Morgunblaðið - 22.10.2011, Blaðsíða 3

ÍÞRÓTTIR 3
MORGUNBLAÐIÐ LAUGARDAGUR 22. OKTÓBER 2011
VIÐHORF
Guðmundur Hilmarsson
gummih@mbl.is
Er ekki hægt að hafa meiri reisn yfir uppske-
ruhátíð knattspyrnufólks en boðið var upp á í
höfuðstöðvum Knattspyrnusambands Íslands
í fyrradag? Lítill hluti þeirra leikmanna sem
þóttu skara fram úr á tímabilinu var mættur
og undarlegt að það skyldi haldið á sama
tíma og „stelpurnar okkar“ í landsliðinu eru
staddar í Ungverjalandi. Sex leikmenn úr 11
manna úrvalsliði Pepsi-deildar karla mættu
til að taka á móti viðurkenningum sínum en
aðeins tveir leikmenn úr Pepsi-deild kvenna.
Gunnhildur Yrsa Jónsdóttir, besti leik-
maður í kvennaflokki, var ekki á staðnum,
enda í Ungverjalandi, né heldur tveir af
markahæstu leikmönnum Pepsi-deildar
karla og Þorlákur Árnason, þjálfari ársins í
Pepsi-deild kvenna. Svona mæti telja áfram.
Fyrir vikið var uppskeruhátíðin rýr í roðinu,
stemningslaus með öllu og bestu leik-
mönnum deildanna í ár sýnd hálfgerð óvirð-
ing.
Eftir tímabilið 2008 breytti KSÍ út af venj-
unni og það er kannski í anda kreppunnar.
Bíósalur í Háskólabíói á mánudagseft-
irmiðdegi varð fyrir valinu haustið 2009 í
stað hefðbundins glæsilegs lokahófs á Hótel
Íslandi. Undirritaður ritaði smá pistil í
Morgunblaðið eftir það „hóf“ þar sem
fyrirsögnin var á þessa leið: „Staddur á
lélegri bíómynd“. Von mín var sú að
menn hefðu þar dregið sinn lærdóm en
miðað við það sem boðið var upp á í
fyrradag hefur svo ekki verið.
Verðlaunaafhendingu í lok tímabils,
þar sem útnefndir eru bestu og efnileg-
ustu leikmenn Íslandsmótsins, þjálfarar
ársins og dómarar ársins, á skapa betri
umgjörð en raun ber vitni og henni á að
sýna meiri virðingu en gert hefur verið
undanfarin ár af hálfu þeirra sem stjórna
málum hjá Knattspyrnusambandinu.
Uppskeruhátíðin var frekar rýr í roðinu
Bestar Svona var úrvalsliði Pepsi-deildar kvenna
stillt upp á uppskeruhátíðinni. Tveir leikmenn af
ellefu voru mættir. Er þetta hægt?
Morgunblaðið/Árni Sæberg
Jakob JóhannSveinsson,
Íslandsmethafi í
sundi úr Sund-
félaginu Ægi,
hefur æft með
norska landslið-
inu í sundi síð-
ustu vikuna en
það er í æf-
ingabúðum í Sierra Nevada á Suð-
ur-Spáni. Hann verður með hópn-
um þar í tvær vikur til víðbótar.
  
Kvennalið HK í handknattleikleikur báða leiki sína við
franska liðið Fleury Loiret Hand-
ball í Orleans í Frakklandi í 3. um-
ferð Áskorendakeppni Evrópu.
Leikirnir fara fram 5. og 6. nóv-
ember.
  
Gunnar Valur Gunnarsson, semhefur verið fyrirliði knatt-
spyrnuliðs Fjölnis undanfarin ár,
gekk í gær til liðs við 1. deildar lið
KA og samdi við félagið til tveggja
ára. Gunnar Valur er 29 ára gamall
Akureyringur og KA-maður í yngri
flokkum en spilaði aldrei með
meistaraflokki félagsins. Hann
gekk til liðs við Fjölni og hefur spil-
að með Grafarvogsfélaginu frá
árinu 2003. Þar á hann að baki 188
leiki, og þar af lék hann 41 af 44
leikjum Fjölnis í úrvalsdeildinni
2008 og 2009, auk þess að spila með
liðinu í úrslitaleikjum bikarkeppn-
innar 2007 og 2008.
  
Golfklúbbur Reykjavíkur er í 18.sæti af 29 liðum í Evr-
ópukeppni félagsliða í golfi eftir
annan keppnisdaginn af þremur í
Antalya í Tyrklandi. GR var í 22.
sæti eftir fyrsta daginn en hækkaði
sig um fjögur sæti með betri spila-
mennsku í gær. Haraldur Franklín
Magnús var aftur bestur GR-
manna og lék á tveimur höggum yf-
ir pari. Guðmundur Ágúst Krist-
jánsson var á 6 höggum yfir og
Arnar Snær Hákonarson á 7 högg-
um yfir pari.
Tveir betri keppendurnir eru
reiknaðir með hverju sinni. Ísland
var því á 8 höggum yfir pari í gær
og er samtals á 22 höggum yfir
pari. Franska liðið Lyon er efst á 3
höggum undir pari.
  
