Morgunblaðið - 02.12.2010, Qupperneq 10

atvinna
Zumba kom fyrst fram á sjónarsviðiðfyrir tveimur árum hér á landi, ognaut strax töluverðra vinsælda. Svovar eins og áhuginn dalaði en núna
er þessi dansíþrótt að koma sterk inn aftur,“
segir Auðbjörg Arngrímsdóttir þolfimi- og
danskennari hjá World Class í Laugum en
þar eru að hefjast ný zumba-námkeið.
Zumba er n.k. þolfimi-íþrótt fyrir hópa,
sem byggist á suðrænum danstökum. „Við
sækjum efnivið í dansstefnur eins og me-
rengue, salsa, og samba en heimfærum sporin
upp á leikfimina. Útkoman er góð brennsla
þar sem allir fá að svitna vel og fá útrás, en
hafa um leið gaman af æfingunni og bæta
kannski hjá sér dansvöðvana,“ útskýrir Auð-
björg.
Mýkt í hreyfingarnar
Ekki er um það að ræða að þátttakendur
verði að vera eldflinkir dansmenn og heldur
ekki þörf á að mæta í skrautlegu brasilísku
pilsi. „Stálrassinn og mjóa mittið þarf fólk
ekki að hafa þegar það byrjar, en sennilega
verður kroppurinn kominn langleiðina í þá átt
þegar námskeiðinu er lokið. Ekki er flókið að
ná valdi á sporunum og að sjálfsögðu mætir
fólk einfaldlega í sínum íþróttafatnaði.“
Fyrir utan að vera góð hreyfing bindur
Auðbjörg vonir við að zumba geti kannski
orðið til að krydda örlítið dansmenningu
landsmanna og jafnvel komið smámýkt og
dilli í mjaðmahreyfingarnar þegar fólk kemur
saman til að skemmta sér og dansa. „Hana
vantar svolítið í okkur, þessa dansmýkt, og
oft áhugavert að fylgjast með á skemmtistöð-
unum hve margir eru stífir og skoppa helst
um með hendur á lofti,“ segir hún. „Svo þeg-
ar mýktin er komin er spurning hvort ekki
megi fara að gera meira af því að konur og
karlar dansi saman, taki nokkrar dýfur og
snúninga frekar en skoppa sitt í hvoru lagi og
fara svo beint á barinn.“
ai@mbl.is
Nemendur svitna vel og styrkja kannski dansvöðvana í nýjum zumba-fit tímum.
Er kom-
inn tími á
suðræna
sveiflu?
Morgunblaðið/Golli
Auðbjörg danskennari myndi vilja sá mýkri hreyfingar á íslenskum dansiböllum.
„Svo þegar mýkt-
in er komin er
spurning hvort
ekki megi fara að
gera meira af því
að konur og karlar
dansi saman, taki
nokkrar dýfur og
snúninga frekar
en skoppa sitt í
hvoru lagi og fara
svo beint á bar-
inn.“
Mitt fyrsta alvörustarf var í Hraðfrystihúsinu í Hnífsdal. Ég var 12 ára
eða þar um bil. Þar lærði ég að vinna, mæta á réttum tíma, vakna við-
urstyggilega snemma á morgnana, hlusta á þungarokk og kjaftasögur –
og bera tilhlýðilega virðingu fyrir slori. Þar lærði ég líka að kaffi er mik-
ilvægasta frumefnið.
Bragi Valdimar Skúlason.
Fyrsta starfið
Kaffi er mikilvægasta
frumefnið
Næstum öll fyrirtæki með 10 starfsmenn eða
fleiri nota tölvur og net við starfsemi sína og
82% einstaklingsfyrirtækja. Aðeins 38% ís-
lenskra fyrirtækja eru með vefsíðu og þá
einkum hin stærri. Upplýsingar um verð- eða
vörulista voru á vefsíðum 57% allra fyrirtækja
sem höfðu vefsíðu. Fjögur af hverjum tíu fyr-
irtækjum bjóða upp á þann möguleika að
panta vörur eða þjónustu í gegnum vefsíðu.
Þetta kemur fram í nýjum tölum Hagstofu Ís-
lands um netnotkun og rafræn viðskipti sem
birtar voru fyrir helgina.
Hagstofan kannar tölvur og fyrirtæki
Aðeins 38% fyrir-
tækja á vefnum
Stjórn Lífeyrissjóðs verk-
fræðinga hefur ráðið Auði
Finnbogadóttur sem fram-
kvæmdastjóra sjóðsins.
