Austurland - 23.02.1968, Blaðsíða 3

Neskaupstað, 23. febrúar 1968.
AUSTURLAND
3
Leynimelur 13
Framhald af 1. síðu.
eitthvað sé nefnt. Það er mitt álit,
að Fáskrúðsfirðingar hafi þarna
átt góðan leik. Mörg hlutverkin
voru mjög vel og trúverðuglega
leikin. Get ég ekki stillt mig um
að geta þar sérstaklega Sveins
Jóns Jónssonar, skósmiðs, en
hann lék Jón Erlingur Guðmunds-
son á einkar skemmtilegan hátt.
Eru þá aðrir leikendur með öllu
ólastaðir, en margir fleiri skiluðu
sínum hlutverkum vel. I einstaka
hlutverki bar þó á nokkru hiki og
ofleik mátti og kenna í öðrum.
En eins og ég gat um áður, ligg-
ur þar 'einmitt hættan í túlkun
leikrits sem þessa, þó að ofleikur-
inn framkalli gjarnan örari hlát-
ur í sal.
Leikendur voru alls 13 og voru
þessir: Ingi Helgason, Árný Arn-
þórsdótt’r, Margrét Jónsdóttir,
Albert Kemp, Sjöfn Traustadótt-
ir, Jón E. Guðmundsson, Kristín
Halldórsdóttir, Jónína Árnadótt-
ir, Snjólaug Kristinsdóttir, Gísli
Jónatansson, Sölvi Kjerúlf, Þór-
ólfur Friðgeirsson og Geir Helga-
son.
Sumir þessara leikenda eru
orðnir nokkuð sviðsvanir á okk-
ar vísu, en aðrir byrjendur. Er
vissulega ekki ástæða fyrir Fá-
skrúðsfirðinga að örvænta, þar
sem þeir hafa á að skipa mörgu
hæfu fólki og efnilegum byrjend-
um. Og viljinn til að vinna að
þessum málum er fyrir hendi, og
er það kannski það þýðingar-
mesta — þjálfunin fæst aðeins
með því að vinna ötullega.
Leikstjóri var Kristján Jóns-
son, sem getið hefur sér gott orð
sem leikstjóri og hefur starfað
með áhugamannafélögum víða um
land auk starfs hjá Þjóðleikhús-
inu og Ríkisútvarpinu. Hefur
hann auðsjáanlega sett leikritið
upp með það fyrir augum, að öll
skrípalæti yrðu utan dyra sem
vera ber. Varð mér þetta ljósara
vegna samanburðar við aðra svið-
setningu þessa leikrits, er ég sá
hér fyrir nokkrum árum.
Leikmynd gerði Páll Gunnars-
son.
Eins og fram kemur í smekk-
legri leikskrá, er þetta 5. starfsár
Leikfélags Fáskrúðsfjarðar og
Leynimelur 13. 4. leikritið, sem
það sýnir, og er þá ótalið það
leikrit, er sýnt var, aður en fé-
lagið var stofnað — Græna lyft-
an — en sú sýning var undan-
fari félagsstofnunar.
Þetta er ungt félag, en hefur
sýnt dugnað í starfi og skal sú
ósk borin fram hér félaginu til
handa, að starfsemi þess megi
áfram blómgast og vaxa.
Leynimel 13 hefur Leikfélag
Fáskrúðsfjarðar sýnt alls sjö
sinnum; fjórum sinnum á Fá-
skrúðsfirði, einu sinhi á Eskifirði
og tvisvar í Neskaupstað. Ætlun-
in mun vera að sýna leikritið víð-
ar um Austurland, ef aðstæður
leyfa.
Stjórn Leikfélags Fáskrúðs-
fjarðar er nú þannig skipuð:
Magnús Stefánsson, formaður;
Einar Jónsson, féhirðir; Arnfríð-
ur Guðjónsdóttir, ritari og Ólafur
Bergþórsson varaformaður.
Að lokum vil ég þakka leik-
flokki Leikfélags Fáskrúðsfjarðar
komuna hingað og góða skemmt-
Um „Múlaþing"
Framh. af 4. síðu.
að kaupa þetta rit Sögufélagsins,
eina ársritið sem nú er gefið út
í fjórðungnum. Tímarit eru mis-
jöfn, einstök hefti sama rits
hljóta að verða ólík að gæðum, og
getur slíkt mat auðvitað verið
smekksatriði. En það sem máli
skiptir öðru fremur er sá andi,
sem að baki slíkri útgáfu stend-
ur, sá tilgangur sem ritið þjónar.
Múlaþing á sér tvímælaiausan til-
verurétt, útgáfa þess er nauðsyn,
og því eiga sem flestir er aifst-
firzku unna að styrkja það með
áskrift sinni. Og svo er einnig um
fleiri hugðarefni Sögufélags Alust-
urlands, sem fyrr en síðar þurfa
að verða að veruleika, á sama
hátt og Múlaþing nú hefur unnið
sér öruggan þegnrétt.
Hjörleifur Guttormsson.
Símnotendur
eru minntir á eindaga símagjalda nú um helgina. Þeir, sem
eiga ógoldna áfallna símareikninga eftir þann tíma, mega bú- ;
; ast við símalokun án frekari viðvörunar.
Símstjóri.
Þróttarfélagar
Hlöðuball verður í Skíðaskálanum nk. laugardagskvöld, 24.
þ. m. Aldurstakmark 14 ár.
4 í íirði leika.
SVARTI TLJLIPANINN
Frönsk skylmingamynd eftir samnefndri sögu Alexanders
Dumas. Aðalhlutverk: Alain Delon. —■ íslenzkur texti. — Sýnd
í kvöld, föstudag kl. 9.
Barnásýning á sunuudag kl. 3 verður auglýst nánar í út-
sti’lingarglugga.
NJÓSNARI I MISGRIPUM
Sýnd sunnudag kl. 5. — Bönnuð innan 12 ára.
8V2
Stórmynd eftir Fellini. Aðalhlutverk: Marcello Mastroianni,
Claudia Cardihale, Sandra Milo. Sýnd sunnudag kl. 9.

