Ljósmæðrablaðið - 01.11.1963, Blaðsíða 8
70
LJÖSMÆÐRABLAÐIÐ
náðst til lækninga með inntöku á d-fjörefni. D-fjörefni
hefir lengi verið notað við allar tegundir berklaveiki.
Svissneskur læknir náði undraverðum árangri er hann
lét sjúklinga með beinaberkla liggja í sólbaði. Þegar út-
f jólubláir geislar skína á ergosterol, sem er í vissum olí-
um og mannshúð, myndast D-fjörefni. Franski læknir-
inn dr. Sharpy, sem fyrstur náði verulegum árangri í
meðferð lupussjúklinga með D-fjörefnagjöf ályktaði svo,
að hin heppilegu áhrif finsensljósa ættu sennilega rót
sína að rekja til þess að D-fjörefni myndaðist í vefjum
þeim, sem geislarnir skinu á, og væri þá reynandi að gefa
lupussjúklingum D-fjörefnisskammta til inntöku. Smá-
vægilegar breytingar á meðferð sjúkdóms geta orðið mjög
afdrifaríkar. Lyf verkar e.t.v. aðeins þegar það er gefið í
vissu formi og magni. Sem dæmi má nefna að margra ára
tilraunir höfðu verið gerðar áður en dr. Banting gat fram-
leitt insulin.
Þorskalýsi, en í því er mikið magn af d-fjörefni, hefur
frá fornu fari verið notað sem lyf fyrir berklasjúklinga,
en ekki gat lýsið læknað lupus. Fyrir nokkrum árum voru
gerðar tilraunir á iupussjúklingum, og hópur þeirra lát-
inn taka mikið magn af þorskalýsi, en árangurinn var
svo slæmur að sú aðferð er hvergi notuð lengur. Það er
þess vegna sérstakt lán að dr. Sharpy uppgötvaði að
alkoholekstakt af D-fjörefni læknar lupus.
Á stríðsárunum var mikil vöntun á fituefnum í Frakk-
landi og þess vegna notaði dr. Shapy alkohol sem upp-
lausnarefni. Hann gerði tilraunir á sjálfum sér, tók inn
mjög stóra skammta af D-fjörefnisupplausninni, til þess
að sannreyna hvort hún hefði nokkur óheppileg áhrif,
áður en hann reyndi hana á sjúklingum. Engar auka-
verkanir komu í ljós. Þessi skortur á fituefnum reyndist
vera hin mesta blessun, því alkoholupplausnin hefur
reynzt margfalt árangursríkari en nokkur fituupplausn,
en þær hafa einnig verið reyndar til þrautar.