Jón Vilhelm Ákason, knatt-spyrnumaður frá Akranesi,
samdi í gær við Skagamenn til
tveggja ára og
snýr því aftur til
þeirra eftir að
hafa leikið með
Valsmönnum
undanfarin tvö
ár. Jón Vilhelm
verður 25 ára í
næsta mánuði og
lék með ÍA til
ársins 2009 og á
að baki 67 leiki með liðinu í efstu
deild. Hann spilaði með Skaga-
mönnum í 1. deildinni 2009 en síðan
með Val síðustu tvö árin. Í ár lék
Jón 19 leiki með Val í úrvalsdeild-
inni og skoraði 4 mörk.
Fólk sport@mbl.is
Guðmundur Hilmarsson
gummih@mbl.is
Það hefur verið um fátt annað talað í Manchester-
borg síðustu dagana en viðureign Manchester
United og Manchester City sem mætast í toppslag
ensku úrvalsdeildarinnar í knattspyrnu á Old Traf-
ford í hádeginu á morgun. Þetta er slagur tveggja
efstu liðanna í deildinni en hið rándýra City-lið hef-
ur tveggja stiga forskot á Englandsmeistarana og
er þremur stigum á undan Chelsea en tvö síðast
nefndu liðin hafa skipt Englandsmeistaratitlinum á
milli sín allar götur frá 2004.
Nú telja margir að ljósbláu drengirnir úr Man-
chester City geti skákað United og Chelsea enda
hefur miklu verið kostað til hjá félaginu undir
stjórn vellauðugra kaupsýslumanna.
Sir Alex Ferguson, stjóri United, segir að við-
ureignin við City sé líklega sú stærsta frá því hann
settist í stjórastólinn hjá félaginu árið 1986.
Ferguson: Búum okkur undir erfiðan leik
„Manchester City hefur staðið sig frábærlega vel
og ef það hefði ekki misst niður tveggja marka for-
skot á móti Fulham þá væri liðið með 100% árang-
ur. Þetta gæti orðið svakalegur leikur og ég er full-
ur tilhlökkunar. Stundum geta grannaslagir valdið
vonbrigðum. Um síðustu helgi á móti Liverpool
gerðist fátt fyrsta klukkutímann. En þegar markið
kom í leikinn þá varð leikurinn frábær. City-liðið
býr yfir mikilli reynslu og í því eru margir reynslu-
miklir leikmenn svo við búum okkur undir erfiðan
leik,“ sagði Ferguson við fréttamenn í gær.
Mancini: Nógu sterkir til að fara alla leið
Byrjun City er sú besta hjá félaginu í efstu deild
frá árinu 1897 en undir stjórn Ítalans Roberto
Mancini tókst liðinu að vinna sinn fyrsta stóra titil í
35 ár á síðustu leiktíð þegar liðið varð bikarmeist-
ari. Mancini segir að lið sitt geti vel unnið Man-
chester United á Old Trafford og geti einnig hamp-
að meistaratitlinum.
„Við getum unnið United en bara ef við spilum
vel. Ég tel að lið mitt og leikmennirnir séu nógu
sterkir til fara alla leið og vinna titilinn. Reynslan
og getan er til staðar. Það var mikilvægt að byrja
tímabilið svona vel en markmið okkar fyrir tímabil-
ið var að gera betur en í fyrra og ég tel að við eigum
góða möguleika á að gera það,“ sagði Mancini.
Verður að taka City alvarlega
„City er komið upp fyrir United á stigatöflunni
og það sýnir að það verður að taka liðið alvarlega í
baráttunni um titilinn í ár. Þetta gæti orðið stærri
leikur fyrir United heldur en leikurinn á móti Liv-
erpool,“ sagði Gary Pallister, fyrrum fyrirliði Man-
chester United, við BBC.
„United tapaði aðeins tveimur stigum á heima-
velli á síðustu leiktíð og á þessu tímabili hefur liðið
unnið Tottenham, Arsenal og Chelsea á Old Traf-
ford. Þetta er ótrúlegur árangur og með þann
stuðning sem United verður með þá er það sig-
urstranglegra en ég held að það ráði miklu hvernig
City mun nálgast leikinn.
Vonandi verður City áfram í sóknarhug
„City hefur í gegnum árin ekki spilað upp á að
vinna titilinn. Markmiðið hjá liðinu hefur bara verið
að vinna grannana. En núna hefur þetta gjörbreyst
og þegar þau mætast núna er City í toppsætinu. Ég
