Prentarinn - 01.12.1950, Page 8
Nokkrar skýringar.
I „Upptíningi" eru smágreinar, sem teknar eru
úr ýmsum ritum. „Hclvetische Typographia" er
vikublað þýzkumælandi prentara á Svisslandi, en
það heitir á latneska tungu Helvetia. Vegna hinna,
er tala frakkneska tungu þar (I suðvesturfylkjun-
um), er gefið út annað blað á frakknesku, og heitir
það „Lc Gutenberg".
„IGF/FGI“ er auðkenni á tímariti Alþjóða-
bandalags bókiðnaðarmanna, upphafsstafirnir í nafni
þess á þýzku: Internationale Graphische Föderation,
og ensku: International Graphical Fcderation, og á
frakknesku: Fédération Graphique International.
„Amcriha er anderledcs" er rit, sem nýlega er
komið út (1950) og segir frá ferðalagi nokkurra full-
trúa alþýðusamtakanna í Danmörku til Banda-
ríkjanna í Norður-Ameríku og um þau og einkum
ýmsu merkilegu, er þeir veittu eftirtekt, um sam-
tök og kjör verkalýðs þar.
Stjórnarkosningar
hafa undanfarið staðið yfir í stéttarfélögunum
og sums staðar verið háðar af allmiklu kappi og
með eigi lítilli fyrirhöfn af hálfu þeirra, er um
„völdin“ hafa barizt. Hefði því erfiði, þeim tíma og
þeim kröftum, er til þess hefir beitt verið, sannar-
lega oft og tíðum betur verið til annars þarfara
varið en slíkra flokkadrátta, sem tíðast eiga sér
ekki aðra undirstöðu en fánýtan hégóma eða er-
lend hindurvitni, er ættu að vera búin að sýna
hversu holl þau eru. Virðist liggja nær um þessar
mundir að nota heldur kraftana til þess að leita nýtra
ráða til sameiginlegra átaka til varnar gegn vaxandi
yfirgangi eignastéttarinnar á hendur vinnustétt
þjóðarinnar.
Omissandi skilyrði.
Lipurð og bjartsýni, gætni og stilling, iðni og
vandvirkni — þessar tvenningar í þrenningu eru
allar í sameiningu ómissandi skilyrði farsællar iðk-
unar prentlistarinnar.
Félagar úti um land
myndu gera stéttinni vel til, ef þeir vildu gera svo
vel að senda Prentaranum linur um hag sinn og
háttu eða einhver tíðindi eftir því, sem til ber, svo
sem merkisafmæli, sveinspróf og því um Iíkt, eða
athugasemdir um eitt eða annað, er horfa mætti
stéttinni til eflingar frá þeirra bæjardyrum séð.
Skyldur prentnema órið 1831.
(Ur Graitsk Teknik.)
1. Nemandinn á að koma í prentsmiðjuna þveg-
inn, með greitt hár, í vel burstuðum fötum
og skóm, að jafnaði kl. 6 að morgni á sumrin,
en kl. 7 á veturna. Þó skal sá nemandi, sem
á að sópa gólf og þess háttar, koma hálfri stund
fyrr, svo að hjáverkum þessum sé lokið, þegar
sveinarnir koma til vinnu sinnar. Snæði nem-
andinn miðdegisverð hjá skyldfólki sínu, skal
honum ætluð til þess l/2 stund (frá kl. 1214—2);
síðan vinnur hann í prentsmiðjunni til kl. 8 að
vetrinum, en til kl. 7 á surnrin.
2. Sé nemandinn sendur með prófarkir eða ann-
arra erinda, verður hann að velja stytztu leið
til áfangastaðar, ljúka þar erindi sinu af skyn-
semi og háttprýði, muna vel þau skilaboð, sem
honum eru falin, og fara síðan stytztu leið
heim aftur; hann má ekki tefja sig á samræð-
um við kunningja, sem hann kann að hitta, né
á heimsóknum til vina eða vandamanna.
3. Þurfi nemandinn að fá vitneskju um eitthvað
eða svara því, sem við hann er sagt, verður
bann að vanda orðaval sitt og framkomu, svo
að eftir því sé tekfð, hversu vel hann er sið-
aður.
4. Aldrei má nemandinn nota pappírsörk til um-
búða án þess að hafa áður fengið til þess leyfi.
Sé út af þessu brugðið, getur af því hlotizt (og
hefir oft komið fyrir), að vanti á upplög, og
kemur það húsbóndanum í koll.
5. Nemandinn á að vera þögull í prentsmiðjunni,
sem er honum uppeldisstofnun. Hann má því
að eins tala, að honum sé nauðsyn að spyrja
einhvers eða hann þurfi að svara spurningum,
sem til hans er beint.
6. Nemandinn má aldrei segja óviðkomandi fólki
(ekki einu sinni foreldrum sínum) frá því,
hvað sé verið að prenta í prentsmiðjunni. Slíkt
hefir oft haft óþægilegar afleiðingar.
7. Nemandinn á að fara vel með íefnið, sem
honum er trúað fyrir. Þegar yfirboðari hans er
fjarstaddur, má hann ekki í galsa kasta stöf-
um í hina nemendurna eða skemma stafi af
trassaskap; með því spillir hann eigum hús-
bónda síns.
Námstíminn var 7 ár.
M. Á. þýddi.
ALÞYÐUPRENTSMIÐJAN h f
40 PRENTARINN