „battar“ eða keilur á leikvell-
inum þær 45 mínútur sem eftir voru.
Framarar léku sér að þeim eins og
köttur að mús og unnu stórsigur,
40:23, en mest munaði 20 mörkum á
liðunum. Í hálfleik skakkaði níu mörk-
um, 20:11, Fram í vil.
Valsmenn hafa ekki verið burðugir
fram til þessa á keppnistímabilinu en
aldrei eins slakir og áhugalausir sem
að þessu sinni. Það var átakanlegt fyr-
ir handknattleiksáhugamenn að fylgj-
ast með framgöngu liðsins og undirrit-
aður var nærri því farinn að vorkenna
Júlíusi Jónassyni, þessum mikla bar-
áttujaxli sem aldrei gafst upp sem
leikmaður, að sitja uppi með þennan
metnaðarlausa hóp leikmanna.
Valsmenn sitja nú einir og yfirgefn-
ir á botni deildarinnar án stiga og ljóst
að verði ekki hrein umpólun í hug-
arfari leikmanna í næstu leikjum mun
stigunum ekki fjölga í bráð. Valur fær
Akureyri í heimsókn í næstu umferð
og sækir síðan FH-inga, með sitt bull-
andi sjálfstraust, heim í Kaplakrika.
Til háborinnar skammar
„Frammistaða okkar var skandall,
ég ætla ekki að draga fjöður yfir það,“
sagði Júlíus, þjálfari Vals, eftir leikinn
en hann bar vonbrigðin utan á sér.
„Um leið og við lentum undir gáfust
menn upp, allir sem einn. Það var bara
hreinlega til háborinnar skammar,“
sagði Júlíus og bætti því við að hann
hefði reiknað með að byrjun leik-
tímabilsins yrði liðinu erfið eftir mikl-
ar breytingar á leikmannahópnum í
sumar. „En þetta er miklu erfiðara og
slakara en ég reiknaði með.
Baráttan er engin í hópnum og vilj-
inn ekki sjáanlegur til þess að vinna
sig út úr þeim vandamálum sem við er
að kljást.
Hugarfarið þarf að vera rétt til að
ná árangri í íþróttum. Það er hægt að
ná góðum árangri með miðlungs-
íþróttamenn bara ef þeir hafa rétt
hugarfar til þess sem þeir eru að vinna
að. Að sama skapi ná góðir í íþrótta-
menn ekki fullnægjandi árangri hafi
þeir ekki rétt hugarfar á leikvell-
inum,“ sagði Júlíus sem sagði mikla
vinnu framundan.
„Hópurinn verður að nýta tímann
vel fram að næsta leik og taka sig
hressilega saman í andlitinu. Þegar ég
tala um hópinn þá er ég ekki undan-
skilinn þar sem ég er hluti af honum,“
sagði Júlíus Jónasson, þjálfari Vals.
Framarar dvöldu ekki lengi við von-
brigðin eftir að hafa tapað fyrir Ak-
ureyri á lokamínútum leiks liðanna
síðasta laugardag. Þeir komu einbeitt-
ir til leiks og nýttu sér veikleika Vals
strax með leiftrandi sóknarleik. Fram-
arar léku leikinn af fullum krafti til
enda. Allir leikmenn fengu að láta ljós
sitt skína og taka þátt í að kjöldraga
erkióvinina af Hlíðarenda.
„Hreinlega slátruðum þeim“
„Við hreinlega slátruðum þeim,“
sagði Haraldur Þorvarðarson, línu-
maður Fram. „Við héldum okkar
striki og vorum staðráðnir í allt frá
byrjun að slaka aldrei á og það skilaði
sér í því að við hreinlega rústuðum
Valsliðinu.
Valsmenn lögðu bara niður vopnin
um leið og þeir fundu fyrir mótspyrn-
unni. Síðan varði Maggi vel í markinu
og Reynir þjálfari skipti ört inn á og
leyfði öllum að vera með. Við erum
með stóran hóp góðra leikmanna og
það skilaði sér í þessum frábæra leik.
Þetta er það sem koma skal,“ sagði
Haraldur og bætti við það væri „alveg
sérstaklega gaman“ að vinna slíkan
stórsigur á Val, en oft hefur verið
grunnt á því góða á milli Reykjavík-
urliðanna.
„Ég óska Valsmönnum alls hins
besta og vonast til að þeir nái sér á
strik,“ bætti Haraldur við.
Boðið upp á leik kattarins
að músinni í Safamýri
Morgunblaðið/Ómar
Góður Framarinn Jóhann Gunnar Einarsson var atkvæðamikill í stórsigrinum gegn Val. Hér er eitt 11 marka hans í
fæðingu en til varnar eru Einar Örn Guðmundsson og Valdimar Fannar Þórsson.
