Austurland - 10.09.1998, Page 8
Elsta bæjar- og héraðsfréttablað landsins,
stofnað 1951
Austurland
Neskaupstað 10. september 1998. Verð ílausasölu kr. 170.
&&&
IWHÍSHg;
Góð aðsókn er íframhaldsskóla fjórðungsins á þessu hausti. I Verkmenntaskólanum í Neskaupstað
verða um 180 nemendur í haust, 120 í bóknámi, en 50 í iðn- og vélstjórnarnámi. Auk þess verða um
20 manns í meistaranámi, en það munfara fram á kvöldin og um helgar. Um 270 nemendur munu
stunda liefðbundið nám í Menntaskólanum á Egilsstöðum, en auk þess verður talsverður fjöldi
utanskólanema. Um 120 nemendur munu stunda nám við Fjölbrautaskóla Austur-Skaftafellssýslu.
A myndinni hér að ofan má sjá nemendur Menntaskólans á Egilsstöðum gaitga í gegnum
busavígslu og skelfingin í augum þeirra dylst ekki. Ljósm. if
Lokatónleikar Bláu kirkjunnar
Þeir voru sl. miðvikudag 2.
september og voru helgaðir
minningu tónskáldsins ljúfa og
ástsæla Inga T. og voru því
einkum flutt lög hans og annarra
seyðfirskra tónskálda. Kirkjan
var troðfull enda var fjöldi gesta
úr nágrannabyggðarlögum.
Ingi T. var fæddur á Seyðis-
firði og alinn upp á tónlistar-
Síðasta ferð
Norrönu í
sumar
Norröna fór síðustu ferð sum-
arsins á þriðjudag. Kvöldið
áður var síðasta hlaðborð
sumarsins á hótelinu sem var
vel sótt og var mikið um
dýrðir. Eftir matinn var að
vanda haldin brenna eins og
alltaf er gert fyrir síðustu ferð
ferjunnar.
heimili, og þar hlaut hann sína
fyrstu og raunverulega einu tón-
listarmenntun. Hann nam ungur
í Verslunarskólanum og lauk því
námi 1913. Eftir það var hann
um sinn við verslunarstörf á
Seyðisfirði, en var síðan langt á
annan áratug símstöðvarstjóri í
Neskaupstað. Ingi byrjaði korn-
ungur að semja lög og var rétt
um tvítugt þegar lagið hans „Ó
blessuð vertu sumarsól,“ birtist í
tímaritinu Óðni. Ingi varð ekki
gamall maður, hann andaðist á
Vopnafirði 24. mars 1946.
Aðalflytjendur á þessum tón-
leikum voru Steinunn Ragnars-
dóttir, píanóleikari og Bergþór
Pálsson, óperusöngvari, auk fjöl-
margra seyðfirskra tónlistar-
manna. Þessir síðustu tónleikar
munu verða þeim minnisstæðir,
sem voru svo heppnir að vera
þar. Gestimir tveir, sem nefndir
eru að framan, eru eins og al-
kunnugt er í fremstu röð og upp-
fylltu allar væntingar. Lifandi og
frjálsmannleg sviðsframkoma
þeirra var líka skemmtileg.
Ekki vakti síður ánægju og
hrifningu tónleikagestanna, vand-
aður flutningur og öll frammi-
staða hins fjölmenna hóps seyð-
firskra listamanna, sem sungu og
spiluðu af hjartans list.
Fyrstu tónleikamir sem kennd-
ir eru við Bláu kirkjuna voru
haldnir 3. júní. Frumkvöðullinn
var Muff Worden, hámenntaður
bandarískur tónlistarmaður sem
hér hefur starfað síðan í haust.
Upphaflega var þetta senni-
lega hugsað sem dægrastytting
fyrir þá fjölmörgu, sem hingað
þyrpast á miðvikudögum, til
þess að sigla með NORRÆNU
næsta morgun. Aðsóknin hefur
líka verið vaxandi, enda hefur
verið reynt að vanda til efnis-
skrár og flytjenda. Þau Muff og
aðstoðarmaður hennar, Sigurður
Jónsson hljóta að fá kærar þakkir
fyrir þetta menningar- og
brautryðjendastarf. J.J.
Pizza 67 færir út kvíarnar
Hinir brosmildu félagar Guð-
mundur R. Gíslason og Birgir
Búason, sem reka Egilsbúð og
Pizza 67, munu í haust opna
útibú á Eskifirði. Þeir hyggjast
reka þar pitsustað og bar og mun
starfsemin verða til húsa að
Strandgötu 46, en þar hefur um
langt árabil verið rekin sport-
vöruverslun. Um þessar mundir
er verið að byggja við húsið og
mun eldhús hins nýja veitinga-
húss verða í viðbyggingunni, en
veitingasalurinn verður um 100
fermetrar. Guðmundur og Birgir
segjast líta á hið ný-sameinaða
sveitarfélag sem eitt
markaðssvæði og þeir séu með
þessu að leitast við að þjónusta
öll hverfin, en boðið verður upp
á heimsendingarþjónustu á bæði
Eskifirði og Reyðarfirði.
BG-bros félagarnir Guðmundur R. Gíslason og Birgir Búason
fyrir framan vœntanlegt húsnœði Pizza 67 á Eskifirði en vœntan-
lega verður farið að baka pitsur þar á fullu á nœstunni. Ljósm.as
Norsk Hydro á Reyðarfirði
Verkefnisstjórn STAR (áður
MIL/OSSA) hefur í sumar stað-
ið að gróðurfarsrannsóknum í
Reyðarfirði sem eru meðal ann-
ars liður í að undirbúa væntan-
legt mat á umhverfisáhrifum ál-
vers. Náttúrustofa Austurlands
vinnur verkið og er gróðurkorta-
gerð langt komin. Nú í vikunni
er staddur í sveitarfélagi 7300
vinnuhópur sem kemur að þessu
verki en hann skipa aðilar frá
umhverfisdeild Norsk Hydro,
Náttúrustofu Austurlands, Ranns-
óknarstofnun Landbúnaðarins
og verkefnisstjóm STAR ásamt
sænskum ráðgjafa. Hópurinn
mun funda um framgang verks-
ins en lokaskýrslu er ekki að
vænta fyrr en um áramót.
Slippfélagið
Málningarverksmiðja SÍMI: 588 8000