Austurland - 29.05.1987, Síða 2

2
FÖSTUDAGUR, 29. MAÍ 1987.
Austmland
MÁLGAGN ALÞÝÐUBANDALAGSINS
Útgefandi: Kjördæmisráð Alþýðubandalagsins á Austurlandi
Ritnefnd: Elma Guðmundsdóttir, Guðmundur Bjamason, Einar
Már Sigurðarson, Sigrún Þormóðsdóttir og Smári Geirsson
Ritstjóri: Haraldur Bjarnason (ábm.) S 7750 og 7756
Auglýsingar og dreifing: Áshildur Sigurðardóttir © 7750 og 7629
Ritstjórn, afgreiðsla og auglýsingar:
Egilsbraut 11 • Pósthólf 31 ■ 740 Neskaupstaður • © 7750
Prentun: Nesprent
s
I tilefni samræmdra prófa
Samræmda prófið í íslensku
vakti talsverða athygli og ekki að
ástæðulausu. Annarsvegar reynd-
ust málvillur í sjálfu prófinu og
verður að segjast að það er fyrir
neðan allar hellur. Þeir sem fóru
yfir prófið og áttu að sjá til þess að
það væri í alla staði gott og gilt
reyndust svo sannarlega ekki starfi sínu vaxnir. Hins
vegar var útkoman úr prófinu mun lélegri en í fyrra.
Reynt var að grafast fyrir um ástæður þessa og vantaði
þar inn í umræðuna nokkur mikilvæg atriði. Þar virtist
ástand í kennaramálum úti á landsbyggðinni t. d. skipta
litlu máli. Það má ekki gleymast að sá árgangur sem
nú útskrifaðist úr níunda bekk hefur mjög víða haft
hvern réttindalausan kennarann á fætur öðrum jafnt í
íslensku sem í öðrum greinum, fyrir utan að stór hluti
þeirra hafa skipt um kennara árlega.
Vegna síversnandi kjara kennara á valdaferli síð-
ustu ríkisstjórnar yfirgaf stór hluti þeirra stéttina og
þeir sem starfa fara fáir út á land. Helstu ástæður
eru eftirfarandi:
Þjónusta er léleg, félagslíf liggur að miklu leyti í
láginni vegna óhóflegs vinnuálags, kennarar eru oft
óvinsælir og einangrast því gjarnan félagslega, og
þeir fáu sem koma út á land flytja síðan burt með
framfærsluvíxil á herðunum.
Auðvitað er ástandið misgott milli skóla en á heild-
ina litið er það slæmt. Sérmenntaðir kennarar eru
sjaldséðir á landsbyggðinni og íslenskan jafnvel
kennd af fólki sem ekki hefur lokið stúdentsprófi
hvað þá meir. Ómenntaðir kennarar eru að sjálf-
sögðu ekki verra fólk en aðrir en kennslan fer því
miður oft fyrir ofan garð og neðan þrátt fyrir góðan
vilja á stundum.
Sú landsbyggðarpólitík sem rekin hefur verið síð-
ustu fjögur ár er svívirðileg. Við erum að missa flest
úr höndum okkar og meira að segja menntun barna
okkar er í hættu.
Samræmt próf í íslensku er samið miðað við að
nemendur hafi vel menntaða kennara ekki bara ní-
undabekkjarárið heldur að þeir hafi haft þá allan
grunnskólann.
Von margra fyrir kosningar var sú að fólk myndi
afneita þeirri ránstefnu sem stunduð hefur verið síð-
ustu ár en slíkt reyndist ekki á rökum reist, og fyrir
því er framtíð landsbyggðarinnar fyrirkvíðanleg.
Unnur Sólrún Bragadóttir.
Sósíalismi og vor
Nú er um það rætt fyrir
sunnan hverjir skuli stjórna
landinu okkar. Við auðmjúkir
kjósendur bíðum úrslita. Við
kusum flokkinn okkar, listann
okkar eða manninn okkar og
nú bíðum við eftir þvf hvað
þeir hinir kjörnu gera. Pað
tekur einhverjar vikur, jafnvel
mánuði að mynda ríkisstjórn
og á meðan við bíðum situr
gamla stjórnin og Sverrir fær
ráðrúm til að gera meiri usla
og húsnæðiskerfið hans Alex-
anders raknar áfram upp í
frumþætti sína.