Auður er viðskiptafræð-
ingur frá University of
Colorado at Boulder í
Bandaríkjunum (1992), og
MBA frá Háskólanum í
Reykjavík (2005). Hún er
löggiltur verðbréfamiðlari og stóðst hæf-
ispróf sem framkvæmdastjóri lífeyrissjóðs
undir lok síðasta árs. Auður hefur um 15 ára
starfsreynslu á fjármálamarkaði, þ. á m.
reynslu af eignastýringu. Hún var fram-
kvæmdastjóri MP Banka hf. frá stofnun til
ársins 2003. Á árunum 2003-2009 starfaði
hún sjálfstætt við ráðgjöf tengda fjármálum
og eignastýringu og rak eigið fjármálafyr-
irtæki, A Verðbréf hf., á árunum 2006-2008.
Einnig lagði hún stund á framhaldsnám og
sinnti stjórnarstörfum á þessum tíma.
Auður situr í stjórn Framtakssjóðs Íslands
fyrir hönd lífeyrissjóða og er í stjórn Ice-
landair Group .
Hjá LV starfa 6 manns auk Auðar.
Lífeyrissjóður verkfræðinga
Auður ráðin fram-
kvæmdastjóri
„Starf verslunarstjórans er af-
skaplega lifandi. Hver árstíð kallar
á ákveðnar áherslur og samkvæmt
því þarf að starfa. Núna er und-
irbúningur jólanna kominn á fullt
skrið og þá höfum við bökunarvör-
urnar í forgrunni hér í búðinni og
alveg á næstu dögum tökum við
jólakjötið inn. Um áramótin verðum
við svo með snakk og ídýfur í
framlínunni,“ segir Sigurlaug Sig-
geirsdóttir sem stýrir verslun Krón-
unnar við Rofabæ í Árbæjarhverfi í
Reykjavík.
Þessa dagana, þegar annatími er
í verslunum, mætir Sigurlaug til
starfa um klukkan sex á morgnana.
Í mörg horn er að líta árla dags;
gera þarf gærdaginn upp, fara yfir
reikninga og samþykkja, senda út
tölvupósta, panta inn vörur og svo
mætti áfram telja. Þegar líður á
morguninn koma sendiferðabílar
með pantanir dagsins og þá þarf
að taka upp úr kössum, raða í hill-
ur og svo mætti áfram telja.
„Mér gefst vel að mæta snemma
til vinnu á morgnana, þá er maður
laus við símann og þann atgang
sem í raun fylgir verslunarstörfum.
Þegar jólatörninni lýkur vona ég
samt að ég geti farið aðeins seinna
af stað á morgnana,“ segir Sig-
urlaug sem lengi hefur sinnt versl-
unar- og skrifstofustörfum ým-
iskonar. Starfi verslunarstjórans nú
sinnir hún hins vegar í afleysingum.
„Ég hafði aldrei prófað þetta áð-
ur og það er gaman að bæta
þessu í reynslubankann,“ segir
hún.
Verslanir Krónunnar eru alls tólf,
þar af níu á höfuðborgarsvæðinu.
Búðin í Rofabænum er ein þeirra
minni og er einskonar hverfisbúð
enda þótt margir fleiri en Árbæing-
ar renni þar við eftir nauðsynjum.
Sjö fastir starfsmenn standa vakt-
ina í búðinni auk nokkurra skóla-
krakka sem starfa þar á kvöldin og
um helgar.
„Fyrir utan bökunarvörur og kjöt-
ið erum við að taka inn bækurnar
núna. Getum plássins vegna reynd-
ar ekki tekið inn nema þá titla sem
eru söluhæstir. Því er ekki að leyna
að það er alltaf einhver ákveðin
stemning sem fylgir bókavertíðinni
– en sjálf hef ég mesta ánægju af
spennusögum hverjar sem þær nú
eru,“ segir verslunarstjórinn að síð-
ustu
sbs@mbl.is
Starfið mitt Verslunarstjóri
Bækur, bökunarvörur og jólakjöt
Sigurlaug Siggeirsdóttir hefur lengi unnið við verslunarstörf og Krónubúð-
inni í Rofabæ hefur hún stýrt í afleysingum síðustu mánuðina.
Það reynist mikill misskilningur hjá blaðamanni að hópatímar
heilsuræktarstöðvanna séu eintómt kvennaveldi. „Á mörgum
námskeiðum er meirihlutinn kvenfólk, en nær alltaf eru einhverjir
karlar sem taka þátt og á sumum eru klár helmingaskipti,“ segir
Auðbjörg en játar að karlpeningurinn vilji oft frekar taka á því í
tækjasalnum. „Karlarnir eru þá að leitast eftir að stækka vöðv-
ana með þungum lóðum á meðan hóptímarnir byggja frekar upp
úthald og styrk í vöðvanum og gera hann þéttari. Sumir karlarnir
veit ég að hafa áttað sig á kostum þess að blanda hóptímum
saman við þyngdaræfingarnar því með því að þétta vöðvana og
auka þrekið geta þeir tekið meira á því í lyftingunum.“
Hópatímar eru ekki
bara fyrir konur