Austurland - 09.08.1984, Blaðsíða 2

2
FIMMTUDAGUR, 9. ÁGÚST 1984.
----------Austurland--------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjarnason,
Kristmn V. Jóhannsson, Þórhallur Jónasson og Smári Geirsson.
Ritstjóri: Birgir Stefánsson.
Auglýsingar og dreifing: Aðalbjörg Hjartardóttir - Pósthólf 31
- 740 Neskaupstað.
Ritstjórn, afgreiðsla, auglýsingar: Egilsbraut 11, Neskaupstað
S7571.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Sjávarútyegur á engan
talsmann í ríkisstjórn
Þegar efnahagsráðstafanir ríkisstjórnarinnar eru
skoðaðar í ljósi hins gríðarlega vanda, sem íslenskur
sjávarútvegur á nú við að etja, hljóta menn að spyrja:
Á sjávarútvegurinn engan talsmann í ríkisstjórn
íslands?
Skuldbreytingin er góðra gjalda verð, þó að hún
vissulega gangi alltof skammt, en skuldbreyting getur
aldrei verið annað en neyðarráðstöfun, því að enginn
lifir lengi á því að fá verðtryggð lán til að fjármagna
tap. Og hugmyndir um 2% vaxtahækkun eru út í
bláinn.
Það er viðurkennt, að tap útgerðar og fiskvinnslu
er vart undir 20% nú og því eru aðgerðir, sem bæta
þá stöðu um2-3%, ekkerttil aðhrópahúrrafyrir.
Þegar útflutningsatvinnuvegirnir eru komnir á
hliðina, m. a. af því að rekstrarkostnaður hefur
hækkað um minnst 35%, en afurðirnar erlendis að-
eins um 7 - 9%, segir sig sjálft, að krukk af þessu
tagi er til lítils.
Talsmenn sjávarútvegsins eru á einu máli um, að
þetta séu óverulegar aðgerðir. „Að láta sér detta í
hug, að rekstrarvandinn sé úr sögunni er fráleitt. Til
þess er misvísun í gengisþróun annars vegar og þróun
tilkostnaðar hins vegar allt of mikil“, segir fram-
kvæmdastjóri sjávarafurðadeildar SÍS. „Mörg orð
um lítið efni“, segir formaður LÍÚ, og stjórnarfor-
maður Sölumiðstöðvarinnar kveður fast að orði og
segir: „Það er umhugsunarvert, hversu djúpt ís-
lenskur sjávarútvegur þarf að sökkva, áður en stjórn-
völd grípa til raunhæfra ráðstafana.“
Ummæli þessara þriggja forystumanna eru þungur
dómur yfir ráðleysi stjórnvalda og þau staðfesta, að
það er því miður rétt niðurstaða, að sjávarútvegurinn
á engan talsmann í ríkisstjórninni. Krjóh.
~ ^ NESKAUPSTAÐUR
Til gjaldenda
Álagningu útsvara og aðstöðugjalda 1984 er
lokið
Álagningarseðlar hafa verið sendir gjaldendum
1. gjalddagi var 1. ágúst
Greiðið á gjalddaga og forðist óþarfa kostnað
Fjármálastjórinn í Neskaupstað.
Göngum betur um bæinn
Það er alltaf gleðilegt að
verða var við, að einhver les
það, sem maður er að skrifa í
blaðið okkar. Allmargir hafa
komið að máli við mig og bent
á þætti í umgengni við umhverf-
ið, sem lagfæra þyrfti og rétt
væri að vekja athygli á. Plássið
er takmarkað, en í dag ætla ég
að koma nokkrum ábendingum
á framfæri.
Ibúi einn út og uppi í bæ segir,
að veruleg brögð séu að því, að
fólk raki saman grasið af blett-
um sínum og fleygi því út í gil,
t. d. Lúðvíksgil ogNesgil. Þetta
er lítil snyrtimennska og raunar
ótækt. Best væri, að í hverjum
garði væri safnhaugur, en ef
menn ekki vilja sjálfir breyta
grasinu í áburð og gróðurmold,
verður að ætlast til þess, að þeir
losi sig við það í sorpið, en dreifi
því ekki á opin svæði.
Einn af nágrönnum Fram-
haldsskólans bað mig að koma
því á framfæri, að það væri
ósköp að sjá, hvernig þar væri
umhorfs utan dyra. Húsið væri
viðhaldslaust og klofhátt gras og
njólaskógur ásamt ýmsum bygg-
ingarleifum prýddu umhverfið.
Þetta er hálfnöturlegt, en stend-
ur vonandi til bóta.
í haust næst góður áfangi í
húsnæðismálum skólans og ef
svigrúm gefst á næstu árum ætti
að ganga í að gera umhverfið í
stand, enda hlýtur umhverfi
barna og unglinga að hafa mót-
andi uppeldisáhrif. Væri e. t. v.
hægt að taka fyrsta skóladaginn
nú í haust í lagfæringar á lóð
eða þá opnu vikuna að vori?
Og að lokum ábending frá
einum nýfluttum í bæinn. Hann
sagði, að í sínum fyrri heimabæ
hefði umhverfi kaupfélagsins
verið áberandi vel hirt bæði hús
og lóðir, en fannst hér vanta
mikið á að svo væri. Þessu er
komið á framfæri við stjórnend-
ur kaupfélagsins og var bent á
reitinn norðan byggingarvöru-
ÁRNAÐ HEILLA
Afmæli
Árni Vilhjálmsson, skipstjóri,
Urðarteigi 5, Neskaupstað varð
65 ára í gær, 8. ágúst. Hann er
fæddur í Neskausptað og hefír
alltaf átt hér heima.
Ragnheiður Pétursdóttir, hús-
móðir, Hlíðargötu 9, Neskaup-
stað er 80 ára í dag, 9. ágúst.
Hún er fædd að Gunnlaugs-
stöðum á Völlum og alin þar
upp. Hún fluttist til Neskaup-
staðar 1924 og hefir átt hér
heima síðan.
Ragnheiður er að heiman í
dag.
Þessi mynd er tekin fyrir tveimur árum. Hér sér upp í hinn grósku-
mikla trjágarð Guðrúnar Björnsdóttur og Magnúsar Guðmunds-
sonar að Hlíðargötu 2 í Neskaupstað.
Ljósm. Jóhann G. Kristinsson.
verslunarinnar, gamla íshúsið, Látum þetta nægja í dag.
vörugeymsluna og eitthvað Góða helgi í garðinum.
fleira. Krjóh.
Kappreiðar
Hestamannafélagið Blær heldur kappreiðar á
Kirkjubólseyrum laugardaginn 18. ágúst
Dagskrá:
Kl. 1000 Gæðingadómar A og B fl.
KI. 1400 Hópreið
Unglingakeppni eldri og yngri
Kynning gæðinga og úrslit A og B fl.
Kappreiðar
Óvænt uppákoma
Skráning keppnishrossa í síma 7476 og 7454
Aðgangur 100 kr. og 50 kr. fyrir börn
Nefndin
NESKAUPSTAÐUR
Frá Bæjar- og héraðsbókasafni
Neskaupstaðar
Safnið verður opnað fimmtud. 9. ágúst, og
verður opið í ágúst og september sem hér
segir:
Mánudaga kl. 16 — 19
Miðvikudaga kl. 16 — 19
Fimmtudaga kl. 20 - 22
Bókavörður