BANANAR ALLABÚÐ

REYKTUR LAX KAUPFÉLAGIÐ FRAM

Rít Sögufélags Austurlands
Múlaþing
2. hefti er nýlega komið út.
Umboðsmenn í Múlasýslum:
Vopnafjörður: Guðríður Jónsdóttir, Snæfelli
Jökulsárhlíð: Bragi Björnsson, Surtsstöðum
IJökuldalur: Skjöldur Eiríksson, Skjöidólfsstöðum
Hróarstunga: Gísli Hallgrímscon, Hallfreðarstöðum
Fell: Helgi Gíslason, Helgafelli
Fljótsdalur: Rögnvaldur Erlingsson, Víðivöllum
Vallahreppur: Sveinn Einarsson, Hallormsstað
Skriðdalur: Friðrik Jónsson, Þorvaldsstöðum
Egilsstaðir: Björn Sveinsson, Selási 31
Eiðaþinghá: Ármann Halldórsson, Eiðum
Hjaltastaðaþinghá: Björn Guttormsson, Ketilsstöðum
Borgarfjörður: Sigurður Ó. Pálsson, Skriðubóli
Seyðisfjörður: Séra Heimir Steinsson
Norðfjörður: Birgir Stefánsson, Þiljuvöllum 31
Eskifjörður: Maren Jónsdóttir, Sólheimum
Reyðarfjörður: Marinó Sigurbjörnsson
Fáskrúðsfjörður: Benedikt Björnsson
Breiðdalur: Heimir Þór Gíslason, Staðarborg
Djúpavogur: Valgeir Vilhjálmsson
Sölustaðir víðar, m. a.:
Höfn í Hornafirði: Verzlun Kristjáns Imsland
Reykjavík: Bókin, Skólavörðustíg 6
Austfirðingar! Múlaþing flytur fjölbreytilegt og fræðandi
austfirzkt efni frá þjóðveldistíma til þessa dags.
Styðjið útgáfu ritsins. Heftið kostar aðeins 200.00 kr. Um-
boðsmenn taka við áskrift ykkar.
SOGUFÉLAG AUSTURLANDS.
_____________________________________ 1
‘~WW><W>,WVWVWWWWWWVwwwVwwVVVVVVVVVVVVVVVVWWW----.....,vvvvwww