Siglfirðingur - 11.04.1931, Side 2

2
SIGLFIRÐINGUR
Skíðamótið.
Við höfðum boðið Skíðafjelagi
Reykjavíkur, U. M. F. í Eyjafirði
og hjer í grend að taka þátt í mót-
inu. Einnig hafði mótið verið til-
kynt i útvarpinu.
Vegna æfingajleysis o. fl. fór það
því miður svo, að engir aðkomu-
menn komu til að keppa á mótinu
svo Siglfirðingar urðu að keppa við
sig sjálfa.
Mótið hófst föstud. 27. f. mán.
Undanfarna daga hafði verið versta
veður, en á föstud.morgun vöknuðu
menn við það að sólin .skein inn
um gluggann og þutu þá allir áhuga-
menn í ofboði á fætur og sögðu við
þann sem þeir hittu fyrst, „nú verð-
ur mótið í dag“!
Kl. að ganga 1 var Suðurgatan
öll orðin full af fólki og hjelst sá
straumur frameftir til kl. 1 þá var
komið um 1000 manns fram að
Nautaskálarhólum, þar sem mótið
hófst með stökki í I. fl.
Veður var logn, sólskin og heið-
skírt loft með 3 stiga frosti. Færið
í skíðabrautinni var fremur gott, þó
tafði nýji snjórinn dálítið renslið
eftir að sólin fór að skína. Svo þeg-
ar á daginn leið skánaði færið aft-
ur og var ágætt eftir kl. 3.
Pátttakendur í I. fl. voru 14. Fólk
var afar spent yfir því hver af þeim
4 bestu, Jóhanni Rorfinnssyni, Jóni
Stefánsöyni, Olafi Einarssyni eða
Guðl. Gottskálkssyni mundi verða
hlutskarpur.
Hr. H. Torvö opnaði mótið og
stökk 32 metra. Síðan kom hver
af öðrum og set jeg hjer á eftir
lengstu stökk 5 keppenda:
Jóhann Porfinnsson 26,5 m. 28 m.
Jón Stefánsson 25 m. 27 m.
Jón Sigurðsson 22 m. 25,5m.
Ottó Jóakimsson 22,5 m. 26,5m.
Guðl. Gottskálksson 21,5 m. 23,5m.
I þetta sinn voru þeir Olafur Ein-
arsson og Meyvant Meyvantsson
sjerstaklega óheppnir.
Stökkin voru skíðamönnunum yf-
irleitt til sóma, enda gerður góður
rómur að afrekum þeirra.
Staðan var góð þegar tekið er
tyiit til þess hve sumir keppendur
voru á vondum skíðum og með
slæma bindinga. Byltur voru 7 af
28 stökkum.
Strax að loknu stökki hjá 1. fl.
hófst stökk í II. fl. Keppendur 18.
Skíðabrautin var spölkorn sunnan
við I. fl. brautina. Undanfarna daga
hafði verið rigning svo loftkastið
hafði að mestu bráðnað niður. Var
síðan bygt upp rjett fyrir mótið en
lítið reynt. Pegar í fyrri umferð
mátti sjá það, að keppendur komust
fæstir tiœgilega laugt til þess að fall-
ið er niður kom ekki yrði of hart.
Peír duttú þvi flestir þegar niður
kom. Alment bjuggjust menn við
að þeir Björn Olafsson, Jóhannes
Jónsson, Jón Einarsson, Kári Sum-
arliðason og Oskar Sveinsson kæmu
til með að eigast við um 1. verð-
laun. Svo fór þó eigi. Hepnin var
ekki með þeim ,í þetta.sinn. Úrslit
flokksins urðu þessi:
Ketill Ólafsson 13 m. 13 m.
Björn Ólafsson 15 m.
ÓIi Fersæth 12 m.
Kristján Porkellsson 12 m.
Eftir að stökki í þessum flokki var
lokið hófst sljett brekka fyrir stúlkur
i hliðinni rjett fyrir sunnan og ofan
Nautaskálarhólana. ICeppendur voru
19. Færð í brekkunni var laus nýr
snjór með hjarnblettum á stöku stað.
Pað var því erfitt að standa brekk-
una til enda — ca. 350 m. — enda
fóru leikar svo að fiestar duttu eftir
að þær höfðu komist 100—200 m.
Aðeins ein, Kristin Aðalbjörns-
dóttir, 11 ára, kornst alla leið.
