Morgunblaðið - 24.10.2011, Blaðsíða 12
12 FRÉTTIRViðskipti | Atvinnulíf
MORGUNBLAÐIÐ MÁNUDAGUR 24. OKTÓBER 2011
H
a
u
ku
r
0
9
b
.1
1
Guðni Halldórsson
lögfræðingur,
gudni@kontakt.is
Haukur Halldórsson hdl.
haukur@kontakt.is
Brynhildur Bergþórsdóttir
rekstrarhagfræðingur,
lögg. verðbr.- og fasteignasali,
brynhildur@kontakt.is
Gunnar Svavarsson
viðskiptafræðingur,
gunnar@kontakt.is
Jens Ingólfsson
rekstrarhagfræðingur,
jens@kontakt.is
Sigurður A.
Þóroddsson hrl.
sigurdur@kontakt.is
Forgangslisti er nýjung fyrir kaupendur og fjárfesta.
Skráning á www.kontakt.is
• Skráðu þig á forgangslista og við sendum þér reglulega upplýsingar í
tölvupósti um tækifæri sem við getum ekki sett í auglýsingar.
Upplýsingar og skráning á www.kontakt.is.
• Fjárfestir leitar að góðum sölustjóra-meðeiganda til að kaupa með sér gott
innflutnings- og framleiðslufyrirtæki sem tengist byggingariðnaði og hefur
gengið vel í kreppunni. Viðkomandi verður að vera duglegur og heiðarlegur
með góða samkiptahæfni og vera vanur sölustörfum á þessu sviði.
• Sérhæfð ferðaskrifstofa sem hefur verið í miklum vexti á undanförnum árum
óskar eftir framkvæmdastjóra og meðeiganda sem myndi eignast fyrirtækið
allt þegar núverandi eigandi hættir vegna aldurs. Nýr framkvæmdastjóri
þarf að hafa gott fjármálavit og skipulagshæfileika til að halda utan um
fyrirsjáanlega stækkun fyrirtækisins.
• Sérverslun í miðbænum með langa og góða rekstrarsögu. Ársvelta 100 mkr.
• Framleiðslufyrirtæki með eigin verslanir. Með yfir 50% markaðshlutdeild og
góða vaxtamöguleika. Ársvelta 400 mkr. Góð framlegð.
• Rótgróið og vel þekkt gólfefnafyrirtæki. Ársvelta 200 mkr. Góð afkoma og
hagkvæmur lager.
• Stórt hvalaskoðunarfyrirtæki í Reykjavík með glæsilegan bát. Mikill vöxtur
milli ára og hægt að gera enn betur.
• Rótgróið gistihús í miðbænum. 50 herbergi. Mjög góð afkoma.
Ásgeir Ingvarsson
ai@mbl.is
Þegar kemur að því að nýta auglýs-
ingamöguleika netsins virðist eins og
íslensk fyrirtæki séu ekki alveg með á
nótunum. „Ef við skoðum markaðs-
starf á Íslandi kemur í ljós að hlut-
deild netmiðla er aðeins um 5-6% en
algengt er að sjá tölur í kringum 18-
25% í Skandinavíu og Vestur-Evr-
ópu,“ segir Frosti Jónsson, ráðgjafi
hjá Birtingahúsinu.
Óvenjusterk dagblöð
Nokkrar kenningar geta skýrt
hvers vegna svona lítið fer fyrir
markaðssetningu á netinu hjá þjóð
sem oft hreykir sér af að vera
fremst í flokki þegar kemur að
netnotkun. „Ein skýringin er að
við búum við óvenjusterka hlutdeild
dagblaða á auglýsingamarkaði. Aug-
lýsingamarkaðurinn á Íslandi er frá-
brugðinn mörkuðum erlendis að því
leyti að hlutdeild dagblaða er miklu
hærri hér á landi eða í kringum 50-
60%. Þá staðreynd að dagblöðin taka
mest til sín af veltunni á auglýsinga-
markaðinum má skýra meðal annars
með því að lestur þeirra er mjög mik-
ill og miðillinn því freistandi ef ná þarf
í stóran hluta markhópsins. Þessi
mikli styrkur prentmiðlanna er svo á
vissan hátt á kostnað annarra miðla,“
segir Frosti. „Önnur sennileg skýring
er að okkur vantar tilfinnanlega gögn
og upplýsingar um notkun innlendra
vefmiðla, t.d. hversu vel þeir ná til
ólíkra markhópa svo meta megi ár-
angur auglýsingaherferða sem nýta
sér þessa miðla. Við sjáum að á mörk-
uðum erlendis hafa auglýsendur og
birtingaaðilar úr meiri og ítarlegri
gögnum að moða þegar verið er að
vega og meta kosti vefmiðla gagnvart
öðrum auglýsingamiðlum eða meta
vægi þeirra í birtingaplönum sem
nýta aðra miðla samhliða. Á Íslandi er
það í mörgum tilvikum alveg óráðið
fyrir auglýsandann hvað hann getur
fengið út úr því að fjárfesta í auglýs-
ingu hjá netmiðli.“
Þeir litlu leiða þróunina
Enn einn áhrifavaldurinn kann að
snúa að auglýsingabransanum al-
mennt; að bæði auglýsingastofur og
auglýsendur séu fullíhaldssöm. „Þetta
er geiri sem virðist ekki sérlega fljót-
ur að bregðast við og nýta sér nýja
tækni og tækifæri. Ég held að það
megi færa ágæt rök fyrir því að nýj-
ungar á auglýsingamarkaðinum hafi
frekar verið drifnar áfram af litlum
hugmyndaríkum „digital“-stofum
sem hafa gert sér grein fyrir mögu-
leikum sem liggja í netinu þegar kem-
ur að markaðssetningu og tileinkað
sér þekkingu og tækni til að ná mæl-
anlegum árangri. Áskorunin sem við
stöndum frammi fyrir nú, og það á