vona bara að City-liðið spili eins og það hefur gert á
tímabilinu. Það hefur verið í sóknarhug og ég teldi
það best fyrir liðið að halda því áfram þó svo að
leikurinn sé á Old Trafford. Það eru frábærir sókn-
armenn í Manchester City og ég held að Mancini
komi þeim skilaboðum til sinna manna að óttast
ekki lið United heldur spila sinn leik,“ sagði Andy
Hinchcliffe, fyrrum leikmaður City, við BBC.
Gæti orðið
svakalegur leikur
Reuters
Gestir Sergio Agüero og Roberto Mancini mæta
með Man. City á Old Trafford á morgun.
 Stærsti grannaslagurinn í 25 ár, segir Sir Alex
 Topplið City í heimsókn á Old Trafford
Toppslagur
» Manchester City er efst í deildinni fyrir
leikinn á morgun með 22 stig af 24 mögu-
legum úr fyrstu 8 umferðunum.
» Manchester United er í öðru sæti, er líka
taplaust og með 20 stig. Þar á eftir koma
Chelsea með 19, Newcastle með 16 og Liver-
pool með 14 stig.
» Leikurinn á Old Trafford hefst klukkan
12.30 að íslenskum tíma.
UNDANKEPPNI EM
Ívar Benediktsson
iben@mbl.is
Íslenska landsliðið í handknattleik
kvenna tekur á morgun kl. 16 á móti
landsliði Úkraínu í Laugardalshöll-
inni. Um er ræða annan leik beggja
liða í 7. riðli undankeppni Evr-
ópumótsins og fyrsta heimaleik Ís-
lands í keppninni. Á fimmtudaginn
tapaði Ísland fyrir Spáni ytra, 27:22,
en daginn áður lagði lið Úkraínu liðs-
menn Sviss, 31:20, á heimavelli.
Fjórar þjóðir eru í riðlinum og
leika þær hver við aðra í tvígang. Að
riðlakeppninni lokinni fara tvær efstu
þjóðirnar áfram í lokakeppnina sem
fram fer í Hollandi í desember á næsta
ári.
Fyrirfram er talið að Spánn sé með
besta liðið í riðlinum og Sviss það lak-
asta. Þar með er reiknað með að bar-
áttan um annað sætið í riðlinum standi
á milli Íslands og Úkraínu. Leikmenn
íslenska landsliðsins og þjálfari þess,
Ágúst Jóhannsson, hafa sett stefnuna
á annað af tveimur efstu sætunum og
tryggja sér þar með sæti í þriðja stór-
mótinu í röð.
Ísland var með á EM í Danmörku í
fyrra og fer á heimsmeistaramótið
sem haldið verður í Brasilíu í byrjun
desember.
Íslenska landsliðið tryggði sér
keppnisrétt á HM þegar það lagði
Úkraínu í tveimur leikjum í vor og nú
mæta þær úkra-
ínsku til Íslands á
nýjan leik.
Í vor vann ís-
lenska liðið auð-
veldan sigur,
37:18, á heimavelli
en ytra skildu
þjóðirnar jafnar,
24:24. Eflaust hafa
úrkaínsku kon-
urnar vanmetið
þær íslensku í fyrri leiknum í vor og
þegar við bættist ákveðinn og góður
leikur heimaliðsins var niðurstaðan 19
marka sigur Íslands.
Úkraínska liðið lærði örugglega sína
lexíu í vor og mætir örugglega ein-
beittara til leiks í Laugardalshöllinni á
morgun. Ekki hafa orðið miklar breyt-
ingar á liðinu frá því í vor. Tíu af sex-
tán liðsmönnum úkraínska landsliðs-
ins sem spiluðu gegn Íslandi í vor tóku
þátt í sigurleiknum við Sviss á mið-
vikudagskvöldið. Íslenska landsliðið
er nær óbreytt frá leikjunum í vor.
Ætli íslenska landsliðið að láta
draum sinn rætast um þátttöku í
þriðja stórmótinu í röð verður það að
vinna heimaleikina, a.m.k. gegn Úkra-
ínu og Sviss.
„Við þurfum góðan leik til þess að
vinna Úkraínu,“ segir Ágúst landsliðs-
þjálfari. „Með stuðningi áhorfenda eru
okkur nær allir vegir færir,“ segir
Ágúst sem skorar á landsmenn að fjöl-
menna í Laugardalshöll kl. 16 á morg-
un.
„Við þurfum góðan leik“
 Íslenska landsliðið í handknattleik óskar eftir stuðningi gegn Úkraínu
 Keppnin stendur um sæti á EM  Nær óbreytt lið frá leikjunum í vor
Ágúst
Jóhannsson
og
eð
ann-
uka-
með
j-
ert
ði
9
2
0
0
9
9
8
7
5
4
4
3
3
1
0
0
9
9
9
9
8