Porsteinn reynir að mynda
kvenlega viðreisn, en Stein-
grímur er búinn að gefast upp
einu sinni og bíður nú bara eft-
ir því að fá tilboð um forsætið
í fjögurra flokka stjórn.
Steingrímur er líklegastur í
það vegna þess að hann kann
þá stjórnkænsku að geta verið
bæði sammála og ósammála.
Það er líka eina sérstaða
Steingríms.
Annars er Þorparanum
meira umhugað um annað en
ríkisstjórnarmyndunarviðræð-
ur. Á meðan róttæk stjórmála-
stefna er svo slöpp sem raun
ber vitni er nokkuð sama
hverskonar ríkisstjórn kemur.
Það er því spennandi að
fylgjast með því á hvaða hátt
hinsir róttæku hyggjast leysa
tilvistarvanda sinn. Dálítið
hefur umræðan einkennst af
fumi og fáti og lítið hefur hinn
róttæki armur lært af t. d.
Kvennalistanum. Með skír-
skotun til þess sem þær kalla
reynsluheim kvenna hefur
þessu pólitíska afli tekist að
sniðganga margar ófærur
gömlu flokkanna og skapa sér
sérstöðu. Um leið hefur þetta
stjórnmálaafl veitt nýjum hug-
myndum inn í stjórnmálin.
Það er öllum hollt að fá eitt-
hvað nýtt að hugsa um. Hin
sósíalíska hreyfing hefur ekki
notað sér það bragð að skír-
skota til hinnar sósíalísku lífs-
sýnar, en sú hugsjón er ekki
síður raunveruleg og gagnleg
en reynsluheimur kvenna.
Með slíkri skírskotun veitir
sósíalíska hreyfingin nýjum
hugmyndum inn í stjórnmálin
og fær okkur efnivið í nýjar
hugsanir. í raun og veru felur
sósíalísk lífsskoðun í sér enn
umfangsmeiri reynsluheim en
þann sem tekur mið af reynslu
annars kynsins. Reynsluheim-
ur alþýðunnar á fslandi segir
að breytinga sé þörf og sósía-
lísk skoðun segir að það sé
ekkert sjálfgefið að þjóðskipu-
lagið skuli vera með þeim hætti
sem við þekkjum hér á landi
eða jafnvel annars staðar.
Það er kannski út í hött að
vera að pára um pólitík þegar
sólin skín svona glatt og
sumarið hellist yfir okkur.
Það er engum sama um
veðrið og við hugsum vel um
garðana okkar.
Garðagróðurinn skal dafna
og til fjalla sjáum við grösin
verða græn. Það er engum
sama um náttúruna. í miðri
blíðunni og gróandanum er
pólitíkin auðvitað jafn sjálf-
sögð og allt annað.
Og í blíðunni ætti sósíalism-
inn að leita sterkt á hugann
því það er svo margt líkt með
sósíalismaog vorinu. Þorpari
Aðalfundur
Stangveiðifélags Norðfjarðar
veröur haldinn sunnudaginn 31. maí kl. 16 í Netagerð F. V
Dagskrá: Venjuleg aðalfundarstörf
Önnur mál Stjórnin
í LANDSBANKANUM
FÆRÐU DOLLARA, PUND, MÖRK, FRANKA, PESETA,
FLORINUR, ESCUDOS OG LIRUR
HVORT SEM ÞÚ VILT í SEÐLUM EÐA FERÐATÉKKUM
T.
g þá er ekki allt upp talið.
í öllum afgreiðslum Landsbankans
geta ferðalangar nánast fyrirvaralaust
gengið að gjaldmiðlum allra helstu
viðskiptalanda okkar vísum.
Ferðatékkar, bankaávísanir og seðlar
eru ávallt fyrirliggjandi, í öllum
helstu gjaldmiðlum.
Við minnum líka á Visakortið,
- athugaðu gildistímann áður
en þú leggur af stað.
Góða ferð.
Landsbanki
íslands
Banki allra landsmanna