Austurland - 08.08.1985, Blaðsíða 4

Austurland
Neskaupstað, 8. ágúst 1985.
FLUGLEIDIR
Gott fólk hjá traustu félagi
MUNIÐ SÍVINSÆLU
KANARÍEYJAR S 7119
Auglýsingasími Æýt SPARISJÓÐUR fSá^o w' NORÐFJARÐAR w|W
AUSTURLANDS SPARISJÓÐUR HEIMILANNA
er 7756 Sparisjóður Norðfjarðar
Atlavík ’85 tókst vel
Samkoma UÍA, Atlavík ’85,
var haldin um síðustu helgi í
misjöfnu veðri, en við mikið
fjölmenni og tókst samkoman
vel að öllu leyti.
UÍA hélt blaðamannafund á
Hallormsstað sl. sunnudags-
kvöld, þar sem Hermann Níels-
son, formaður UÍA og Skúli
Oddsson, framkvæmdastjóri
UÍA gáfu yfirlit yfir samkomu-
haldið og umfang þess.
Samkomuna sóttu a. m. k.
6.500 manns, þar af var starfs-
fólk rúmlega 1.000 manns.
UÍA á gott samstarf við
marga aðila um þetta viðamikla
samkomuhald. Má þar nefna
Skógrækt ríkisins, Hjálparsveit
skáta á Egilsstöðum, sem hefir
á sínum vegum einn lækni og 8
hjúkrunarfræðinga og sjúkra-
liða, Björgunarsveitina Gró á
Egilsstöðum, sem sér um að-
hlynningu þeirra sem á þurfa að
halda á staðnum og á Buðlunga-
völlum, sýslumann Suður-
Múlasýslu og lögreglu og Félag
farstöðvaeigenda á Seyðisfirði,
sem sá um skipulagningu fjar-
skipta. Aðkeypt starfsfólk frá
þessum aðilum og þeim sem
komu fram á samkomunni á
Lést í bflslysi
Dauðaslys varð skammt fyrir
austan Vík í Mýrdal aðfararnótt
31. júlí sl. er bíll fór út af vegin-
um við Uxafótarlæk. Ökumað-
ur var einn í bílnum og er talið,
að hann hafi látist samstundis.
Maðurinn sem lést var Ársæll
Sigbjörnsson, vélstjóri á Sunnu-
tindi á Dj úpavogi, til heimilis að
Krummahólum 8 í Reykjavík
og var hann tæpra 35 ára að
aldri. Ársæll var fæddur í Nes-
kaupstað 23. sept. 1950 og ólst
þar upp hjá Bjarneyju Stefáns-
dóttur og Ársæli Júlíussyni.
Ársæll Sigbjörnsson lætur eft-
ir sig tvo syni.
Útför hans verður gerð frá
Fossvogskapellu á morgun.
einn eða annan hátt var um 300
manns.
Starfsfólk á vegum UÍA og
aðildarfélaganna 34 var um 700
manns, en það voru allt sjálf-
boðaliðar fyrir sín félög og sam-
bandið. Fá félögin greitt fyrir
störf eftirlitsmanna, sem voru
um 500, eftir framlagi sínu, en
ákveðin félög sjá um aðgöngu-
miðasölu og veitingasölu í hvert
skipti og fá ákveðinn ágóðahlut.
Nú sáu Vopnafjarðarfélögin
Einherji og Golfklúbbur
Vopnafjarðar um aðgöngu-
miðasöluna, en Leiknir á Fá-
skrúðsfirði um veitingasöluna
og hafði yfir 100 manns í vinnu
við þau störf.
Eftirlitsmenn voru á 8 klst.
vöktum frá kl. 19 á fimmtudags-
kvöld til kl. 22 á mánudags-
kvöld. Engin verulega alvarleg
óhöpp urðu, tvö fótbrot, togn-
anir og skurðir eftir glerbrot,
voru alvarlegustu slysin. Maður
sem hrapaði úr kletti snemma á
samkomunni kom á samkom-
una aftur hinn hressasti eftir
flutning til Reykjavíkur. Á
sunnudag voru hins vegar
nokkrir teknir ölvaðir við akstur
og fíkniefni voru gerð upptæk
hjá einum, sem ætlaði að selja
þau á svæðinu og var hann auð-
vitað settur í varðhald.
í hæfileikahkeppni hljóm-
sveita sem fram fór á hátíðinni
sigraði hljómsveitin Skriðjöklar
á Akureyri. Þessi keppni er
miðuð við áhugamannahljóm-
sveitir og þær verða að flytja
frumsamin lög og texta. 14
hljómsveitir tóku þátt í keppn-
inni nú.
Miklir fjármunir eru í velt-
unni á svona samkomu. Að-
gangseyrir er ekki undir 10
millj. og eru þá ótaldar tekjur
af veitingasölu. Kostnaður er
hins vegar mikill einnig. Beinn
kostnaður við skemmtikrafta er
ekki undir 2 millj. og greiðsla
til Skógræktarinnar um 1 millj.
svo að dæmi séu nefnd.
Hagnaður er þó verulegur og
skiptist hann milli aðildarfélag-
anna og UÍA. Sagði Hermann
Níelsson reyndar, að sér fyndist
UÍA sjálft fá tiltölulega lítinn
hluta þessa hagnaðar. En þessir
fjármunir gera samt UÍA og að-
ildarfélögunum kleift að halda
uppi jafn viðamiklu starfi og þau
gera.
AUSTURLAND spurði þá
UÍA menn, hvers vegna engir
austfirskir skemmtikraftar
k-æmu fram á Atlavíkursam-
komunni nema aðeins ein
hljómsveit.
