Austurland - 11.07.1985, Blaðsíða 4

4
FIMMTUDAGUR, 11. JÚLÍ 1985.
Sigurður Lárusson, Gilsá:
Um vegamál á Austurlandi
í 20. tölublaði Austurlands er
grein eftir Sigurð Gunnarsson
sveitarstjóra í Búðahreppi. Ég tel
mér skylt að leiðrétta það sem
kemur fram í greininni, að ég hafi
ítrekað skammað hann. Hann
segir orðrétt: „Vitna ég þar í skrif
nafna míns bónda á Gilsá en hann
hefur ítrekað skammað mig á
prenti fyrir þessa ábendingu.“ Þar
á hann við jarðgöng milli Fá-
skrúðsfjarðar og Reyðarfjarðar.
Ég kannast ekki við að hafa
skammað hann, hvað þá ítrekað,
þó okkur greini á um hvaða verk-
efni skuli leggja mestu áherslu á
í vegagerð á næstu árum.
Þann 24. apríl í fyrra var höfð
eftir nafna mínum frétt í útvarp-
inu, sem mér fannst ftjll ástæða
til að leiðrétta. Ég sendi þá smá
athugasemd í blaðið Austra. Hún
endar þannig: „Ég held að sveit-
arstjórinn í Búðahreppi hljóti að
vera mjög ókunnugur vegum og
snjóalögum sunnan Fáskrúðs-
fjarðar." Önnur orð hafði ég ekki
um hann og man ekki til að hafa
haft um hann á prenti. Eru þetta
skammir? Ég veit þá ekki hvernig
ég á að haga orðum mínum ef
þetta teljast skammir, hvað þá
ítrekaðar skammir.
Grein nafna míns er um sama
efni og útvarpsviðtalið í fyrra en
miklu ítarlegri. Mig langar að fara
nokkrum orðum um hana. Aðal-
efni greinarinnar er um jarðgöng
milli Fáskrúðsfjarðar og Reyðar-
fjarðar og skil ég vel áhuga hans
á samgöngubótum sem varða sér-
staklega hans byggðarlag. En mér
finnst að hann ætti að spara sér
allar ráðleggingar til Breiðdæl-
inga, ekki síst vegna þess að hann
virðist ekki þekkja mikil til hér
um vegamál eða snjóalög.
Hann segir meðal annars:
„Breiðdalsheiði er að mestu
lokuð á vetrum vegna snjóa." Ég
vil nú frekar orða það svo; vegna
þrjósku Vegagerðar ríkisins. Ég
bendi á að ekki hefur fengist sam-
þykki vegagerðarinnar til að opna
hana tiltekna daga eins og aðra
sambærilega fjallvegi á Austur-
landi. Þó er hún öðru hverju
jeppafær í sæmilegum vetrum og
var oftast fær síðastliðinn vetur.
Það sem lokar henni fyrst í snjó-
um er nálægt 50 ára gamall veg-
arslóði frá Haugum inn að Heiði.
En ég spyr hvernig væri um flesta
aðra vegi á Austurlandi ef þeir
væru aldrei ruddir frá veturnátt-
um til sumarmála? Tökum bara
sem dæmi veginn frá Fáskrúðs-
firði til Reyðarfjarðar, að maður
tali nú ekki um fjallvegina Fagra-
dal, Oddsskarð og Fjarðarheiði.
Væri svipað uppbyggður vegur
frá Haugum í Þorgrímsstaði eins
og á áðurnefndum fjallvegum
þyrfti áreiðanlega ekki að kosta
teljandi fé til snjómoksturs þar,
nema í mestu snjóavetrum.
Breiðdalsheiðin er mjög snjólétt
og áreiðanlega miklu snjóléttari
en Fagridalur og Fjarðarheiði.
