Fréttabréf Ættfræðifélagsins - 01.10.1985, Blaðsíða 2
- 2 -
Innréttingarnar. Þær voru undirstaðan að þróun fiskiþorpsins í glæsilega borg.
Ættfræðifélagið hefur ákveðið að vina þetta verk í hópvinnu. Allir félagsmenn
þurfa að leggjast á eitt, leggja hönd á plóginn við afritun og jafnvel samanburð.
Við verðum að hjálpast að og leggja metnað okkar og þrótt í að gera þetta verk
sem allra best úr garði. Þá fáum við fleiri verkefni á komandi árum. Það mun
efla fræðigrein okkar.
Kæru félagar. Eg skora á ykkur að spara ekki krafta ykkar og sýna í verki
að við séum verðug þess mikla trausts sem borgarstjórinn í Reykjavík og borgarráð
sýnir okkur. Vinnum að varðveislu heimilda um sögu borgarinnar. Það verður til
eflingar upprunalegustu fræðigreinarinnar í sögu lands og þjóðar í sambandi við
200 ára afmæli höfuðborgarinnar. Heil til starfa.
Jón Gíslason
NIOJATAL Sigurðar Þorbjörnssonar og Ingigerðar Björnsdóttur frá Króki i Ölfusi.
Eins og lesendur ef til rekur minni til hvatti ritnefndin félaga til að láta af
hendi rakna nýútkomin niðjatöl til þess að ekkert færi fram hjá okkur í þeim
efnum. Okkur hafa borist tvö ný niðjatöl.
Höfundur niðjatals Sigurðar og Ingigerðar frá Króki er Magnús Þorbjörnsson.
Bók hans er prentuð á góðan pappír, bundin inn og öll hin smekklegasta að frá-
gangi. Bókin skiptist í þrjá meginhluta: Formála, niðjatal og ágrip framætta,
en aftast er nafnaskrá.
Hér verður enginn dómur lagður á ættfræðilegt ágæti verksins en engin ástæða er
til annars en að telja það gott. Framættatalið hefði mátt vera greinilegar upp
sett, t.d. með tilvísunartölum. Höfundur merkir annars einstaklinga með tölu
og bókstaf. Eg hef áður látið þá skoðun í ljós að ég er óánægður með merkingar
sumra niðjatala sem þannig eru merkt. Eg er alls ekki einn um þá skoðun og er
ekki vansalaust að ættfræðingar skuli nota svo margs konar merkingar sem raun
ber vitni. Það er staðreynd að margar merkingar eru afar ruglingslegar. Menn
hafa þetta bara eins og þeir vilja, segja menn. Sem betur fer er viljinn frjáls,
en það má ekki gleyma því að allt sem út kemur um ættfræðileg efni verður að
vera ljóst og greinilegt. Það eru svo margir aðrir sem nota slíkt efni. Það
er mjög fráhrindandi rit sem menn botna ekkert í vegna ruglingslegrar framsetn-
ingar.
Við óskum Magnúsi til hamingju með fallega bók. a.s.