Dagsbrún - 01.09.1989, Blaðsíða 30
DESEMBERUPPBÓT
Verkafólk sem á árinu skilar a. m. k. 1.700 dagvinnustundum í sama
fyrirtæki og er viö störf í fyrirtækinu í desember, skal eigi síðar en við
síðustu launaútborgun fyrir jól ár hvert fá greidda sérstaka eingreiðslu,
desemberuppbót, kr. 9.000,00.
Verkafólk í hlutastarfi, sem uppfvllir sömu skilyrði, en skilar mismun-
andi fjölda dagvinnustunda, skal fá greidda desemberuppbót, sem hér
segir:
Þeir sem skila 550 til 850 dagvinnustundum fái 1/4 desemberuppbót-
ar, þeir sem skila 850 til 1275 dagvinnustundum fái 1/2 desemberupp-
bót, þeir sem skila 1275 til 1500 dagvinnustundum fái 3/4 desember-
uppbótar og þeir sem skila 1500 til 1700 dagvinnustundum fái 7/8 des-
emberuppbótar. ( vaktavinnu telst hver vaktavika 40 dagvinnustundir.
Við mat á störfum, sem eðli síns vegna miðast ekki við unnan dag-
vinnutíma, skal miða við unna daga og vinnustundir (hámark 8 klst. á
dag). Við útreikning desemberuppbótarinnar skal draga frá starfstíma
barnsburðarleyfi, skv. gildandi lögum.
Vinnustöðvun vegna hráefnisskorts eða fjarvistar vegna veikinda í
desember skerða ekki rétt til desemberuppbótar, en sá tími reiknast
ekki til dagvinnustunda.
Láti starfsmaður af störfum á árinu vegna aldurs, skal hann fá greidda
desemberuppbót vegna áunnins tíma. Sama gildir þótt starfsmaður sé
frá störfum vegna veikinda eftir að greiðsluskyldu vinnuveitanda lýkur.
Framangreindar fjárhæðir greiðast sjálfstætt og án tengsla við laun.
Desemberuppbót tekur áfangahækkunum eins og laun frá gildistöku til
greiðsludags.
ORLOFSUPPBÓT
Fastráðið starfsfólk, sem hefur áunnið sér fulian orlofsrétt, með starfi
hjá sama vinnuveitanda næstliðið orlofsár og er í starfi í maíbyrjun ár
hvert skal við upphaf orlofstöku eða eigi síðar en 15. ágúst fá greidda
sérstaka eingreiðslu, kr. 6.500,00 orlofsuppbót, miðað við fullt starf, en
hlutfallslega miðað við starfshlutfall og starfstíma. Viðmiðun skv. fram-
anskráðu er 1.700 klst. í dagvinnu. Að öðru leyti fer um útreikning rétt-
inda eftir ákvæðum hlutaðeigandi samnings um desemberuppbót.
Það telst vinnutími samkvæmt þessari grein, þótt maður sé frá vinnu
vegna veikinda eða slvsa, meðan hann fær greitt kaup eða hann er í
orlofi.
30