Auk þess má benda á að í norð-
austan hríðum þegar þreifandi
bylur er á Fagradal er oft úrkomu-
laust á Breiðdalsheiðinni. Scm
dæmi um það skal ég nefna að í
maíbyrjun 1979 þótti ekkí fært
veður til að opna veginn um
Fagradal. Þá varFáskrúðsfjarðar-
rútan látin fara með farþega í veg
fyrir flug á Egilsstöðum um Breið-
dalsheiði tværeða þrjárferðir. En
þá var Breiðdalsheiði snjólaus og
fær öllum bílum. Leggðu þér
þetta á minnið nafni minn.
Ég er þér sammála um að í
framtíðinni verður jarðgangagerð
miklu algengari en verið hefur og
kannski fyrr en margir halda. Ég
vil benda þéi á að í grein í Austur-
landi eftir mig, 2. október 1980,
bendi ég á nauðsyn jarðganga-
gerðar í gegnum Berufjarðar-
skarð.
Það er ennþá skoðun mín að
jarðgöng þar ættu að hafa forgang
í jarðgangagerð á Austurlandi,
vegna þess að þau koma öllum
Austfirðingum til hagsbóta. Þá
fullyrðingu mína styð ég þessum
rökum:
1. Jarðgöng um Berufjarðar-
skarð munu stytta hringveginn
um 48 til 50 km.
2. Sömu jarðgöng munu stytta
fjarðaleiðina til Djúpavogs um
17 til 19 km sé miðað við nú-
verandi veg.
3. Jarðgöng um Berufjarðar-
skarð gætu sparað nýja brú á
Breiðdalsá eða Breiðdalsár-
ósa. Þar er um stóra fjárhæð
að ræða. Brúin á Breiðdalsá
hjá Flögu gæti þá tekið við allri
umferðinni.
Hér vil ég leyfa mér að vitna í
grein eftir hinn mcrka mann
Bjarna Þórðarson, fyrrverandi
bæjarstjóra í Ncskaupstað. Hann
segir í blaðinu Austurlandi 11.
sept. 1980 orðrétt: „Ég er sam-
tnála Sigurði um verkefni næstu
ára í vegamálum á Austurlandi.
Að þeim skulum við vinna jafn-
framt því sem við öflum hug-
myndinni um jarðgöng fylgis. Það
er víðar á Austfjörðum en hér
hefur verið rætt um sem gera þarf
jarðgöng og minnist Sigurður á
tvo staði. milli Berufjarðar og
Breiðdals og Vopnafjarðar og
Héraðs. Ég sé' ekki annað en á
þetta megi fallast."
Hér heyrum við álit hins gáfaða
og þaulreynda félagsmálamanns,
sem þó er í þessari grein að svara
grein minni um vegamál á Austur-
landi, sem birtist í næsta tölublaði
á undan.
Ég held að við nafni minn gæt-
um orðið sammála um marga
þætti vegamálanna.
1. Að gerð væri sem fyrst fulln-
aðarkönnun á gerð jarðganga á
hinum ýmsu stöðum á Austur-
landi.
2. Að fresta því að leggja bundið
slitlag á þá vegi sem ekki verða
aðalvegir eftir að jarðgöng
hafa verið gerð og umferðar-
þunganum létt af þeim. Til
dæmis veginn frá Búöakaup-
stað um Vattarnesskriður að
Eyri við Reyðarfjörð og aðra
vegi sem líkt stendur á með.
3. Að leggja næstu árin allt kapp
á að byggja upp úr snjó léleg-
ustu vegina á aðalleiðum á
Austurlandi, til dæmis vegar-
kaflann frá Haugum inn að
Breiðdalsheiði og aðra vegi
sem líkt stendur á með.
4. Að fengnum niðurstöðum um
jarðgangagerð og hagkvæmni
þeirra yrði verkefnum raðað í
þá röð sem flestum kæmi að
Til sölu
Húseignin Miðstræti 12, Neskaupstað
er til sölu
Upplýsingar © 4170 & 4338
Austf irðingar!
Leka þök eða svalir hjá ykkur?
