Eining - 01.11.1948, Síða 3

V
E I N I N G
3
í Súgandafirði 1913. Þar var hann um
margra ára skeið lífið og sálin í margs
konar félagsskap, eins og nærri má geta,
því að maðurinn er fjörmaður, söng-
maður ágætur, leikur á hlljóðfæri. og
er fimleikakennari og íþróttamaður.
Söngurinn lífgar jafnan þar, sem Frið-
rik Hjartar er, og í félagslífi er hann
þar oftast forustumaður. Laun kennara
** voru áður slík, að þeir urðu að stunda
einhver aukastörf, og það gerði Friðrik
Hjartar, bæði til lands og sjós, var við
síldarmat, búskap og sitt af hverju. Ár-
ið 1932 varð hann skólastjóri á Siglu-
firði, en er nú fyrir nokkru orðinn
skólastjóri á Akranesi, og munu marg-
ir Siglfirðingar sakna hans. Hann hef-
ur rækt allt sitt kennslu- og skólastjóra-
starf af brennandi áhuga, frábærri trú-
mennsku og kostgæfni, borið velferð
skóla síns fyrir brjóstinu og alls stað-
ar sótt fram til fullkomnunar í hverju
starfi. Móðurmálið er yndi hans og er
hann svo fær í þeirri grein, að eftir
hann eru kennslubækur við barnaskóla
landsins. Maður, sem ann af hug og
hjarta móðurmáli sínu og fer vel með
það, elskar söng og hljóðfæraslátt og
stundar slíkt, ann af heilum hug hinni
kristnu hugsjón, bindindi, íþróttum,
þjóðlegum fróðleik, kennslustörfum og
uppeldi kynslóðarinnar, er sannarlega
ó#kabarn sinnar kynslóðar og valinn
þjóðfélagsþegn.
< Friðrik er og lánsmaður að því, að
hann er kvæntur ágætis konu, Þóru
Jónsdóttur, og eiga þau hjónin fimm
mannvænleg börn.
Þá er ótalið að mestu enn, að Friðrik
Hjartar hefur verið traustur og ágætur
liðsmaður Góðtemplarareglunnar um
margra ára skeið, og verið þar góður
kennslukraftur, ekki sízt meðal hinnar
uppvaxandi kynslóðar. En sú saga verð-
ur sögð betur eftir næstu áratugi, því
». að lífsglaðir menn, eins og Friðrik
Hjartar, eiga að geta lifað langan
aldur. Til þess hefur hann blessunar-
óskir allra vina sinna og kunningja, og
þeir eru margir.
Pétur Sigurðsson.
*
Oviturleg gjaldeyris-
notkun
Norskt blað, sem heitir Rein Luft,
, hefur eftir byrgðamálaráðherra Norð-
manna, Hönsvald, að þjóðin eyði af erl-
endum gjaldeyri 33 milljónum kr. fyrir
tóbak, 36 milljónum fyrir kaffi, 57
milljónum fyrir sykur og 250 milljónum
kr. fyrir kornvöru.
Einn mesti spámaður ísraelsþjóðar-
innar spurði undrandi: „Hví reiðið þér
silfur fyrir það, sem ekki er brauð, og
gróða yðar fyrir það, sem ekki er til
saðnings?“
Von er að spakir menn spyrji þannig
í sambandi við alla sóun þjóðanna, ekki
sízt hvað snertir tóbakið og áfengið.
70 sönglög
Samið hefur Sigtryggur Guðlaugsson,
fyrrv. prófastur að Núpi, Dýrafirði.
Alltaf má búast við því, að menn,
sem tilbiðja Guð, elska hið góða, fagra
og fullkomna, færi fegurðargyðjunni
gjafir af fleiri en einni gerð. Þeir sem
séð hafa„Skrúð“,hinn undurfagra gróð-
urreit séra Sigtryggs Guðlaugssonar og
konu hans, geta sjálfsagt búist við einu
og öðru af hans hendi til dýrðar fegurð
og göfgi.
Því miður get ég ekki, á stuttum tíma,
kynnt mér svo 70 sönglög séra Sig-
tryggs, að ég geti einu sinni sagt, hvaða
hljómgrunn þau finna í sálu minni, sem
er tornæm og lítt gefin, að minnsta kosti
á því sviði. En bókin er svo frábært
snilldarverk að öllum frágangi frá höf-
undarins hendi, að hún hlýtur að vera
kærkomin eign hverjum bókelskum
manni. Hér eru 70 sönglög eftir sama
manninn, frístundavinna hins eijusama
skólamanns og andlega leiðtoga. Bæði
nótur og texti er ljósprentað eftir hand-
riti höfundar, sem allt er af frábærri
vandvirkni og hagleik gert. Má jafnvel
af því ráða, að í slíkum umbúðum sé
eitthvað dýrmætt og gott, og það munu
tónelskir menn áreiðanlega finna í þess-
um 70 sönglögum séra Sigtryggs. Bróð-
ir hans, Kristinn Guðlaugsson, segir í
formála bókarinnar þetta:
„Séra Sigtryggur Guðlaugsson hefur
frá barnæsku verið sönghneigður. Um
fermingaraldur naut hann tilsagnar í
orgelleik og söngfræði og 16 ára varð
hann organisti við sóknarkirkju sína.
Stofnaði hann jafnframt söngfélag og
annaðist söngkennslu. Gekk svo um
nokkurra ára skeið, þar til hann tók að
stunda nám við Lærða skólann í Reykja-
vík árið 1888.
Á þessum árum kynnti hann sér tón-
fræði af erlendum bókum og tók þá að
semja lög. Hefur tónlistin jafnan verið
ein af hans hugstæðustu viðfangsefnum,
og munu tónsmíðar hans orðnar allmik-
ið safn.
Lög þau, er hér birtast, ásamt kirkju-
tónverki aftast í bókinni, skrifaði séra
Sigtryggur upp fyrir 8—10 árum, þá
á áttræðisaldri. Gaf hann mér síðan
handritið innbundið. Hafa nokkur af
lögunum verið sungin við messugerðir
í Núpskirkju og víðar.
Nokkrir vinir og vandamenn séra Sig-
tryggs hafa komið sér saman um að
láta ljósprenta þetta handrit og gefa
það út sem minningarrit um 85 ára
aldur hans 27. sept. 1947. Er þess vænzt,
að söngelskir menn og vinir hans, víðs-
vegar um land, taki vinsamlega þessu
andlega tónstundastarfi hans, í þeim
ytra búningi, er hann sjálfur hefur af
hendi leyst á gamals aldri“.
Einingu er það ljúft, að segja lesend-
um sínum frá þessari fallegu og eigu-
legu bók, sem er á sama tíma einstakur
minjagripur, sem hún mun áreiðanlega
færa þeim, sem meta kunna, góðar gjaf-
ir af nægtaborði tóngyðjunnar. Séra
Sigtryggur trúir hvatningarorðum hins
mikla sálmaskálds: „Syngið Drottni
nýjan söng“.
Pétur Sigurðsson.
Heimsókn að Bessa-
stöðum
Forsetahjónin buðu blaðamönnum að
Bessastöðum fimmtudaginn 28. október
s.l., að sjá staðinn og kirkjuna endur-
nýjaða. Þetta blað Einingar var þá full-
sett og verður því þessarar ánægjulegu
heimsóknar í forsetagarð minnst nánar
í jólablaði Einingar.