Freyr - 01.07.1930, Blaðsíða 5

Búnadarmálablað Útgefendur: Jón H. Þorbergsson, Sigurður Sigurðsson, Pdlmi Einarsson, Sveinbj. Benediktsson. <£rei/r Af greiðslum aður og gjaldkeri: Sveinbj. Benediktsson ritari Búnaðarfél. ísl. Pósthólf 131. Árg. blaðsins kostar 5 kr. Gjalddagi 1. júli.
XXVII. ár. Reykjavík, Júlí — Ágúst 1930 Nr. 7—3.
Sáðsléttur
Það hefir verið deilt um, hvort sáðslétt-
ur gæti talist trygg jarðabót. Hafa sumir
búmenn haldið því fram, að svo væri eigi.
Væri því réttmætt að láta eigi taka út og
mæla þessa jarðabót, fyr en eftir nokkur
ár, þá séð væri hvemig hún reyndist.
Á ferðum mínum um landið í sumar hefi
ég veitt sáðsléttum sérstaka eftirtekt, og
af þeim athugunum fengið fulla vissu um,
að mönnum víðsvegar um land hefir lán-
ast að gera ágætar sáðsléttur, sem bæði
eru varanlegar og gefa mikla eftírtekju,
J>egar á fyrsta ári.
Sem dæmi þessu til sönnunar má nefna:
Sáðsléttur Ræktunarfélagsins á Akur-
eyri og fleiri þar í grend, sem nú eru nær
30 ára gamlar og hafa alla tíð gefið góða
eftirtekju. Þetta munu elstu sáðsléttur á
landinu, framkvæmdar í stærri stíi.
1 Norður-Þingeyjarsýslu eru víða ágæt-
ar sáðsléttur, til dæmis í Leirhöfh á
Sléttu, Efrihólum í Núpasveit, og Þverá í
Öxarfirði (nánar um þetta á öðrum stað i
blaðinu).
Á Austurlandi eru góðar sáðsléttur a
Eiðum og víðar.
Á Suðurlandi eru mestar og víðlendast-
ar sáðsléttur í grend við Reykjavík og
hafa flestar gefið góða raun.
Vestanlands eru víða góðar sáðsléttur, t.
d. á Hvanneyri og Hjarðarholti í Dölum
(.sem hafa gefist ágætlega) og víðar.
I Húnavatns- og Skagafjarðarsýslum er
fremur lítið af sáðsléttum. Góðar sléttur
eru við BlÖnduós og ágætar á Hólum í
Hjaltadal.
Af þessu stutta yfirliti sést, að sáð-
sléttur geta gefist vel um land alt, sé til
þeirra vandað. Síðan vélavinnan kom til
sögunnar breiðist sáðsléttuaðferðin út.
Þaksléttuaðferðin er að hverfa úr sögunni,
en sáðsléttuaðferðin að koma í staðinn.
Við sáðsléttuaðferðina ber ýmislegs að
gæta, ef vel á að fara. Aðalatriðin eru
þessi: , ! ;
1. Hæfilega rakur jarðvegur, því þarf
framræslu, ef votlent er.
2. Góð jarðvinsla (gróðurlagið alt mulið
og jafnað).
3. Nægur áburður.
4. Gott grasfræ, og sambland hinna
helstu grasfrætegunda, sem best eiga við
eftir staðháttum.
5. Girðingar um sáðslétturnar, svo þær
séu algerlega friðaðar fyrir ágangi búfjár.
6. Viðeigandi hirðing á sáðsléttunum.
Um öll þessi atriði mun Freyr á komandi
vetri flytja nánari leiðbeiningar og skýr-
ingar.