Nú var kl. orðin hálf fjögur. Móti
dagsins var lokið og höfðu menn
skemt sjer ágætlega. Unaðsleg sjón
var að sjá mannfjöldann í sólskin-
inu ganga í .endalausri skrúðgöngu
undir 14 fánum .sem sómdu sjer
svo prýðilega við mjallhvítan snjó-
inn og unaðslega umhorfið í veður-
bliðu dagsins. Menn hlökkuðu til
næsta dags.
Laugard. 28. mars rann upp með
sama veðri og'föstud. og hjelst það
allan daginn. Mótið byrjaði með
stökki í III. fl. Pátttakendur 25. Pað
var sönn ánægja að sjá snáðana hve
þeir voru djarfir og liðlegir íþrótta-
menn. Úrslitiu urðu þannig hjá 5
þeim bestu:
Jón Porsteinsson 7,5 m. 7 m.
Eðvarð F'ersæth 7,5 m. 6,5 m.
Asgrímur Stefánsson 5,5 m. 5,5 m.
Jónas Asgeirsson 7 m. 7 m.
Daniel Bjarnason 7 m. 7 m,
Að loknu stökki drengjanna fór
fram stölck kvenna á sama stað.
Pátttakendur 13. Eftir aldri og æf-
ingu stóðu þær sig yfirleitt vel. Úr-
slítin urðu þessi:
Unnur Möller 5 m. 5,5 m.
Nanna Pormóðs 7 m.
Fjóla Steinsdóttir 6 m.
Kristin Aðalbjörnssd. 6 m.
Sigríður — 5 m.
Að loknu kvennastökkinu hófst 10
Skóverkstæðið
i Túngötu 10 er til leigu frá
1. maí til hausts og lengur ef
um semur.
Jón G. Isfjörð.
km. kappganga. Keppendur 9. Far-
ið var af stað á Hafnarhæðinni og
komið úr göngunni inn á sama stað.
Norðmenn hafa það sem þeir kalla
„Kombinert-renn“. Pað er 17 km.
ganga og stökk. Fyrir samanlögð af-
rek i þessu tvennu veita þeir „Konge-
pokalen" og eru það viðurkend bestu
verðlaun á kappmótum sem hægt
er að fá sem afreksmaður á skíðum.
Til þess að fá hjer ofurlitla byrj-
un í þessu efni var ákveðið að
veita 4 verðlaun auk „Konge-
pokalen“ fyrir samanlögð bestu af-
rek í stökki i I. fl. og 10 km. göng’u.
Pað er rjctt að geta þess að í III.
fi: voru drengir yngri en 12 ára, í
II. fl. voru drengir 12—15 ára, í I.
fl. voru piltar eldri en 15 ára.
Menn voru mjög spentir fyrir
því hvernig gangan mundi fara.
P'lestir bjuggust víst við að Jóhann
Porfinnsson mundi verða sigurveg-
ari þar eð hann skaraði mjög fram
úr í stökki. Klukkutíminn sem kepp-
endur voru á leiðinni var óvenju
fljótur að líða fyrir áhorfendur, því
allan tímann tók fjöldinn "ekki aug-
un af íþróttamönnunum. Fyr en varði
var Guðlaugur Gottskálksson kom-
inn að markinu, eftir 48 58 sek. Næstir voru: mín. og
Meyvant Meyvantsson 50,17
Jóhann Porfinnsson 53,16
Jón Stefánsson 53,31
Jón Sigurðsson 54,55
Pegar farið var að leggj a saman
bestu afrek í stökki og göngu í I.
flokki urðu þessir hlutskarpastir:
Guðl. Gottskálksson 297,5 stig.
Jóhann Porfinnsson 296, —
Jón Stcfánsson 293,5 —
Jón Sigurðsson 280, —
Otto Jóakimsson 268,5 —
Ura kvöldið útbýtti jeg verðlaun-
um i Bíó, og flutti um leið erindi
um þróun skíðaíþróttarinnar, kosti
hennar og nauðsyn fyrir þjóðfje-
lagið frá heilbrigðislegu sjónarmiði.
Öllum sem studdu að því að mót
þetta tókst eins vel og raun varð á
þakka jeg kærlega fyrir sína góðu
hjálp.
f. h. Skíðafjelags Siglufjarðar,
Guðm. Skurphjeðinsson.