Dagsbrún - 01.05.1989, Blaðsíða 4

BÓKUN I.
um réttarstöðu starfsmanna við eigendaskipti að fyrirtæki.
Samningsaðilar eru sammála um það að eigendaskipti að fyrirtækjum eða sam-
runi fyrirtækja geti ekki breytt ráðningarkjörum, þar með talið orlofs- og veikinda-
rétti, starfsmanna, nema undan hafi farið uppsögn ráðningarsamnings. Gagn-
kvæmur uppsagnarfrestur aðila breytist ekki við eigendaskipti að fyrirtæki.
Aðilar eru sammála um það að fyrri eigandi kynni fyrirhugaðar breytingar á
rekstri eða sölu fyrirtækis, með eins miklum fyrirvara og kostur er.
Við eigendaskipti að fyrirtæki gengur hinn nýi eigandi inn í réttindi og skyldur
fyrri eiganda gagnvart starfsfólki, nema starfsfólk sé í kaupsamningi sérstak-
lega undanskilið. Telji hinn nýi eigandi sig þannig óbundinn af ráðningarsamn-
ingum fyrri eiganda ber honum að tilkynna starfsmanni það strax og hann tekur
við rekstri fyrirtækisins. Ef svo er, er fyrri eigandi skuldbundinn til að greiða
starfsfólki uppsagnarfrest skv. ráðningarsamningi eða kjarasamningi.
BÓKUN II.
Með vísan til reglna um greiðslur vegna veikinda barna, er það sameiginlegur
skilningur aðila, að með foreldri sé einnig átt við fósturforeldri eða forráðamann,
sem er framfærandi barns og komi þá í stað foreldris.
BÓKUN III.
Aðilar eru sammála um að stefnt skuli að aukinni hlutdeild kvenna í stjórnunar-
störfum í fyrirtækjum.
Jafnhliða þessu er stefnt að því að konur takist á hendur ábyrgðarmeiri og
hærra launuð störf.
Aðilar eru sammála um að skipa viðræðuhóp, sem skoði hver þróun launa-
munar karla og kvenna hefur verið, hvað skýri hann og kanni leiðir til að draga
úr honum.
BÓKUN
Aðilar eru sammála um að samið skuli um launakjör iðnnema miðvikudaginn 3.
maí n.k.
Reykjavík, 1. maí 1989.
4