Austurland - 21.03.1985, Blaðsíða 2

2
FIMMTUDAGUR, 21. MARS 1985.
----------Austurland---------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjarnason,
Einar Már Sigurðarson, Þórhallur Jónasson og Smári Geirsson.
Ritstjóri: Birgir Stefánsson (ábm.) ©7756.
Auglýsingar og dreifing: Aðalbjörg Hjartardóttir-Pósthólf 31
— 740 Neskaupstað - ©7756.
Ritstjórn, afgreiðsla, auglýsingar: Egilsbraut 11, Neskaupstað
©7756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Húsnæðismál í uppnámi
Húsnæðismál eru mjög í sviðsljósinu um þessar mundir og
þá ekki síst hinn hrikalegi vandi, sem húsbyggjendur og -kaup-
endur standa frammi fyrir vegna ógnþrunginnar vaxtabyrði.
Sá vandi er búinn til af stjórnvöldum landsins og er reyndar
einna skýrastur bautasteinn framsóknaráratugsins, sem því
miður er farinn að nálgast hálfan annan venjulegan áratug að
lengd.
Kröfur um úrbætur í þessum efnum eru orðnar háværar
meðal almennings og stjórnarandstöðu á Alþingi. Þannig hefir
þingflokkur Alþýðubandalagsins flutt þingsályktunartillögu,
þar sem þess er krafist, að vextir verði lækkaðir og að nauð-
ungaruppboðin verði tafarlaust stöðvuð. Þar er m. a. gert ráð
fyrir, „að gerð verði áætlun um endurgreiðslu á þeim upphæð-
um af húsnæðisláum, sem eru umfram hækkanir á kaupgjalds-
vísitölu og hafa verið inntar af hendi á árinu 1983 og síðar.
Mismunurinn bætist við höfuðstól lánanna og komi fyrst til
greiðslu, þegar lánin eru greidd upp að öðru leyti.“
Ótrúlegt verður að telja annað en allir stjórn'arandstöðu-
flokkarnir geti sameinast um þessa tillögu. Allt tal um einlægan
vilja til úrbóta í þessum málum er lítils virði, ef raunin verður
önnur. Pá verður að ætla, að einhverjir stjórnarþingmanna a.
m. k. sjái, að staða þessara mála er það alvarleg, að skjótra
úrbóta er þörf. Þeir ættu því að geta stutt þetta þarfa mál á
Alþingi, þó að það sé lagt fram af stjórnarandstöðuflokki.
En húsbyggjendur og húskaupendur sitja heldur ekki auðum
höndum. Þeir gangast fyrir stofnun samtaka um lausn á vaxta-
okrinu og um aðrar réttarbætur til handa þeim stóra hópi í
þjóðfélaginu, sem þessi mál varða og er í stórhættu með að
missa hús sín og heimili.
En hvað hafa hin sjálfumglöðu stjórnvöld gert í þessum
málum? Svarið er einfalt: í raun og veru ekki neitt, sem hönd
er á festandi. Félagsmálaráðherra hefir að vísu skipað nefnd
í málið vegna þrýstings og efnt hefir verið til einhvers konar
ráðgjafarþjónustu á vegum Húsnæðisstofnunar. Sáralitlu um-
framfé er þó varið til þessara hluta og verða því allar úrbætur,
ef einhverjar verða, kostaðar af nýbyggingarlánsfé og fé til
kaupa á eldra húsnæði. Ráðgjöfin mun líka vera í því fólgin
að koma vanskilaskuldum í lag með því að útvega ný lán, sem
auðvitað eru svo líka verðtryggð og leiða innan skamms til
enn aukinnar vaxtabyrði og aukinna erfiðleika. Frá hendi
stjórnvalda er því ekki neinna raunhæfra úrbóta að vænta. Sú
ríkisstjórn, sem afnam verðtryggingu launa, en hélt verðtrygg-
ingu lána, er heldur ekki líkleg til að skilja né vilja skilja
vanda fórnarlamba þeirra aðgerða.
Alþýðusamband íslands hefir nú krafist úrbóta í þessum
málum og tafarlausra aðgerða af hálfu stjórnvalda og er helst
að vænta einhverrar jákvæðrar og haldgóðrar lausnar í við-
ræðum, sem vonandi fara fram á grundvelli þeirrar kröfu.
B. S.
Orkusparandi endurbætur húsa
Orkusparandi endurbætur
húsa hafa orðið æ mikilvægari
með hækkandi orkuverði. Orku-
verðið endurspeglast í auknum
kröfum sem gerðar hafa verið í
byggingarreglugerð um meiri
einangrun og þéttari hús.
