Austurland - 11.04.1985, Blaðsíða 2

2
FIMMTUDAGUR, 11. APRÍL 1985.
----------Austurland--------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjarnason,
Einar Már Sigurðarson, Þórhallur Jónasson og Smári Geirsson.
Ritstjóri: Birgir Stefánsson (ábm.) ®7756.
Auglýsingar og dreifing: Aðalbjörg Hjartardóttir - Pósthólf 31
- 740 Neskaupstað — S7756.
Ritstjórn, afgreiðsla, auglýsingar: Egilsbraut 11, Neskaupstað
557756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Ríkisstjórn í stríði við bændur
í fyrrasumar rak sjávarúíveginn upp á sker stjórnarstefnunnar,
um miðjan vetur voru það húsbyggjendur sem fundu sig komna á
kaldan klaka og nú undir sumarmál er röðin komin að landbúnað-
inum og bændum að reyna að gera stjórnvöldum ljóst í hvert óefni
er komið í sveitum landsins.
Vaxtaokur ofan á verðtryggð lán þrengir að fjölda bænda, sem
lagt hafa í framkvæmdir og leyft sér þann munað að taka lán síðustu
árin. Við þeim blasir sama vonlausa dæmið og hjá húsbyggjendum,
en blikurnar eru þó enn fleiri og dekkri í landbúnaði. þrátt fyrir
einmuna árgæsku frá náttúrunnar hendi.
Lausaskuldalánin sem ýtt var að bændum sem bjarghring og marg-
ir neyddust til að fleyta sér á eru nú þegar orðin eins og myllusteinn
um háls margra bænda og hlaða utan á sig eins og snjóbolti.
Framleiðslusamdráttur í hefðbundnum greinum hefur bitnað hart
á landbúnaðinum og kvótakerfið reynst meingallað stjórntæki. sem
kemur harðast niður á bændum með lítil bú. Þetta kerfi hefur þannig
aukið á mismunun meðal bænda og ýtt undir óhagkvæman búrekstur.
Mikill samdráttur í niðurgreiðslum á landbúnaðarafurðum í tíð
núverandi ríkisstjórnar hefur dregið úr sölu á kjöti og mjólkurafurð-
um og þannig í senn aukið á vanda heimila launafólks og hjá
bændastéttinni.
Síðustu tvö ár hafa bændur ekki fengið fullt verð fyrir afurðir
sínar og tilkynningar þar um borist þeim eftir dúk og disk, nú síðast
í janúarmánuði nær hálfu ári eftir lok síðasta verðlagsárs. í reynd
er þessi verðskerðing bein lækkun á kaupi bóndans. Til viðbótar
þessu boða svo stjórnvöld afnám á rétti til útflutningsbóta sem er
ávísun á enn frekari kjaraskerðingu.
Meðallaun fyrir ársverk í landsbúnaði reyndust á árinu 1983 nema
aðeins 147 þúsund krónum, sem er nærri tvöfalt lægra en hjá þeim
viðmiðunarstéttum, sem laun bóndans eiga að taka mið af. Engin
stétt í landinu býr við jafn þröngan kost nú og drjúgur hluti bænda,
og kreppir þó víða að.
Florfurnar framundan eru heldur ekki bjartar. Áburðarverð hefur
ekki verið ákveðið, þegar þetta er skrifað, en mikil hækkun þess
talin yfirvofandi. Margir bændur sjá ekki fram úr því hvernig þeir
eiga að klj úfa áburðarkaupin, og j afn óljóst er hvaða verð þeir muni
fá fyrir framleiðslu yfirstandandi árs, hvað þá á næsta ári.
Ríkisstjórnin hefur marga leikið grátt, en engan þjóðfélagshóp
jafn hraklega og bændur. Pví miður hafa forráðamenn bænda flestir
látið þetta þegjandi yfir sig ganga, og því ríkir nú trúnaðarbrestur
milli þeirra og bændastéttarinnar, svo ekki sé minnst á ríkisstjórn
Framsóknar- og Sjálfstæðisflokks.
Bændur víða um land eru nú að rísa upp til nauðvarnar. Stofnuð
hafa verið samtök kúabænda á Suðurlandi og nú er verið að stofna
sérstakt Landssamband sauðfjárbænda. Hér er mikil alvara á
ferðum, sem ógnar byggðum víða um land. Það er stjórnarstefnan
sem er að gera fjölda bænda að bónbjargarmönnum í einu mesta
góðæri, sem verið hefur um mestan hluta landsins síðustu misseri.
Vonandi er viðnám sveitafólksins ekki um seinan. H. G.