jafnt við um birtingahúsin, auglýs-
ingastofurnar og auglýsendur, er að
samhæfa betur markaðssamskiptin
svo við nýtum kosti eiginlega allra
þeirra miðla sem við þurfum að nota
til að ná árangri.“
Frosti segir vanráðið að gefa netinu
ekki betri gaum í markaðsstarfi. Net-
ið sé mikilvægur hluti af miðlanotkun
almennings og mikilvægur hlekkur í
samspili ólíkra auglýsingamiðla. „Það
er t.d. raunin að stór hluti þeirra sem
sitja heima og horfa á sjónvarpið er
um leið með fartölvu, snjallsíma eða
spjaldtölvu við höndina. Ef þetta
fólk sér sjónvarpsauglýsingu
sem vekur áhuga er það um leið
farið að leita nánari upplýsinga á
netinu og þá er mikið tækifæri
sem glatast ef neytandinn grípur
í tómt eða það sem verra er, hann
endar hjá samkeppnisaðila. Fyr-
irtæki verða að huga að þessu
samspili milli ólíkra miðla og gera
sér grein fyrir afleiðingunum, eða
tækifærunum sem þau fara á mis
við, ef þau gera það ekki,“ segir
hann. „Þá er netið einstakur auglýs-
ingamiðill hvað snýr að möguleikum
til að mæla árangur og svörun og
fínskerpa þannig herferðir svo þær
skili sem mestum árangri. Hér eigum
við töluvert langt í land ef við berum
okkur saman við nágrannalöndin,
a.m.k. hvað snýr að auglýsingabirt-
ingum á innlendum vefmiðlum. Ef við
horfum til íslensku vefmiðlanna þá
höfum við t.d. litla sem enga stjórn á
að stýra inntaki auglýsinga eftir
áhugasviðum þess hóps sem við vilj-
um ná í.“
Vandað samspil
En eins og með allt auglýsingastarf
segir Frosti að netið sem miðill sé
ekki nein töfralausn. Auglýsendur
verði að gera sér góða grein fyrir
hver markmiðin eru, til hverra á að
höfða og eftir hverju er verið að leita
– og síðan velja rétta miðilinn eða
miðlana og framsetninguna til að ná
þeim markmiðum. „Og gleymum því
ekki að netið er ekki bara einn miðil,
heldur margir miðlar með ólíkum
styrkleikum, veikleikum og mögu-
leikum,“ bætir Frosti við.
„Auglýsendur verða að huga vand-
lega að samhæfingu ólíkra miðla í
markaðssamskiptum sínum hvort
sem um er að ræða sjónvarp, útvarp,
dagblöð, net eða útimiðla en huga líka
að eigin miðlum eins og heimasíðu eða
almannatengslum. Ólíkir miðlar örva
skilningarvit fólks með mismunandi
hætti og með því að nýta sér eigin-
leika ólíkra miðla – netsins þar á með-
al – aukast líkurnar á að við náum at-
hygli fleiri innan markhópsins á
hagkvæmari máta auk þess sem það
er líklegt til að skila sér í aukinni eft-
irtekt og vonandi betri árangri.“
Morgunblaðið/Sigurgeir S.
Virkni „Við sjáum að á mörkuðum erlendis hafa auglýsendur og birtingaaðilar úr meiri og ítarlegri gögnum að
moða þegar verið er að vega og meta kosti vefmiðla gagnvart öðrum auglýsingamiðlum eða meta vægi þeirra í birt-
ingaplönum sem nýta aðra miðla samhliða,“ segir Frosti og bætir við að netið búi yfir einstökum eiginleikum.
Þarf að gefa netinu
gaum í markaðsstarfi
Spjald Netið er
orðið stór hluti af miðlanotkun
almennings. Heima í stofu horfir
fólk oft á sjónvarpið með tölvu við
höndina.
Frosti Jónsson segir íslenska auglýsendur vanmeta netið
sem auglýsingamiðil Skýrist m.a. af óvenjusterkum dag-
blöðum og skorti á gögnum um áhrif vefmiðla Netið mikil-
vægur hlekkur í samspili markaðssamskipta yfir ólíka miðla
Allt stefnir í að Virgin Money
muni hafa betur í slagnum við
fjárfestingafyrirtækið NBNK um
kaup á bankanum Northern Rock.
Sunday Times segir von á að
banki Bransons muni bjóða einn
milljarð punda í Northern Rock,
sem verið hefur í eigu breska rík-
isins í kjölfar björgunaraðgerða
árið 2008. Sunday Times hefur eft-
ir ónefndum heimildarmönnum
sem þekkja vel til söluferlisins að
tilboð Virgin njóti meiri velvilja.
Heildarkostnaður breska rík-
isins við björgunina á sínum tíma
var 1,4 milljarðar punda, svo
gangi tilboð Virgin Money eftir
mun tap skattborgara af Northern
Rock vera 400 milljónir punda, eða
um 73 milljarðar króna. Jafngildir
það um 1.200 kr. á hvern íbúa
Bretlands.
Boð Virgin Money nýtur stuðn-
ings bandaríska fjárfestisins Wil-
burs Ross, fjárfestingasjóðs frá
Abu Dhabi og stöndugs bresks líf-
eyrissjóðs að því er WSJ greinir
frá. ai@mbl.is
Branson að eignast
Northern Rock?
Reuters
Sleipur Viðskiptajöfurinn Richard
Branson kemur víða við. Hann setti
fjármálafyrirtækið Virgin Money á
laggirnar árið 1995.