Morgunblaðið - 02.12.2010, Blaðsíða 17
2. desember 2010 17 bílar
Rafbíllinn Nissan Leaf,eða Laufið, hefur veriðvalinn bíll ársins 2011 íEvrópu. Carlos Ghosn,
forstjóri Nissan og Renault, segir
viðurkenninguna sönnun þess að
Laufið sé samkeppnisfært við
hefðbundna fólksbíla hvað öryggi,
afköst, þægindi og meðfærileika
varðar.
Eftirsótt viðurkenning
Þetta er í fyrsta sinn sem rafbíll
hlýtur þessa árlegu og eftirsóttu
viðurkenningu. Fjöldaframleiðsla
bílsins hófst fyrir skömmu og fer
hann á markað í Japan og Banda-
ríkjunum í desember og í nokkr-
um völdum löndum Evrópu
snemma á næsta ári.
Alls voru 40 bílar tilnefndir til
viðurkenningarinnar, sem nú er
veitt 47 árið í röð. Í öðru sæti varð
Alfa Romeo Giulietta og í því
þriðja Opel/Vauxhall Meriva. Í
kjörinu tóku þátt 577 bíla-
blaðamenn frá 23 Evrópuríkjum. Í
næstu sætum í úrslitunum urðu, í
þessari röð, Ford C-Max/Grand C-
Max, Citroën C3/DS3, Volvo S60
og V60 og Dacia Duster.
Rafmótor á framhjólin
„Með þrjá aðra rafbíla í píp-
unum hjá Nissan og fjóra rafbíla
sem koma hvað
úr hverju á
markað frá
bandamann-
inum Renault,
þá markar
Laufið stórt og
mikilvægt spor
í átt til meng-
unarlausrar
bílaframtíðar,“
sagði Nissan- og Renault-stjórinn
Ghosn í tilefni verðlaunanna.
Nissan áformar að smíða senn
250 þúsund Lauf á ári í bíl-
smiðjum í Bandaríkjunum, Eng-
landi og Japan, þar af 150.000 í
Tennessee í fyrstnefnda landinu.
Rafmótorinn er í bílnum fram-
anverðum og drífur hann fram-
hjólin einvörðungu. Drægi raf-
hleðslunnar er rúmlega 160
kílómetrar.
Síðast féll viðurkenningin Bíll
ársins í Evrópu í skaut Nissan ár-
ið 1993 er smábíllinn Micra fór
með sigur af hólmi.
Til Íslands í upphafi 2012
„Nissan Leaf er fyrsti rafbíllinn
sem hannaður er frá grunni með
það fyrir augum að uppfylla vænt-
ingar og þarfir hefðbundinna not-
enda. Þessi bíll er því spennandi
kostur fyrir hinn almenna neyt-
anda. Vonast er til að Nissan Leaf
verði fáanlegur seint á næsta ári
en það mun að miklu leyti ráðast
af því hvort umhverfið okkar hér á
Íslandi verður tilbúið að taka á
móti slíkum bílum, þ.e. með tilliti
til hleðslupósta og svo framvegis.
Víða erlendis hafa borgir og ríki
lagt mikið kapp á að ryðja braut-
ina fyrir rafbíla og horfir fram-
leiðandinn mikið á þann þátt áður
en ákvörðun er tekin um að mark-
aðsfæra bílinn í hverju landi fyrir
sig. Við vonum því til að geta
kynnt Nissan Leaf í upphafi árs-
ins 2012,“ segir Skúli K. Skúlason,
forstjóri Ingvars Helgasonar ehf.
agas@mbl.is
Rafbíllinn Leaf frá Nissan er bíll ársins í Evrópu
Laufið markar
mikilvægt spor
Stjórnborð bílsins er glæsilegt og býsna vel ætti að fara um ökumanninn.
Rafbíllinn Leaf frá Nissan er rómaður ytra en á Íslandsmarkað ætti hann að koma eftir rúmt ár, skv. talsmanni Ingvars Helgasonar.
Skúli K. Skúlason.