Með »SARNAFIL« þakdúk er lekavandamálið
úr sögunni
Hafið samband við skrifstofu okkar í síma
91-685003
Við gerum fast verðtilboð ykkur að
kostnaðarlausu
Nú þegar 100 þúsund fermetrar á íslandi
Njarðvíkurkirkja
Sarnafil - SE og
viðbótareinangrun
Sarnafi!
VIÐHALDSFRITT ÞAKEFNI
TIL ENDURNÝJUNAR - TIL NÝBYGGINGA
FAGTUN HF. LAGMULA 7, 105 REYKJAVIK, SIMI 28230
notum eða spöruðu aðrar dýr-
ar framkvæmdir á vegakerf-
inu.
Kæmi í Ijós að hagkvæmt þætti
að gera jarðgöng milli Stöðvar-
fjarðar og Breiðdals, tel ég að þau
hlytu að verða mjög framarlega í
niðurröðun framkvæmda vegna
hins ótrygga ástands og mikla
grjóthruns sem er í skriðunum
milli BreiðdalsogStöðvarfjarðai.
Ég álít að ef hagkvæmt þætti
að gera jarðgöng undir Beru-
fjarðarskarð þá væri nokkuð ör-
uggt að þau yrðu framarlega í
röð jarðganga á Austurlandi
vegna þess að þau stytta hring-
veginn svo mikið og fjarða-
leiðina líka verulega. Auk þess
spara þau brú á Breiðdalsá eða
ósa hennar.
Ég vek athygli á að við Breið-
dælingar erum ekki einir um að
krefjast uppbyggingar á vegin-
um frá Haugum inn að Breið-
dalsheiði. Allmargar raddir
hafa heyrst frá Héraðsmönnum
um þau mál meðal annars frá
oddvitafundum á Héraði. í
Austra hafa einnig komið
hvatningargreinar nú í vetur og
vor bæði frá Guðrúnu Tryggva-
dóttur og Hreggviði M. Jóns-
syni. Ég vil þakka þann
stuðning.
Ekki get ég lokið þessum lín-
um án þess að benda á að hæpið
virðist að treysta öllum þeim töl-
um sem koma fram í grein nafna
míns til rökstuðnings jarð-
gangagerð um Kollufjall ef þær
eru ekki nákvæmari en tilvitnun
hans í Oddsskarðsgöngin. Þar
segir hann orðrétt: „Odds-
skarðsgöngin liggja í 800 m hæð
yfir sjó í ungu og smásprungnu
bergi.“ Ég leit í töflu um hæð á
fjallvegum frá 1960, eða áðuren
Oddsskarðsgöngin voru gerð.
Þar er vegurinn yfir Oddsskarð
talinn liggja í 660 metra hæð yfir
sjó, eða 140 metrum lægra en
göngin eru samkvæmt grein
þinni. Ef aðrar tölur í þinni
grein eru ekki nákvæmari þá er
lítið á þeim að byggja.
I dag er 25. maí og var sagt
frá því í hádegisfréttunum í út-
varpinu að verið væri að ryðja
snjó af veginum um Fagradal og
Fjarðarheiði. Á Breiðdalsheiði
er á sama tíma smá slydduföl.
Þetta er enn eitt dæmið um
mismun á snjóalögum á áður-
nefndum fjallvegum.
Að lokum Iangar mig að minna
á ummæli Jóns Birgis Jónssonar
yfirverkfræðings vegagerðarinn-
ar. Hann leyfði mér að hafa eftir
sér 26. apríl 1984 að fullbyggður
malarvegur frá Ulfsstöðum á
Völlum að vegamótum Suður-
fjarðavegar við Eydali, mundi þá
ekki kosta yfir 100 milljónir. Þetta
vil ég að komi fram vegna þess að
þú telur vegagerð um Breiðdals-
heiði svo kostnaðarsama. Þessi
vegarkafli, sem þarna er nefndur,
er um 64 km.