 Skammarlega slakt Valslið gafst upp  Eitt lið á leikvellinum í 45 mínútur
Karlalandsliðið í knattspyrnu mætir Ísr-
aelsmönnum í vináttulandsleik í Tel Aviv í
Ísrael þann 17. nóvember en KSÍ hefur síð-
ustu vikur og mánuði reynt að útvega
landsliðinu leik á þessum alþjóðaleikdegi.
Á tímabili var líklegt að mótherjar Ís-
lendinga yrðu Walesverjar en í vikunni
komust knattspyrnusamband Íslands og
Ísrael að samkomulagi um að spila æfinga-
leik.
Þetta verður þriðja viðureign Íslands og
Ísraels á knattspyrnuvellinum. Árið 1992
mættust liðin í tvígang. Fyrri leiknum í Ísrael lyktaði með 2:2
jafntefli en Ísraelsmenn höfðu betur í seinni leiknum á Laug-
ardalsvelli, 2:0. Ásgeir heitinn Elíasson var á þessum tíma
þjálfari landsliðsins. gummih@mbl.is
Mæta Ísrael í Tel Aviv
Ólafur
Jóhannesson
„Ég æfði í fyrsta sinn í vikunni í dag og fann
ekki fyrir neinu og ef ég finn ekki fyrir neinu
á morgun þá verð ég vonandi klár fyrir leik-
inn á móti Dortmund,“ sagði landsliðsmað-
urinn Gylfi Þór Sigurðsson, leikmaður þýska
liðsins Hoffenheim, við Morgunblaðið í gær
en Hoffenheim heimsækir toppliðið á sunnu-
daginn.
Gylfi stífnaði upp í kálfa á æfingu liðsins í
síðustu viku sem rakið er til álags og gat ekki
spilað á móti Gladbach um síðustu helgi en í
þeim leik átti hann að vera í byrjunarliðinu.
„Það var svekkjandi að missa af leiknum en vonandi get ég spil-
að á móti Dortmund,“ sagði Gylfi, sem hefur skorað tvö mörk í
þeim fjórum leikjum sem hann hefur komið við sögu hjá Hoffen-
heim. gummih@mbl.is
Gylfi Þór heldur í vonina
Gylfi Þór
Sigurðsson
Gunnlaugur H. Birgisson, sem er 15 ára gamall,
er núna staddur í Belgíu þar sem hann er að
æfa með stórliðinu RSC Anderlecht. Gunn-
laugur, sem leikur með Breiðabliki hér heima á
Íslandi, hefur verið úti í tvær vikur og kemur
hann aftur til Íslands 25. okt. Útsendari And-
erlecht sá Gunnlaug í knattspyrnuskóla KB í
Belgíu og í kjölfarið fékk Blikinn ungi boð um
að koma og æfa með liðinu. „Þetta er búið að
vera mjög fínt og ég er mjög ánægður. Við æf-
um sjö sinnum í viku og spilum á laugardögum.
Við æfum tvisvar á dag þrjá daga í viku. Fyrir
hádegi eru tækniæfingar með þremur þjálfurum þannig að það eru
oft sjö strákar á þjálfara. Ég er búinn að læra heilmikið á þessum
tveimur vikum. Ég lít á þetta sem reynslu, ég hef lært mikið á því
að spila með þessum strákum,“ sagði Gunnlaugur.
Æfir með Anderlecht
Gunnlaugur
Birgisson
Íþróttahús Fram, úrvalsdeild karla, N1
deildin, fimmtudaginn 21. okt. 2010.
Gangur leiksins: 1:0, 2:3, 5:5, 8:6,
11:8, 16:8, 20:11, 21:11, 21:12, 27.12,
32:14, 35:16, 39:19, 40:23.
Mörk Fram: Jóhann Gunnar Ein-
arsson 11, Einar Rafn Eiðsson 9/4,
Haraldur Þorvarðarson 6, Jóhann
Karl Reynisson 3, Arnar Birkir Hálf-
dánsson 3, Magnús Stefánsson 2,
Matthías Daðason 2, Halldór Jóhann
Sigfússon 1, Andri Berg Haraldsson 1,
Kristján Svan Kristjánsson 1, Róbert
Aron Hostert 1.
Varin skot: Magnús Gunnar Erlends-
son 19/1 (6/1 til mótherja). Björn
Viðar Björnsson 8 (þaraf 2 til mót-
herja).
Utan vallar: 6 mínútur.
Mörk Vals: Jón Björgvin Pétursson 5,
Orri Freyr Gíslason 4, Anton Rún-
arsson 4, Valdimar Fannar Þórsson
4/1, Einar Örn Guðmundsson 3, Finn-
ur Ingi Stefánsson 1, Gunnar Harð-
arson 1, Ernir Hrafn Arnarson 1.
Varin skot: Ingvar Kristinn Guð-
mundsson 8 (þaraf 2 til mótherja).
Friðrik Sigmarsson 1.
Utan vallar: 10 mínútur.
Dómarar: Arnar Sigurjónsson og
Svavar Pétursson.
Áhorfendur: 400.
Fram – Valur 40:23