Hermann Níelsson svaraði
því til, að vissulega væru margar
góðar hljómsveitir til á Austur-
landi, en Stuðmenn væru orðnir
partur af þessum samkomum og
þeir drægju fólk að í stærri stíl
en nokkur önnur hljómsveit
myndi gera og skortur væri á
annars konar skemmtikröftum
eða „uppákomumönnum“ á
Austurlandi. Hann sagði, að
samkeppni um skemmtikrafta
á útisamkomur af þessari stærð
væri mikil. Einnig gat hann
þess, að alltaf léki ein austfirsk
hljómsveit á Atlavíkursamkom-
um UÍA og auk þess hefðu
íþróttir og sýningar skipað veg-
legri sess á samkomunni nú en
áður og nú hefði verið starfrækt
útvarpsstöð á samkomunni, sem
útvarpaði viðtölum við sam-
komugesti, tónlist og tilkynn-
ingum um hvaðeina, sem
samkomuna varðaði.
í framhaldi af þessu lét Her-
mann þess getið, að UÍA héldi
aðra samkomu á hverju ári,
þ. e. Sumarhátíðina að Eiðum,
„sem er menningarleg sam-
koma. Atlavík er öðruvísi sam-
koma, nokkurs konar neyðarúr-
ræði til að afla fjármagns. Auk
þess getum við með 11 ára
reynslu í að halda stórsamkom-
ur, gert þetta betur en nokkur
annar. Það eru bara virk og vel
skipulögð samtök, sem geta
haldið svona stórar samkomur,
svo að vel fari,“ sagði Hermann
Níelsson að lokum. B. S.
NEISTAR
Örlítið meira um launamál kvenna
Þrátt fyrir alla jafnréttisumræðu
undanfarinn áratug, er oft eins og
ekkert hafi áunnist þegar launamál
kvenna ber á góma. Ójafnréttið í
garð kvenna er hvað áþreifanlegast
einmitt þar. Eins og Á. Þ. réttilega
bendir á, ert þú það sem kemur úr
launaumslaginu. Virðingin gagnvart
kvennastörfum í þjóðfélaginu er ekki
mikil miðuð við, að í lægst launuðu
störfum þjóðfélagsins eru konur.
Einn slíkur hópur kvenna eru
fóstrur. Er nú svo komið að fóstrur
sjá sér ekki annað fært en að segja
upp störfum sínum víðs vegar um
land, jafnvel hér í Neskaupstað.
Vitað er að til þess að endar nái
saman hjá meirihiuta fjölskyldna á
íslandi í dag, er nauðsynlegt að
vinnutími foreldra samsvari 2-3
störfum. Konur vinna ekki minna en
karlmenn, þess vegna hlýtur það að
vera okkur kappsmál, að bömum
okkar sé vel fyrir komið á meðan for-
eldrarnir þræla fyrir nauðsynjum.
Að hafa vel menntaðar fóstrur og
góð dagheimili er undirstaða flestra
heimila á landinu í dag.
Láglaunastefna yfirvalda í garð
kvenna verður afdrifarík, ef börn
framtíðarinnar fá ekki næga umönn-
un.
Vonandi er, að foreldrar og for-
eldrasamtök styðji vel við bakið á
fóstrunum og veiti þeim stuðning í
baráttu þeirra. H. M. S.
Hringferð með Norröna
í samstarfi við félagsmálaráð 24. ágúst. Heimsókn til vina-
Neskaupstaðar hefur verið
skipulögð ferð með fararstjórn
fyrir eldri bæjarbúa í Neskaup-
stað til Færeyja með m/f Norr-
öna þann 22. ágúst, ef næg þátt-
taka fæst.
Farið verður frá Neskaupstað
kl. 8 f. h. til Seyðisfjarðar. Sigl-
ing til Þórshafnar tekur um 17
klst. Gist verður 3 nætur á Hótel
Borg í Þórshöfn.
Farið verður frá Þórshöfn 26.
ágúst kl. 8 f. h. og siglt með m/f
Norröna til Leirvíkur og
Bergen. Komið verðurheim29.
ágúst.
Ferðin kostar 12.000 kr., inni-
falið hóteldvöl í Þórshöfn með
morgunverði í 3 daga, gisting
um borð án fæðis og fararstjórn.
Hugmynd að dagskrá í
Þórshöfn:
23. ágúst. Dagurinn notaður
í Þórshöfn, gengið um Þinganes
o. fl.
bæjar Neskaupstaðar, Sanda-
vogs á Vogey.
25. ágúst. Ferð til Kirkjubæj-
ar, kirkjustaður frá 12. öld enn
í notkun.
26. ágúst. Farið frá Þórshöfn
kl. 8 f. h. Hringferð með skipinu
til Bergen í Noregi og Leirvíkur
á Hjaltlandi.
29. ágúst. Komið til Seyðis-
fjarðar kl. 8 f. h.
Nánari upplýsingar og þátt-
tökutilkynningar: Ásthildur Lár-
usdóttir, Þiljuvöllum 4, S7374.
Þróttargallar!
Þróttargallar úr
glansefni frá
Henson eru komnir
Takmarkaðar birgðir
Gallarnir fást í
Nesbæ Þróttur
Framhaldsskólinn í Neskaupstað
Kjarnaskóli iðn- og tæknimenntunar á Austurlandi
Getur þú leigt námsmanni herbergi?
Vegna mikillar aðsóknar að
Framhaldsskólanum í Neskaupstað er
heimavist skólans sprungin
Skólinn hefur því mikla þörf fyrir
leiguherbergi handa námsmönnum, sem
munu stunda nám við hann á komandi vetri
Þeir sem geta leigt herbergi hafi samband við
skólameistara í síma 7285 eða 7630
Framhaldsskólinn í Neskaupstað