FRÁ ALÞINGI
Námskeið fyrir fatlaða
í tölvufræðum
Helgi Seljan og Geir Gunn-
arsson hafa flutt svofellda til-
lögu til þingsályktunar um
námskeið fyrir fatlaða í tölvu-
fræðum:
„Alþingi ályktar að skora á
ríkisstjórnina að hún beiti sér
fyrir því að haldin verði nám-
skeið fyrir fatlaða í meðferð
og notkun á tölvum til að auð-
velda fötluðum að fá störf á
vinnumarkaðinum. Félags-
málaráðuneytið standi fyrir
þessum námskeiðum, viðkom-
andi að kostnaðarlausu."
f greinargerð er lögð áhersla
á, að auka þurfi þátttöku fatl-
aðra í atvinnulífinu og nám-
skeiðahald af þessu tagi muni
skila sér til samfélagsins á
margan veg auk þess sem það
bæti hag og líf fatlaðra. En
orðrétt segir í greinargerð
flutningsmanna:
„Tölvutækni og tölvunotk-
un ryðja sér æ meir til rúms í
atvinnulífinu. Til starfa við
tölvur þarf ákveðna þekkingu
byggða á námi, en augljóst er
að tölva sem vinnutæki hentar
sérstaklega vel fötluðum, m. a.
hjólastólafólki. Fá störf munu
þessu fólki þægilegri viðfangs,
auk þess sem þau gefa betri
tekjumöguleika en mörg
önnur. Störf, sem lúta að tölv-
um og notkun þeirra, ná til æ
fleiri þátta og svo mun verða
enn frekar í náinni framtíð.
Fatlaðir þurfa að eiga kost
námskeiða til þess að geta orð-
ið hlutgengir til þessara starfa.
Upp á slík námskeið þarf að
bjóða fötluðum, þeim að
kostnaðarlausu, til örvunar og
hvatningar til frekari atvinnu-
þátttöku, en fjárhagur fatlaðra
almennt er slíkur að námskeið
getur verið þeim ofviða fjár-
hagslega."
Skattaívilnun vegna
ættleiðingar barna
Helgi Seljan og Karvel
Pálmason hafa flutt svofellda
tillögu til þingsályktunar um
skattaívilnun vegna ætt-
leiðingar barna:
„Alþingi ályktar að fela
ríkisstjórninni að láta undir-
búa nú þegar breytingar á
lögum um tekjuskatt sem mæli
fyrir um ákveðna skattaívilnun
til þeirra foreldra sem ættleiða
börn erlendis frá með gífur-
legum tilkostnaði. Kannaðar
verði leiðir til lækkunar út-
svars af sömu ástæðum. Enn-
fremur verði kannaðir mögu-
leikar til afturvirkni þessara
ívilnana svo sem frekast er
kostur."
í greinargerð er bent á, að
ættleiðingar barna erlendis
frá fari stöðugt í vöxt og ástæð-
ur þess séu öllum kunnar og
augljósar og eigi „sér fyllstu
réttlætingu frá tilfinningalegu
og mannlegu sjónarmiði".
Síðan segir orðrétt. „Auk
þess að hafa ómetanlegt og var-
anlegt lífsgildi fyrir viðkomandi
foreldra er einnig oft um að
ræða björgun mannslífa. Hins
vgar er hér um verulegar fjár-
upphæðir að tefia og mikinn
aukakostnað - en óhjákvæmi-
legan og full ástæða cr til að
kanna hvort ekki eigi að taka
tillit til hans við álagningu tekj u-
skatts árið eftir og jafnframt
veita lækkun á útsvari."
Bent er einnig á, að hér sc
aðeins talað um ívilnun í eitt
ár og það skipti litlu fyrir sam-
félagið, en hins vegíir miklu
fyrir viðkomandi aöila, sem
kostað hafi til mikilli fyrirhöfn
og fjármunum, oft til að öölast
meiri lífsfyllingu og nýjan lífs-
tilgang.
Bók
Önnu Sigurðardóttur
Vinna kvenna á íslandi í
1100 ár kemur út í þessum
mánuði, en verkfallið í
haust seinkaði útkomu
hennar
Bókin er 480 blaðsíður,
með 190 myndum
Ath.: Enn er hægt að fá
bókina á áskrifendaverði
sem er ótrúlega lágt
Uppl. gefur ína S 7226 á
kvöldin
NESKAUPSTAÐUR
Starfsfólk
Starfsfólk óskast á barnaheimilið Sólvelli,
Neskaupstað
Um er að ræða hálft starf eftir hádegi, og
afleysingar eftir hádegi
Skriflegar umsóknir sendist forstöðumanni
Barnaheimilið Sólvellir
Neskaupstað