Símablaðið - 01.01.1972, Blaðsíða 5
standi vörð um þær leiðréttingar, sem á-
unnizt hafa á launakjörum opinberra
starfsmanna, til samræmis við aðrar launa-
stéttir í landinu og heitir fullum stuðn-
ingi félagsins í þeim efnum.“
Kjararáð hafnaði að verða við þessari
áskorun.
í byrjun desember náðust samning'ar
milli A.S.Í. félaganna og vinnuveitenda
og með hliðsjón af þeim, gerði B.S.R.B.
kröfu um endurskoðun á gildandi kjara-
samningi ríkisstarfsmanna, á grundvelli
kjarasamningalaganna. Var krafist hlið-
stæðra launahækkana og orðið höfðu á
hinum frjálsa vinnumarkaði.
Ríkisstjórnin hafnaði algjörlega kröfum
bandalagsins og öllum viðræðum um mál-
ið.
Stjórn B.S.R.B. og Kjararáð samþykktu
harðorð mótmæli vegna þessa og ákveðið
var að kalla saman aukaþing bandalags-
ins.
Félagsráð tók þetta mál fyrir á fundi
13. janúar. Voru þar samþykkt harðorð
mótmæli við synjun ríkisstjórnarinnar á
kröfu B.S.R.B. um endurskoðun kjara-
samningsins, svo og þeirri ákvörðun henn-
ar að neita að ræða við opinbera starfs-
menn um kröfurnar.
Á aukaþingi bandalagsins, dagana 26. og
27. jan. sl. var m. a. samþykkt að láta fara
fram undirskriftasöínun meðal opinberra
starfsmanna, þar sem stjórn B.S.R.B var
falið að beita sér fyrir nauðsynlegum að-
gerðum, til að knýja fram viðunandi samn-
inga. Á vegum féiagsins söfnuðust 623 und-
irskriftir.
8. marz sl. felldi Kjaradómur úrskurð í
þessu ágreiningsmáli. Niðurstöður urðu
þær að sáralitlar breytingar verða á þessu
ári á launastiganum, utan aldursflokka-
breytinga. 1. marz 1973 hækkar launastig-
inn hins vegar um 7%. Þessi úrskurður
Kjaradóms veldur opinberum starfsmönn-
um miklum vonbrigðum, þar sem launa
samanburður við aðrar stéttir sýndi, að
kröfur þeirra áttu fyllilega rétt á sér.
Saniningsréttarmál.
Miklar umræður urðu um samningsrétt
opinberra starfsmanna á starfsárinu. Á sl.
vori skipaði þáverandi fjármálaráðherra
nefnd til að endurskoða samningsréttarlög-
in. B.S.R.B. átti 3 menn í nefndinni og var
formaður F.Í.S. einn þeirra. Nefndin hafði
ekki haldið nema tvo fundi, þegar stjórn-
arskipti urðu og ný viðhorf sköpuðust við
það, að ríkisstjórnin lýsti yfir í málefna-
samningi sínum, að hún vildi veita opin-
berum starfsmönnum fullan samningsrétt.
Fjölmargar ráðstefnur voru haldnar á
vegum B.S.R.B. víðsvegar um landið, um
viðhorf þau, sem skapast kunna við samn-
ingsrétt og verkfallsrétt. Haldin var for-
mannaráðstefna bandalagsfélaganna um
samningsréttinn. Ráðstefnan beindi því til
hinna einstöku félaga, að taka þessi mál
til sérstakra athugana, og sendi þeim hug'-
myndir um nokkur höfuðatriði í sambandi
við samningsréttinn. Þar er m. a. gert ráð
fyrir að samningsréttinum sé skipt milli
bandalagsins og hinna einstöku félaga rík-
isstarfsmanna. Félög bæjarstarfsmanna
skyldu hins vegar fara með samninga fyr-
ir þá.
Félagsráð F.Í.S. fjallaði rækilega um
samningsréttarmálið og einnig var haldinn
almennur félagsfundur um það. Félagsráð
skipaði níu manna nefnd til að fjalla um
málið og hugmyndir formannaráðstefn-
unnar. Samþykkt var sérstök ályktun,
sem send var bandalaginu. Þar voru á-
réttaðar fyrri samþykktir félagsins um
fullan samningsrétt til handa opinberum
starfsmönnum. Þá voru og gerðar ýmsar
athugasemdir við hugmyndir formanna-
ráðstefnunnar um samningsréttinn. Lagði
Félagsráð áherzlu á að þau félög ríkis-
starfsmanna, sem þess óska, fari með
samningsréttinn óskiptan, á sama hátt og
gert er ráð fyrir að félög bæjarstarfsmanna
geri. Taldi Félagsráð að skipting samn-
ingsréttarins, eins og gert er ráð fyrir í
hugmyndum formannaráðstefnunnar, geti
orðið mjög erfið í framkvæmd.
Nefnd sú, sem fyrrverandi fjármálaráð-
herra skipaði, hefur nú verið leyst frá
störfum og ný tekið við. F.Í.S. á ekki full-
trúa í þeirri nefnd.
SIMABLAÐIÐ
5