Íþróttablaðið - 01.01.1929, Blaðsíða 7
ÍÞRÓTTABLAÐIÐ
3
eigin hyggjuviti fundið rjettustu aðferðina. Það er
mjög farið að tíðkast, að kennarar í íþróttum ferð-
ist um sveitirnar og haldi námskeið. Þetta er að
svo stöddu eina leiðin hjá flestum til þess að læra
undirstöðuatriði ýmsra íþrótta og væri vel, að fje-
lögin tækju sig til í vetur og útveguðu sjer kenn-
ara, meðan nokkurn er að fá. Næsta vetur er það
of seint, því þá er lími nemandans orðinn of
stuttur til þess hann geti notfært sjer það, sem
hann hefir lært hjá kennaranum.
Þó enn sje eigi fyllilega ákveðið um íþróttirnar
á Þingvelli 1930 og ef lil vill verði eigi sýnt þar
nema lítið af íþróttum, þá mega menn ekki gleyma
því, að allsherjarmótið í Reykjavík á að verða
veglegra en ella það sumar. Því er það, að íþrótta-
menn íslands verða að vera við öllu búnir þetta
sumar og búa sig undir mótið, hver svo sem
þeirra grein er.
Við erum enn þá í öllum íþróttum eftirbátar
nágrannaþjóða vorra, nema þeirri einu, sem þær
kunna ekki. Iþróttamenn ættu að gera heitstreng-
ingu nú þegar, að endurbæta hvert einasta íslenskt
met á næstu tveimur sumrum og helst að reyna
að þoka einhverju íslenska metinu upp fyrir met
nágrannaþjóðanna. Sje sú heitstrenging gerð í nógu
mikilli alvöru — og aldrei gleymt — er ekkert
ólíklegt að metaskrárnar okkar taki miklum breyt-
ingum til bóta á næstu missirum. Og fyrst er
að vilja.
Það væri leiðinlegt að hafa íþróttasýningar fyrir
alheimi á mestu hátíð íslensku þjóðarinnar, ef á-
rangurinn yrði eigi að eins sá að staðfesta að vjer
værum í öllu aftastir.
Frá Sambandinu.
íþróltaráð. Til þess að annast íþróttaframkvæmdir þar
sem langt er að ná til stjórnar f. S. í. hafa svo nefnd
'þróttaráð verið stofnuð, og eru þau einskonar undir-sam-
bandsstjórn fjelaganna í sínu umdæmi og annast ýms þau
storf, sem stjórn í. S. í. annars bæri að annast, svo sem
forgöngu íþróttamóta í sínu umdæmi, útnefning dómara við
kappleiki og sýningar o. fl. Eitt „ráð“ hefir verið starfandi
' nokkur ár, en það var nokkuð annars eðlis, með því að
það hafði umsjón með aðeins einni grein íþrótta. Það var
Knattspyrnuráð íslands og skipuðu svo bæirnir knattspyrnu-
ráð hver fyrir sig. Þessi íþróttaráð sem fyr eru nefnd eru
nú komin á á þremur stöðum:
íþróttaráð Akureyrar var stofnað fyrir ári Iiðnu, með-
fram vegna þess, að þá stóð til, að allsherjarmótið 1928
skyldi haldiö á Akureyri. Skipa þessir menn ráðið: Axel
Kristjánsson (form.), ]ón Sveinsson borgarstjóri, Armann
Dalmannsson, Magnús Pjetursson og Lárus Rist. En vara-
menn eru: Páll Einarsson, Halldór Aspar og Qunnar Schram.
íþróttaráð Vestmannaeyja. Stofnað 1. júlí 1928. í því
sitja: Páll V. Kolka (form.), Qeorg Gíslason, Friðrik ]es-
son, Haraldur Eiríksson og Oskar Sigurhansson en til vara
Hallgrímur Jónasson kennari, Qísli Finnsson og ]óhannes
Jónsson.
íþróttaráð Vestfjarða, ísafiröi, tekur til starfa um nýjár.
Er það þannig skipað: Qunnar ]. Andrew (form.), Quðm.
]ónsson frá Mosdal, Einar Ó. Kristjánsson, Þórhallur Leós-
son og Finnur ]ónsson póstmeistari en til vara Elías Hall-
dórsson, Eyjólfur Leósson og Kjartan Ólafsson.
íþróttaráðin eru skipuð af stjórn í. S. í. eftir tillögum
hlutaðeigandi fjelaga. — Er enginn vafi á því, að þau geta
unnið mikið gagn og komið á auknu samstarfi og samkepni
meðal nágrannafjelaga. Ráðin eru skipuð til þriggja ára.
Leikfimin. Vegna þess að nú hefir verið ákveðið að
koma upp stórri hópsýningu í leikfimi á Þingvelli 1930,
hefir stjórn f. S. í. skrifað ýmsum íþróttafjelögum úti um
land, þeim er þess eru umkomin að iðka leikfimi, og skor-
að á þau að búa sig undir þátltöku í sýningunni og að
leggja stund á glímur. Hafa svör borist frá mörgum fjelög-
unum og undirtektirnar sýna glögt, að áhuginn er mikill
fyrir þessu. í Reykjavík er meiri þátttaka í fimleikum í
vetur en verið hefir um margra ára skeið, og iðka margir
flokkar frá sumum fjelögunum fimleika að staðaldri og
glíma er mikið stunduð. En húsnæðisleysi fyrir þessar iðk-
anir er mjög mikið, jafnvel þótt í sjálfri höfuðborginni sje.
Hefir stjórn í. S. í. því farið þess á leit við bæjarstjórnina,
að hún láti hið allra bráðasta fullgera hinn nýja og vand-
aða leikfimissal barnaskólans, sem nú er verið að byggja,
og Iáni hann til æfinga handa því úrvalsliði, sem Reyk-
víkingar ætla að senda á Þingvallasýninguna.
Skautasvell. Skautaíþróttin er ein þeirra, sem stunda
mætti við miklu meir orðstír en gert er hjer á landi. Reyk-
víkingar eru að vísu ver settir í þessu tilliti en margir aðrir
landsbúar, því veðráttan á Reykjanesskaganum er með af-
brigðum umhleypingasöm. Skautafjelag var til hjer um 30
ára skeið, en varð einkum frægt fyrir útreiðartúra á sumr-
um og sálaðist eftir harða baráttu. Bærinn hefir veitt 1000
krónur til þess að lagfæra skautasvell á tjörninni og hefir
í. S. í. beðið íþróttafjelögin Ármann, „í. R.“ og „K. R.“
að tilnefna þrjá menn í nefnd til þess að annast um svellið.
Þessir menn hafa verið skipaðir í nofndina: Vagn ]óhann-
son (Árm.), Karl ]ohnson (í. R.) og Kjartan Ólafsson (K.
R.). Veðráttan hefir engan fulltrúa skipað, og er því ósjeð,
hversu miklu nefndin fær áorkað.