Fylkir - 08.07.1978, Blaðsíða 2

hYLKIR
RITNEFND:
Sigurður Jónsson (áb)
Magnús Jónasson
Steingrímur Arnar
Afgr. og augl.: Páll Scheving
Símar: 1344 Og 1129
Útgefandi: Sjálfstæðisfélögin í Vestmannaeyjum
Filmusetning og offsctprentun: Eyrún hf., Vm.
Af afstöðnum kosningum
Eins og að var stefnt af hinum svokölluðu vinstri mönnum
snerust umræður og átök nýliðinna Alþingiskosninga einkum um
kjara- og efnahagsmál.
Efst í huga hvers einasta kjósanda var æðandi óðaverðbólga og
hinar eyðileggjandi afleiðingar hennar fyrir Ijárlmg ein-
staklingsins, heimilanna, fyrirtækja og þjóðarbús, og óánægja hans
og vonbrigði með seinlæti og hik ríkisstjórnarinnar við að ráða
niðuriögum ógn valdsins.
Sjálfstæðismenn verða þó ekki sakaðir um að hafa ekki haft
skilning á þessari sívaxandi ógn og vilja til að leggja til atlögu við
hana, en stefna þeirra og vilji hlaut ekki þann skilning og atfylgi
annarra afla í samfélaginu, sem nauðsynlegur var svo að árangur
næðist.
Strax eftir sólstöðusamningana á sl. ári vöruðu margir af for-
ystumönnum Sjálfstæðismanna við óhjákvæmilegum og nei-
kvæðum afleiðingum þeirra og má sérstaklega minna á, að
frystihúsamenn á Suðvesturlandi vöktu athygli alþjóðar á vaxandi
og illviðráðanlegum rekstrarvanda fyrirtækja sinna og allrar
útflutningsframleiðslu landsmanna. Bentu þeir á, að eitt
meginskilyrði áframhaldandi reksturs framleiðslufyrirtækjanna
væri bein átök við og hjöðnun verðbólgunnar og stöðvun víxl-
hækkana verðlags og kaupgjalds.
Þessi aðvörunarorð létu menn sem vind um eyru þjóta og áfram
var haldiö í taumlausu og óbilgjörnu kappi foringja í milli að kynda
undir verðbólgubálinu með skammsýnum samningum við
opinbera starfsmenn, sem gengu enn lengra á flestum sviðum en
sólstöðusamningarnir.
Litlu síðar varð þó ríkisstjórnin að láta til skara skríða og gerði
ráðstafanir í efnahagsmálum, sem ætlað var að hæga á verð-
bólguskrúfunni, tryggja atvinnurekstrinum skaplegri rekstr-
argrundvöll, en e.t.v. má segja, að ráðstafanir þessar hafi bæði
gengið of skammt og komið of seint og að mistekist hafi að vekja
skilning almrnnings á orsök og afleiðingum, því sem á undan var
gengið og því sem á eftir átti að fylgja. Þessi viðleitni til átaka við
verðbólguna var mætt af hálfu forystu launþegasamtakanna,
Alþýðubandalags og Alþýðuflokks af vítaverðu ábyrgðarleysi og
óbilgirni.
í krafti fjöldasamtaka og afls fjármagns gripu þessir aðilar til
pólitískra aðgerða með því markmiði að brjóta á bak aftur
óhjákvæmilegar byrjunaraðgerðir ríkisstjórnarinnar gegn verð-
bólgunni og til að brjóta niður lög og vilja Alþingis og skapa
glundroða í landinu. Almenningur var brýndur til þátttöku í
þessum ólögmætu aðgerðum með slagorðinu, „Samningana í
gildi”.
Sjálfstæðismenn mættu þessum ábyrgðarlausu forystuöfum
með heiðarleika og einurð og skýrðu satt og rétt frá ástandi og
framtíðarhorfum í efnahagsmálum þjóðarinnar og hve langt yrði
gengið í kröfugerð svo raunhæfur árangur yrði af fyrir launþega.
Enn var talað fyrir daufum eyrum og blind augu máttu ekki sjá.
Alþýðubandalagi og Alþýðuflokki tókst með moldviðri
blekkinga og óraunhæfra yfirboða að slá ryki í augu fólks og vinna
„kosningasigur”.
Nú að afstöðnum kosnungum standa þessir tveir aðilar, sem
kjósendur vottuðu traust sitt og atfylgi með atkvæði sínu og gerðu
raunar kröfur um, að tækju stjómvöl þjóðarskútunnar í sínar
hendur, berskjaldaðir frammi fyrir þeim ógnvekjandi vanda, sem
þeir fyrir fáum vikum vildu ekki heyra eða sjá og töldu fólki trú um
að ekki væri til ef nokkur, þá auðleystur.
Nú em patentlausninar víðsfjarri og úrræðaleysi þessara aðila
sýnist algjört og kjarkur þeirra þrotinn til að takast á við vandann,
sem sjá má á því, að bæði Alþýðuflokkur og Alþýðubandalag biðla
ýmist til Sjálfstæðisflokksins og Framsóknarflokksins um myndun
nýrrar ríkisstjórnar, svo að ábyrgð nauðsynlegra ráðstafanna í
efnahagsmálum verði öxluð.
Það skyldi þó aldrei vera, að „sigurvegarar” þessara síðustu
kosninga séu nú þegar orðnir hinir sigmðu í átökunum við þann
efnahagsvanda þjóðarinnar, sem þeir áður vildu hvorki sjá né
heyra.
Við íslendingar, allir sem einn, og ekki síst við, sem erfiðum við
framleiðslustörfin, gerum þær kröfur til forystumanna okkar, að
þeir taki af ábyrgð og festu á brýnustu og erfiðustu vandamál
þjóðarinnar og leysi þau á þann hátt, að þeim grundvallar-
mannréttindum hvers einstaklings, atvinnuöryggi og eignarétti
verði ekki teflt í tvísýnu.
Það er tími til kominn, að fólkið í landinu geri þær sjálfsögðu
kröfur, að lífshagsmunum þess sé ekki fórnað í valdatafli fárra
valdagráðugra einstaklinga, hvort sem þeir eru innan stjóm-
málaflokka eða hagsmunasamtaka.
Þökkum innilega alla vináttu og samúð okkur
sýnda, við fráfall og jarðarför eiginmanns míns,
föður, tengdaföður, tengdasonar og afa
HARÐAR SIGURGEIRSSONAR
Ijósmyndara
Guðrún Loftsdóttir ogfjölskylda.
VANTAR HÚSTJALD.
Halli Tóta, sími 2081
UPPÁGRÍN !!!
Bitafiskur
Popp-corn
Hrís
BÍLASTÖÐIN
v/Heiðarveg
ÞAÐ SEM ENDIST ER
ÞOL
TÓNALITIR
og HRAUN
Gisli & Ragnar »/t
MALNINGAVÖRUBÚÐ
SIMI 2500 — VESTMANNAEYJUM