Austurland - 24.06.1966, Blaðsíða 4
4 AUSTURLAWÐ Neskaupstað, 24. júní 1966.
---------——------------------------ - - ■ ■ -■#
Sundmeistaramót íslands 1966
Erlingur Pálsson, formað>ur Sundsambands íslands.
Aðalfundur
Á morgun kl. 2 hefst hér í
sundlauginni Sundmeistaramót Is-
lands. Eins og nafnið felur í sér,
er hér um mikinn og merkan
íþróttaviðburð að ræða.
Þetta sundmeistaramót er hið
36. í röðinni.
Síðan 1952 hefur sá háttur ver-
ið á hafður, að annað hvert ár
hefur mótið verið haldið utan
Reykjavíkur. Þetta er þó í fyrsta
sinn sem mótið hefur verið hald-
ið á Austurlandi og verður þetta
tvímælalaust stærsta og merkasta
sundmót sem hér hefur verið
haldið og einn mesti íþróttavið-
burður sem farið hefur fram á
Austurlandi.
Að sjálfsögðu eru þátttakendur
flestir úr Reykjavík, eða alls 27,
frá Hafnarfirði eru skráðir 5
keppendur, frá Keflavík 4, frá
Selfossi 5.
Þannig verða keppendur af Suð-
urlandi 41.
Frá Isafirði verða keppendur 5.
Frá öðrum stöðum á landinu
koma keppendur ekki, utan 5
héðan úr bæ. Alls eru 51 kepp-
andi skráður í móti þessu.
Það vekur nokkra furðu, að
engir keppendur skuli koma frá
Norðurlandi. Aðstaða til sundiðk-
ana er þar þó víða ágæt, einkum
þó á Akureyri.
1 hópi skráðra keppenda eru
margar fræknustu sundstjörnur
landsins, með mikla keppnis-
reynslu að baki á innlendum og
erlendum sundmótum.
Fyrst skal frægan telja Guð-
mund Gíslason, margfaldan ís-
landsmethafa í fjölmörgum sund-
greinum. ,
Þá má nefna sundkappana og
Islandsmethafana Hörð B. Finns-
son, Davíð Valgarðsson og Fylki
Ágústsson.
I hópi kvennanna er fræknust
Hrafnhildur Guðmundsdóttir, sem
nú á orðið flest öll Islandsmet í
sundgreinum kvenna.
I hópi kvennaliðsins verða einn-
ig margar aðrar þekktar sundkon-
ur svo sem þær Matthildur Guð-
mundsdóttir, Eygló Hauksdóttir,
Hrafnhildur Kristjánsdóttir, Þur-
íður Jónsdóttir og Kolbrún Leifs-
dóttir.
—o—
Fararstjóri Sunnlendinganna er
formaður Sundsambands Islands,
hinn aldni sundkappi Erlingur
Pálsson, sem fyrstur manna lék
þá sundraun eftir Gretti Ásmund-
arsyni að synda frá Drangey og
til lands. Með sundfólkinu koma
og ýmsir af leiðandi mönnum í
sundíþróttinni og er reiknað með,
að hópurinn verði um 60 manns.
Allt kemur þetta fólk hingað
með flugvélum. Þannig munu Is-.
firðingarnir fljúga hingað í kvöld
beint frá Isafirði.
Sunnlendingarnir munu koma
með Douglasvél Flugsýnar í tveim
ferðum. Mun fyrri hópurinn koma
hingað í kvöld, en hinn síðari í
fyrramálið., ,
Eins og auglýst er hér í blað-
inu í dag, hefst mótið kl. 2 á
morgun. Þá verður keppt í um
helming sundgreinanna, en alls
eru sundgreinar mótsins 20.
Síðari hluti mótsins fer sva
fram á sunnudag og hefst einnig
kl. 2.
Það er von okkar, sem að mót-
inu stöndum, að Norðfirðingar
sýni þessum merka íþróttaviðburði
verðskuldaða athygli og ræktar-
semi, og fjölmenni að sundlaug-
inni báða mótsdagana.
Stefán Þorleifsson.
Skógræktarfélag Neskaupstað-
ar hélt aðalfund sinn mánudaginn
20. júní.
I skýrslu stjórnarinnar kom
það fram, að sl. vetur hafði orðið
mikið tjón af völdum snjóþyngsla
og snjóflóða á girðingum skóg-
ræktarinnar.
Girðing sú, sem gerð var í
fyrrasumar, um 1150 m' á lengd
og 8 ha. að stærð, má heita ónýt,
eða verri en það, þar sem víra-
flækjurnar liggja út um allt og
mikið verk að hirða það' upp.
Ytri lína gömlu girðingarinna -
eyðilagðist alveg en gert hefur
verið við hana.
Ekki er að sjá að gróðurii n
hafi beðið neitt verulegt tjón af
þessum ósköpum.
Hinni nýju stjórn var falið1 að
ráða fram úr girðingamálum.m.
1 reikningum kom það fram, að
skuldlaus eign félagsins er nú kr.
133.116.83.
I stjórn voru kosin:
Eyþór Þórðarson,
Gunnar Ólafsson,
Hjörleifur Guttormsson,
Jón L. Baldursson,
Sveinhildur Vilhjálmsdóttir.