Iðnaðarráðuneytið og Félags-
málaráðuneytið hafa sem kunn-
ugt er tekið saman höndum um
aðgerðir á þessu sviði.
Til stjórnunar á þessu átaki
hefur verið skipuð þriggja
manna verkefnisstjórn orkuá-
taks. Á vegum þessarar verk-
efnisstjórnar hafa verið sér-
menntaðir 16 verk- og tækni-
fræðingar. Þessir aðilar gefa
NESKAUPSTAÐUR
Sorpkassar
íbúðaeigendum sem ekki hafa sorpkassa við
hús sín er vinsamlega bent á að verða sér úti
um kassa hið fyrsta
Þeir íbúðaeigendur sem ekki verða við
þessum tilmælum geta átt það á hættu að sorp
verði ekki fjarlægt frá húsum þeirra
Bæjarverkstjóri
NESKAUPSTAÐUR
Starfsfólk
Starfsfólk óskast á barnaheimilið Sólvelli,
Neskaupstað
Um er að ræða hálft starf eftir hádegi,
afleysingar eftir hádegi og ræstingu
Skriflegar umsóknir sendist forstöðumanni
Barnaheimilið Sólvellir
Neskaupstað
íbúðir til sölu
Til sölu eru eftirtaldar fasteignir:
3 íbúðir við Nesbakka 15 — 17
3 íbúðir við Miðstræti
íbúð við Hafnarbraut
íbúð við Þiljuvelli
íbúð við Starmýri
íbúðarhús við Þórhólsgötu
íbúðarhús við Strandgötu
íbúðarhús við Urðarteig
íbúðarhús við Melagötu
Allar upplýsingar gefur
Viðskiptaþjónusta
Guðmundar Ásgeirssonar
Melagötu 2, Neskaupstað
S 7677 á daginn og ® 7177 á kvöldin
ráðleggingar um orkusparandi
endurbætur á húsum sem nota
óeðlilega mikla orku.
Frá fyrstu tíð hefur Rann-
sóknastofnun byggingariðnað-
arins verið samstarfsaðili orku-
sparnaðarátaksins ogt. d. reikn-
að hagkvæmni valinna aðgerða.
Fræðslumiðstöð iðnaðarins
hefur því fengið sérfræðinga frá
Rannsóknastofnun byggingar-
iðnaðarins til að undirbúa nám-
skeið og semja ítarleg nám-
skeiðsgögn um endurbætur á
húsum með tilliti til orkusparn-
aðar.
Námskeiðið er einkum sniðið
fyrir iðnaðarmenn og haldið í
fyrsta sinn þessa dagana í
Reykjavík.
Námskeiðshöfundar eru
Björn Marteinsson verkfræð-
ingur, Guðni Guðnason tækni-
fræðingur og Jón Sigurjónsson
verkfræðingur.
Námskeiðið fjallar um fræði-
legar forsendur fyrir tæknilegri
uppbyggingu byggingarhluta og
efnisval við endurbætur húsa.
Farið er yfir þær aðgerðir sem
orkusparnaðarráðgjafar hafa úr
að velja og kostir þeirra og gall-
ar ræddir. Loks er skoðað hús
og þátttakendur vinna úr þeim
niðurstöðum og velja og meta
þær aðgerðir sem til greina
koma til endurbóta.
Þetta námskeið er nú boðið
út um land, einkum á þeim
svæðum, sem búa við dýra upp-
hitunarorku.
Fræðslumiðstöð iðnaðarins
væntir þess að námskeiðinu
verði vel tekið og veitir allar
nánari upplýsingar um það í
síma 91-687000 og 91-687440.
Ætlunin er að halda það á
Egilsstöðum fyrir Austfirðinga
dagana 29. t. o. m. 31. mars.
Innritun fer fram hjá Verk-
fræðistofu Austurlands, Óla
Methúsalemssyni ísíma 97-1551
og hjá bæjartæknifræðingi í
Neskaupstað, Kristjáni Knúts-
sýni, sími 97-7700.
Féttatilkynning.
ÁRNAÐ HEILLA
Afmæli
Guðný Jónsdóttir, húsmóðir,
Miðstræti 6, Neskaupstað, varð
60 ára 16. mars sl. Hún er fædd
í Neskaupstað og hefir alltaf átt
hér heima.
Jóhann Jónsson, fyrrum
kennari, Miðgarði 9, Neskaup-
stað, verður 80 ára á morgun,
22. mars. Hann er fæddur í Nes-
kaupstað og hefir alltaf átt hér
heima.
Konu sína, Stefaníu Guð-
mundsdóttur, missti Jóhann
árið 1980.
Jóhann verður að heiman á
afmælisdaginn.